Read Banggai PONGOTUNGGUL 10 Bible Online

PONGOTUNGGUL 10 - Banggai bible

PONGOTUNGGUL 10

¹Mung kopos bunito moala naboaniyo komeeng kobotol kominyak mobabangi, soisik kobodohan bai hapuskanggene kohikmat motatandak.

²Pantasokai kalu komian mopandoy nalakukanggene kokebijaksanaan, tukon komian mobodoh lakukene kokulokisan.

³Konakobodohan tokita doi sasaibino konakokubai. Tukon doi sasaibino komian tinudoikon kai konalongasan.

⁴Kalu komu berkuasa nggimoliikon, inai kai makabi tade mobalimang. Maukai komu kasalahan na babasal, ikoo inompuni kalu tanaang tukon sabar.

⁵Daano kokulokisan bailon kukinita doi dunia, doiyamo sasaibino koponguasa napenyelewengan.

⁶Mian mobodoh binee osulangan momonondok, baikai komian terkemuka aki namalaat oi-oila.

⁷Biasa, kukitayo koata-ata molokiti adalan sadangkan kakaum bangsawan tolongo ampakon aiai pokakana koata.

⁸ Indee komo kaliyo kobuang, naikon tuwong doi lalomo; indee komo duduwo kobeton naikon binda mouposon sokuwo.

⁹Indee komo balimang doi bakalian batu, naikon tapandunggon tukon pokolon. Indee komobatayo kokayung, naikon malaat silaka.

¹⁰Kalukai komubakoko bokitul tukon aki mubilase, ikoo sio balimang tukon kokobukuan. Pakeyomokai komu akil mosehat, tukon kabaiyomokai komurencana lolukon.

¹¹Kalu binda mosoku akiyoon nakinamalu tukon basupaan, maka dotalapu binda akiyono kotakoso koidan.

¹²Komian mopandoy nabantilan kubaiyo yana inodotii, bai komian mobodo silaka sabab bantilan-bantilan susuungo.

¹³Yana tambuun tukon biasa bakala-kala, bai konapupusan konasalita buno mian tindo.

¹⁴Bisa, komian mobodo basalita badaang. Oloyo ndasinasalaan tosookon tuuk doi kita sasaibino. Akiyo komo moola ramale komo teali salataa kita akiyono.

¹⁵Tongo mian mobodo komo aki natoiyo kololoon doi nabonua, yana balimang kokobukuan tukon akiyo kona tade-tadean.

¹⁶Silakamokai dotanodoo sabab kona tomundo mongula tuuno, tukon sasaibino kopembesar tolongo mokubai lamean mobabasal meeng kopopook.

¹⁷Kona mujuran doi tanodoo kona tomundo taangga, kona pembesar kaan doi tempono, aki nayase malangu tukon pandoi taane kobutongo.

¹⁸Bonua atono naikon labe kalu aki nakinindondok, tukon doibundu dobonuadoo manas sebab namalasan.

¹⁹Koramean kubaiyo kokokumbitan, tukon koanggur kubaiyo kotedesan. Bai perlu nadaano kodoy pebealo.

²⁰Inai manganuukon tomundo, asal tolongo doi noamu lalomo. Inai mototosiiyo komian mukaasa tadukai doi nakombiang mooloan susuungo. Mungkin daano komeeng kotomisi mondongoliiyo komu binantil, maka napelenggene doi mian mobersangkutan.