Read Banggai ANDEAN 6 Bible Online

ANDEAN 6 - Banggai bible

ANDEAN 6

¹Kupau, banggokai ikoo biasamo paladandi doi meeng-meeng komian tuuk mobeale konasamea.

²Tukon moola teali ikoo molapamo kana doi talong luwedoi mubantilan-bantilan ilakomo luwedoi muperjanjian-perjanjian susungo.

³Kalu bisa bundoiya, kupau, ikoo daanomo doi miandoo nakakuasaan lalomo. Bai naiyamo konacara ikoo lolos; mosobitkai taus doi miannoo; kabiyokai tukon tutuu sulano naiyase sodiiyo ikoo.

⁴Inaikai motaus momoolo lolukon tukon inai balasanaang.

⁵Sodiiyomo kai kobutomu luwedoi kobodoo buno tomisi donga modambasene kobutongo luwedoi momangasu.

⁶Komian-mian mosasalaon sio napalatikanggene kobibil nacara tuboan tukon balajar luwedoi yana.

⁷Kobibil akiyo konakatua, akiyo konapamarentah kai napadagai,

⁸bai namalumbitan yanila pototongikene konapinupui konakinaan doi tempo keas.

⁹Polong doi tempo oila domo sasalaonnoo yase moolo? Oila kotempono yana yase bangun?

¹⁰ Yana osulang akiyo konakinubai oi-oilah tuuk balasanaang, tukon yana bantile, “Eh yaku moolo soisiken, yaku pipitto.”

¹¹Bai daanon yana moolo, yana kanakon kakurangan tukon talalaisan molubat buno pondikuk modaano konasandata.

¹²Mian molokis tukon balalainggon bakokoli doi yaa-yaa.

¹³Yana balamaen mata tukon mokubai paloosan tuuk bakokolii.

¹⁴Napikiran molokis badaang konatetel molkis tukon osumbute pogagaian doi yaa-yaa.

¹⁵Saibino doiya naikon tealikene kosilakaan sosinggot lupayo kobutongo tukon yana manas tuuno.

¹⁶Daano kopitu kopalakala ko TEMENENO misikitene tukon aki namoola sinodiikon: Ndodoong mobabanggaal suungo mobakokolii, limano moakateo komian moakiyo konasalah, tonotoko batetekene kolangge-langge molokis, aino momosobit tujuiyo kokulokisan, kosakisii mobanggadudul-banggadudul bakakala, tukon mian moosumbute kopomusuan doi antara tulanggita.

²⁰Kupau, kubaiyomokai oila tamamu napinarentakon, tukon inai motoliminggene naikon tinamo naotinau-otinau.

²¹Neneekekai sidutu yanila nabantilan-bantilan tukon abesemo doiya doinoamu lalomo.

²²Yanila naotunggul-otunggul naikon mobimbinge ikoo muampakonan lalomo, modagaiyo ikoo doi tempo popook, tukon beena otunggul doikoo doi tempo ikoo bangun.

²³Komuorang tua napotunjuk-potujuk bunokai posi motalaang; yanila napanganukon tudoikene doikoo kotuboan nacara monondok.

²⁴Tukon bunodoiya ikoo dinodoonggon luwe doi molu-moluko monakal, tukon luwe doi budu-budukan mo salaiyo komian bailon naboloki.

²⁵Inaikai mosalaiyo doi yanila namonondokan, inai motoboliseme doi yanila matano mobudukiyo.

²⁶Komobalolowa moola natinambo kinaan meeng kopinggan, bai pololowai tukon mian naboloki sio nabeale tukon ansaang.

²⁷Moolakai komian nalapine koaung aki tosua konakalambi?

²⁸Molakai komian motudang aung balano aki natosua koaino?

²⁹Doiya pokakana konabahaya tukon mopolibut komian bailon naboloki. Inde komokubaiyo aki naikon naluput luwe doi ukuman.

³⁰Kalu komian pondikuk kinaan maukai naikon namalaal, yana naikon tinotulai.

³¹Tukon kalu yana ilako yana sio nabeale koidan pitu lunggon napinakuan; tuuk doiya yana siokai nalapus sasaibino konabuat.

³²Bai bulaandokai tukon namian mala-malaneno mobalolowa? Yana lusayo kobutongo susungo! Longas tuuno yana!

³³Yana naikon sinakisaa tukon tinotulai. Kosambuno naikon teali lokis sidutu posidutukon.

³⁴Sabab, tukon nakokubai doo boine doo nalakai teali masakit konoano tobikon konanggimalan tosu-tosungi. Tukon kalu kai yana balase konamasakitan konoano, yana akiyo naikon konapomaasikonan.

³⁵Yana aki teali inasiasi tukon doy; kopalaseng nakadaang oilakai aki nateali atasio konanggimalan.