Read Banggai ANDEAN 9 Bible Online

ANDEAN 9 - Banggai bible

ANDEAN 9

¹Pandoian lapamo mokokondong bonua, tukon kekendenge pitu kosudongo.

²Yana lapamo kelete kanaiayon piniala tuuk lamean, mokubai anggul paisuno tukon sadiayo kokinaan.

³Peleani-peleani boine sinumbali taus nggenggeleamon luwedoi tampat-tampat motatandak doi kota.

⁴“Inde moakiyo konapangalaman, nadosumaikon!” Komo akiyo kanapikiran, pandoi bantilan.

⁵Maimo namalasakan dakukinaan tukon matamis anggur ikoo molapamo kubaiyo.

⁶Tinggalemokai kolongasan, sulano ikoo tubo monondok. Loingiyomokai komian mopandoi naloloon.

⁷Kalu mian moaki naiyase inotunggul ikoo tudoikene konakasalahan, yana naikon kokumbite ikoo. Kalu mian lokis ikoo nggimoliyo, naikon totosiikon.

⁸Inai mososibolii mian moaki naiyase inotunggul, yana naikon anggakon.

⁹Kalu mian mopandoi ikoo otinauwo, yana naikon teali lobian konapandoian. Tukon kalu mian mangangga doi Mian Bisa ikoo otunggule, namontoiyan naikon tosuungi.

¹⁰ Sulano teali pandoi, tumbe-tumbeno mian siodaano konapongodotii tukon matakutene ko TEMENENO. Kalu ikoo tingoniyo Mo Moliyous ikoo naikon malaat pangalatian.

¹¹Pandoian naikon beena doikoo tatandak komuumur.

¹²Kalukai pandoian daano doikoo, ikoo susuumu komountung (komolaba). Bai kalu pandoiyan ikoo tolayo, ikoo susuumu koidan komolugi.

¹³Kolongasan daanon buno boine mobadaang konabantilan moakiyo konapangalaman tukon aki natoyo kamaa.

¹⁴Konatampat doiyamo doinabonua tataapono kai doi kota tataapono babasal.

¹⁵Luwe idoo yana nggeleamon doi mian moalo. Mian moloyos konoano nabudukiyo.

¹⁶“Mai sampu, he komuyu moakiyon daano kopangalaman!” Tukon doimian moaki konapikiran yana bantile,

¹⁷“Paisu moindikuk kotamiso maamis tukon kaan motosokon-tosookon lobian maamis.”

¹⁸Yanila moteali musuh aki natoyo mian molubotiyo yana posungo kona matean idoo; tukon yanila molapamo usok doi nabonua lalomo, diabudodoo daanomo doimian mate nadungolan lalomo.