Read Banggai PONGOTUNGGUL 6 Bible Online

PONGOTUNGGUL 6 - Banggai bible

PONGOTUNGGUL 6

¹Kukitayo koidan koakian naadil mo dedekene tuuno kobanggapi doi dunia nia.

²Mian Bisa daano kotempono beena kasaan, inodotii tukon buat doi memeeng komian, tobikon akiyono koidan komo minomoton. Bai Mian Bisa aki napataikene yana sarakanggene saibino domo bineekonoo. Kobalino, mian mo aki natiningonii komo rasakanggene dokasaanoo. Jadi, saibino doiya sia-sia tukon susah.

³Maukai komeeng komian namotooli pau sakat tukon tubo malumbit sampe yana motua tuuno, bai kalu yana aki narasayo kona sanaangan tukon aki koidan namalaat penghiburan mopantas, maka daku pendapat, tadukai meeng kopau lumboon mosinuung mate komo monondok kona nasib kalu baino domianoo.

⁴Sabab pau lumbonoo aki teali soal oilakai yana sinungkai aki, yana taus doi kalipokan lalomo, tukon mosobit tinoliminggon.

⁵Akiyon nabiasa yana kitayo kooloyo matano panano, tukon yana akiyon koidan mangalatikene oila natuboania, tobikon yana moola nggonggolonggon tukon tanaang.

⁶Tukon doiya lobian komondok luwedoi mian motubo 200 kotaun, bai aki nabiasa sanaang. Bolikonokai lua-luailah taus doi tampat mopokana koidan?

⁷Kobanggapi balimang tolongo tuuk kaan, bai yana aki nabiasa morasaiyo biai.

⁸Jadi oila komian pandoi nakauntungan pinokonoikon tukon mian molongas? Oilakai kotakoso kalu mian motalalais konakalakuan monondok doi masyarakat tanga-tangano?

⁹Saibino doo sia-sia buno usaha mololonggon mombuul. Lobian monondok kita bai tukon oila komodaano doi kita kalu baino kita moiyase nasidutu lobian badaang koidan.

¹⁰Saibino kolobo modaano, doi tempo momalumbito. Kita toiyo baikon kobanggapi aki namoola bantayo komian mo lobian bukuan luwedoi yana.

¹¹Palolokon malumbit kona bantaano, pololokon akiyo koalatino kona bantilan-bantilan, pololokon yana aki namalaat kauntungan oioila.

¹²Bulandokai komian momoola toiyo oila komo monondok tuuno doiyana doi natuboan lalomo mopaupalus tukon akiyo kotakoso, tukon moalokon buno bayangan? Bulaakai komeeng komian momoola mangalatikene oila naikon komo teali doi dunia nia sambuno yana akiyo?