Read Banggai YESAYA 18 Bible Online

YESAYA 18 - Banggai bible

YESAYA 18

¹ Luwedoi meeng kotano doi Sudan paisu-paisuno batango sembeleng tololongol koserangga alalo momomuuk.

²Luwedoi tanodoo lubatokai koduta-duta motolobutiyo ko Nil Paisunobatango tukon duangan-duangan pandan. Eh, utusan-utusan mopandoy, pomulekai tukon mosobit doipo tano mopinintosii doi paisu-paisubatangodoo. Pobabayokai komeeng koteteba motuuk doi mubangsa mobukuan tukon tambongan barani, komu mian tatandaki tukon halus kokulito tukon minatakuton doi posaapon kodunia.

³Eh, komuyu sasaibino modungoliyo kodunia! Popalatikanggenekai kopanji-panji kalu naikon linibakono doi bunggul-bunggul bunggono! Polengelekai kalunaikon kotorompet pinuuko!

⁴Ko TEMENENO bantile doiyaku, “Luwedoi Kudungolan doi babo, Yaku naikon mbaleng doi bilit tukon tenaang tuuno, pokakana kolinggous konatanaangan motokubai doi popook moaki naudan doi bapetean tempono, tukon pokakana kona madialan buno oloyo panano doi tempo oloyo.

⁵Akiyoon nalaate kotempono kolangge nasaowan, doitempo kobungano namaladakan tukon koanggur saono akiyoon namoyoo doi batango, ko Sudan naikon musu manasemo kabus, tongo buno piso kita momapatol kayung pangano kona gampangan.

⁶Sasaibino kosuludadu polobosian mayat-mayato naikon inotinggal teali tomisi-tomisi nakinaan doitempo tolukan, tukon iyayon mobarani doi tempo timul.”

⁷Kalu laate kotempono konapo sosubakon-sosubakon pinolonggon doi TEMENENO Mobabasal Konakuasa moluwedoi tanodoo mopinintosii dopaisu-paisudoo batango, moluwedoi nabangsa mobukuan tukon tambongan barani, moluwedoi namian-mian motatanadaki tukon mohalus kokulito tukon posaapon komian nia dunia nia matakutene yanila. Yanila naikon lubat doi Sion bunggulo, doi TEMENENO Mobabasal Konakuasa natampat sinosubaiyan.