Read Banggai YESAYA 20 Bible Online

YESAYA 20 - Banggai bible

YESAYA 20

¹Luwedoi Sargon naparenta, tomundo Asyur, suludadu talengano doi Asyur lubat molobosiyo ko Asdod, meeng kokota doi Filistin.

²Tolu kotaun akiyoon nalaate kotempono, ko TEMENENO sumboliiyo Yesaya Amon napau sulano naliate kona sapatu tukon natoik karung modaanoon mopakeyo. Yana loingiyo do TEMENENO doo naparentah maka naambakon balalau tukon akiyo konasapatu.

³Salataa kokota Asdod linobosimo, ko TEMENENO bantile, “Ikoo Daku ata Yesaya tolumo kotaun komu balalauwan tukon aki mubasapatu. Naiyamokai kopaloosano luwedoi oila naikon komo teali doi Mesir tukon doi Sudan.

⁴Kotomundo Asyur naikon mataan mian moluwedoi tanodoo moluwa tukon yanila naikon tinandan tukon balalau. Motua tukon mongula, sasaibino naikon ambakon tukon balalau aki napo mapake kalambi tukon sapatu tukon koidan tokita kobilitoila, salaku pototulai ko Mesir.

⁵Komian mobalaanggene ko Sudan tukon mobabanggaakene ko Mesir naikon manasal tukon akiyono konapo moinian.

⁶Doi tempodoo komian modungol doi tobun bibilo naikon bantile, ‘Pokitayokai oila komo teali tukon donda bangsa kita mobalaanggene sulano nalindungiyo kita luwedoi tomundo Asyur. Aki namungkin kita mosalamat?’ ”