Read Banggai ANDEAN 30 Bible Online

ANDEAN 30 - Banggai bible

ANDEAN 30

¹Naiyamo bantilan-bantilan Agur mo bantile Yake napau luwedoi Masa: “Yaku pakadak, oh Mian Bisa, yaku pakadak! Kabuso kobukunggu!

²Yaku longas buno iyayon; akiyo kupangalatian.

³Akiyon kupalajaliyo kopandoian, soisik kai aki kutoiyo tentang ko Mian Bisa.

⁴Indee kai kobanggapino moliba obulus doi surgaa? Biasamokai monggunggum mombuul doi limano lalomo, tukon bunguse kopaisu doi nakalambi lalomo, kai tataapkanggene kodunia kallatan-kallatano? Indeekai yana tukon indee konapau? Tantu ikoo toiyomo!

⁵Mian Bisa tapatio samba Kona perjanjian. Yana bunokai tombide tuuk saibino komolubat soop doi Yana.

⁶Kalu ikoo sungiyo oila Kona binantil doo maka Yana naikon anukene ikoo tukon okitakene baikon ikoo bakalakala.”

⁷“Oh Mian Bisa yaku kabiyo akiyon kumate, beekemokai yaku lua kolangge nia.

⁸Inai nasampe yaku bantile kobantilan-bantilan molokis tukon bakakala, tukon inai mosodiikene yaku talalais kai kaasa. Bekenemokai doi yaku tolongo oila daku pinalalu.

⁹Sabab kalu kai yaku kaasa, moolakai yaku naikon bantile baikon yaku aki napalaluwo Ikoo. Tukon kalu yaku talalais, moolakai yaku naikon pondikuk mokulokisene kosambu-Mu.”

¹⁰Inai mobasalitakene meeng koata doi tumbuno, ikoo totiliyo binatopikon tukon inanggon salah.

¹¹Daano komian moanggene kotamano tukon aki nahalagaiyo kotinano.

¹²Daano komian moanggene kobutongo moliyous, banggokai yana madikit tuuno.

¹³Daano komian moanggene kobutongo monondok tuuno — akiyo kona bunoan konamonondokan!

¹⁴Daano komian momounggolii tambo tukon cara molokis; yanila lokis tukon pakisayo komian motalalais tukon mian momiuk.

¹⁵Mobakokoliidoo daano kolua konapau; kolua-luano kosambuno, “Tuuk yaku!” Daano kosanggapo kolangge moaki nabiasa puas:

¹⁶mian mate nalipu, boine moakiyon nabiasa mosuung buta motuul sio naikon naudan, tukon aung modilep doyaa-yaa.

¹⁷Komian mo akamayo kotamano kai tinano motuamo, pantaso nasinakukon doitonggulung sulano komatano tomisi gagak tutuke tukon kobajano tomisi alai belengga kaane.

¹⁸Daano kosngkap kolangge motodudul sulit doiyaku tuuk mangalatikene:

¹⁹tomisi alai belengga mobenga doi dapang, binda molasa doi batu nggalanggang bunggono, kapal motalabut doi tobun tangano, tukon meeng kopaal kopau malane pauboine pobianggon.

²⁰Naiamokai koakal meeng koboine mo aki nasatia doi nalakai: Salataa lapa balolowa, yana kaan maka utase kosuungo doibundu bantile, “Yaku aki kumokubai oila-oila!”

²¹Daano kosanggapo kolangge mosulit tinalima doi posaapon kolipu:

²²meeng koata moteali tomundo, meeng komian molongas momalaat saibino kona minoton,

²³meeng koboine moteali osowan banggo kai yana aki komian naiyase, meeng koata mololukono molampase nanona nakadudukan.

²⁴Doi dunia nia daano kosanggapo koiyayon lupano mopopoisik bai pandoi tuuno doiyamo;

²⁵Bibil, iyayon moaki nabukuan, bai sadiayomo kona kinaan doi tempo keas.

²⁶Palanduk iyayon mo miuk, bai kubayo kona bonua doi bunggul batu.

²⁷Betek, iyayon moakiyo kona tomundo bai babalis tukon taatul.

²⁸Kaladia iyayon mo moola ilako tukon limano, bai talaat doi tomundo nakamali.

²⁹Daano kosanggapo kolangge moinonok kalu kai pinalatikanggon nacara ampakonan, doiyamo:

³⁰Singa, iyayon mo bukuan doi antara sasaibino koiyayon tukon aki nambombokon mau oila tolong;

³¹mbembe langgilo, manuk tanggoloko mo ampakon tetenggel, tukon tomundo doi nalayat salaano.

³²Kalu tolongo mulongasan ikoo babanggaal mo baniatene kopalakala-palakala molokis, jaga!

³³Sabab kalu ikoo mopiis susu, ikoo hasilkanggene komentega. Kalu ikoo umbase komian soongano, lubato kosauh. Kalu ikoo sumbutene konggimalan, ikoo tongusokon doi podanganian.