Read Banggai ANDEAN 8 Bible Online

ANDEAN 8 - Banggai bible

ANDEAN 8

¹ Ndongoliyo! Kopikiran momamangan nanggele-nggeleamonan, pandoiyan nabinggatano koalalo.

²Yana kokondong doibunggul-bunggul doi loloon bibilo, tukon doi kasangan-kasangan.

³Doi tataapon babasal, doi loloon usokan doi kota, idoomokai konaalalo longolan.

⁴“He, umat banggapi, doikoomo daku nggeleamonan; samba kobanggapi doi dunia, palatikanggenekai dakubantilan!

⁵Komuyu moakiyoon daano konapangalaman, mongiyotunggukon modaano kona pikiran mamangan komuyu molongas, mongiotunggukon teali toiyo.

⁶Palatikanggene daku bantilan-bantilan, sabab sasaibino bisa tukon monggol.

⁷Daku bantilan bisa sasaibino, sabab yaku misikitene kobakokoliian.

⁸Daku bantilan-bantilan sasaibino jujul akiyo komeeng kai mosusah kai mosalah.

⁹Komian mopandoi, dakubantilan kana, tuuk doi mian mopandoi dakubantilan tapaat.

¹⁰Halagaiyokai daku otinau molobian kosalaka tuleng, utamakenekai komotoiyan molobian komosoni tuleng.

¹¹Yakumokai kopandoiyan, molobian koanggano luwedoi mutiara; akiyono kobandingano tukon oilamo komu inonok.

¹²Yakumokai kopandoian, doiyaku daamo kopangalatian, kopandoiyan tukon montoiyan.

¹³Odotiio ko TEMENENO koalatino misikitene kokulokisan yaku aki kuyase kobabanggalan tukon nggaale kobutongo. Yaku misikitene kokalakuan mokulokis tukon bantilan-bantilan mobakokolii.

¹⁴Yakumokai komobeena potunjuk. Tukon yakumo koidan mo okitakene. Yaku pandoi tukon bukuankai

¹⁵Tomundo-tomundo naampakokene konaparenta yaku tombonio, saibino komobalakuasa kutumbonio, kenggele kokaadilan.

¹⁶Sabab daku kebaikan doi, sasaibino komo babasakene tukon sasaibino motulunan tomundo maparenta tukon ampakonkene kokaadilan.

¹⁷Yaku seseange yanila moyase doiyaku; mounggoliyo yaku naikon posunggene yaku.

¹⁸Doiyaku tasadia kokaasan koidan nainolomatian tukon nakamakmulan.

¹⁹Komu ilaat luwedoi yaku lobian komosoni tuleng; lobian koanggano luwedoi salaka tuleng.

²⁰Yaku mololoi loloon kaadilan, yaku laakon doiloloon najuyulan.

²¹Mian moseseange yaku, kutealikene kaasa kukonoiyo konabonua tukon buat.

²² Yaku TEMENENO pasitakayo salaku tumbeno, yakumokai Kona hasil tumbeno nabalimangan tumbeno doi tempo lolukon.

²³Yaku inoduk doi tempo tumbe-tumbeno, doitumbe-tumbeno, kodunia akiyon napinasitaka.

²⁴Yaku sinuung akiyon napinasitaka kondalangon babasal, akiyon nasumbut kopaisu nalubatan.

²⁵Yaku sinuung akiyon kobungkuko-bungkuko nakinokondong, akiyon kobunggul-bunggul nakinokondong.

²⁶TEMENENO akiyon napasitakayo kodunia tukon napadang-padang, baanggokai akiyo Yana pasitakayo kobuta patikuno tumbeno.

²⁷Yaku sakisiyo salataa kotimbu tobukamo, tukon dapang bininggakono doitobin bunggono,

²⁸salataa TEMENENO abesemo kobunom doi dapang, tukon bukayo kondalangon naluwean,

²⁹salataa Yana palentayo kotobun sulano inai balisiyo kopangatan pangatango. Yakukai tulut hadil inda, sulataa Nabingkakanano kodunia pangalaso.

³⁰Yaku daano doi Bibilo salaku napau sineseang, samba kooloyo yakumokai komo menendekene; sidutu yaku bala-balamaen doi Yana salaano.

³¹Yaku bala-balasanang doi Nadunia bunggono, tukon lasayo monondok doi antara banggapi.

³²Tobikondoya, ndongoliyokai yaku, he mian motabokon! Loingiyomokai daku otunggul, maka ikoo naikom mutuboan monondok.

³³Talimayomokai kootunggul tukon teali pandoi, inaikai ikoo pandaentenge.

³⁴Monondokkai mian mo ndongoliyo yaku samba kooloyo osulang motitili doi kobunoa tataapono, tukon bada-badagi doiku dungolan tataapono babasal.

³⁵Inde mondongoliyo yaku, malaat tuboan, doiyana TEMENENO pokonoi.

³⁶Inde komoaki laate yaku, olugio kobutongo susungo, mian momisikitanaku kilakene komatean.”