Read Banggai KIDUNG TUUNO 4 Bible Online

KIDUNG TUUNO 4 - Banggai bible

KIDUNG TUUNO 4

¹Manisku, ikoo tambongan tuuno, tutuu ikoo tambongan tuuno. Matamu taikon doi mukokudung bunokai lapatiing; mubuuk bunokai mbembe tambuno motokoluiyo kobunggul-bunggul Gilead.

²Ngolimu moute buno domba tambuno, mo sodo dinallu tukon sinau; berpasangan buno domba napau-pau pinga, meengkai akiyo komo lapus.

³Suumu bibilo bunokai meeng kopita patolo pomemela, tukon suumu tambongan tuuno. Pidalomu buno delima saono mobinata, tosookon taikon doi mukokudung sembeleng.

⁴Kobulumu buno Daud namenara, mo binangun tuuk mangabosan sanjata. Muinoon pokakana soloon ko tombide, sasaibino kosuludadu pakeyo pongumbas.

⁵Ko eopomu saono bunokai lua kodonga napau, kijang napau pinga modaano makaan bulung doi antara bunga-bunga bakung.

⁶Yaku yase taus doi bunggulo mur doi bunggul kamangian, sampe puul komombuul dowa-dowa, mo akiyenggene kokolipikon popook.

⁷Ikoo tambongan tuuno, dakubibian akiyo kososibolino doi ikoo.

⁸Maimo nda obulus luwedoi Libanon, dakupangantin, maimo nda obulus luwedoi Libanon. Obulusokai luwedoi Amana bunggono, luwedoi Senir tukon Hermon bunggono, macan tutul tukon singa natampat dungolan.

⁹Ikoo tarike konoanggu, dinda, kubasoanan, ikoo tarike konoanggu tukon mupokita, tukon permata monondok doi mukalung.

¹⁰Mondoko tuuno komu peseang kubibian, dinda, pengantinku, liisiyo oddoon konamonondokan luwedoi koanggur. Komu minyak wangi babangi tuuno, liisiyo sasaibino korampa-rampa kaliangano.

¹¹Daku pangantin, komubantilan-bantilan maamis, buno dokot moasli tukon susu. Mupakean pokakana kona babangian ko Libanon Bunggukono.

¹²Daku bibian doiyamokai koasi mobineton, asi mobineton, paisu matano mototutup.

¹³Indaa tubo kodelima batang-batango, tukon sao-saono momaamis tuuno. Bunga pacar tukon narwastu,

¹⁴narwastu, kunyit, kayung mamis tukon tobu, tukon rupa-rupa kokamangian batango. Mur tukon gaharu, tukon rupa-rupa korampa mopinilimo.

¹⁵Paisumatano doi kuasi palapuutene kopaisu motetap molomba luwedoi Libanon!

¹⁶Puulokai eh kombombuul lembet, lubatokai, eh kombombuul lalom! Puulokai doi kuasi, sodiiomo nababangi posapon. Boliisi daku bibian nalubat doi naasi, tukon kaane kosao-saono mo maamis.