Read Banggai YESAYA 24 Bible Online

YESAYA 24 - Banggai bible

YESAYA 24

¹Ko TEMENENO naikon akamanasemo kabus kodunia, sampe teali kindolon tukon kiis. Yana abaliyo kodunia tukon pobabandakene komanusia.

²Sasaibino komian konanasib pokakana: koimam-imam tukon rayat, koata moinoli tukon komo oliyo, komo mabalukon tukon komo mongoli, komo babinggat tukon mobinggotiiyo, mokaasa tukon motalalais, sasaibino pokakana.

³Tebeaas kodunia tukon minanas. Ko TEMENENO lapamo bantile, tukon doiya langgedoo pasti teali.

⁴Kodunia naikon teali motuul tukon moloiyu, posaapon kodunia sakisaa. Kotimbu tukon dunia singgat-singgat sakisaa.

⁵Kodunia teali lokis sabab kotumbuno akimo naanggayo ko Mian Bisa naparenta, boliiyo kona kaputusan-kaputusan tukon akiyenggene kona perjanjian yana mokubaiyomo tukon yanila tuuk sidutu-posidutukon.

⁶Tobikon doiya ko TEMENENO kutukemo kodunia tukon hukume kotumbuno sabab donapo kokubaidoo. Yanila sinua mokopul tukon baino soisik doi yaniladoo komo salamat.

⁷Koanggur batango moloiyu tukon koanggur paisuno susah komalaatan. Komian looluk laba-laba budodoiya susa.

⁸Akimo natololongol kokasapi alalo molame tukon kobobolon alalo morame. Tademo komian molaba-laba doi ramean.

⁹Akiyono komian momonginum anggur tukon momanyanyi, akiyono komo rasaiyo kosanaangan komonginuman suka.

¹⁰Sasaibino kokota akimo naaman, sasaibino kobonua tataapono tinataapikono sabab matakuto sasaibino kotumbuno.

¹¹Komian nggele-nggeleamon doi loloon sabab akiyono konapo anggur paisuno. Akiyono kolaba-labaan doi tanodoo sidutu-posidutukon.

¹²Kokota manaso teali ambata, tukon kotataapono mobabasal manas sasabul.

¹³Doiyamokai komo teali doi posaapon kodunia doi sasamba kobangsa. Pokakana koloununo doi bapadakan, doi tempo kozaitun sano nainalaan kabus tukon koidan buno anggur saono napinupuiyan doibundu.

¹⁴Komian mosalamat yanila laba-laba tukon manyanyi. Komian doi talise naikon babilitakanggene ko TEMENENO nababasalan

¹⁵tukon komian doi tolopot nggaale ko TEMENENO. Kopesisir tumbuno naikon kabasale ko TEMENENO, Israel miano na Mian Bisa.

¹⁶Luwedoi dunia bunduno tololongol konyanyian nggaalano ko Israel, dobangsadoo motaat. Bai yakukai silakamo! Yakukai susahmo! Komian molokis tataap mokubai lokis, tukon banggadudul mokubai kulokisan molokis tuuno.

¹⁷Eh sasaibino kodunia tumbuno, polengelekai! Konggalanggabutan, kobitu tukon talong totiiliyo komuyu.

¹⁸Komian mobulenggene kodilino luwedoi nanggalanggabutan naikon otuwong doi bitu lalomo, tukon komian moaki natuwong bai kana doi talong. Koudan mobabasal tokundang luwedoi timbu, tukon unggot kodunia uuno.

¹⁹Kodunia mapasa, manas tukon unggot.

²⁰Kodunia unggot tombimbiing pokakana komian malangu, tukon unggot pokakana kosandung moinunggot sokoy. Kodunia tolubang sabab motoong konadosa. Yana manas tukon akimo nabangun koidan.

²¹Doitempodoo koidan ko TEMENENO hukume sasaibino komo kuasaiyo kotimbu dapango mobabasal tukon sasaibino kotomundo doi dunia.

²²Yanila pinototongikon sasaibino pokakana komian motinaan doi leeng, tukon buno mian moinosokon doi talunggu lalomo tukon mototiili kotempono napo hinukuman.

²³Kobituwon teali kalipookan tukon kooloyo matano akiyono kolaango, sabab ko TEMENENO Mobabasal Konakuasa yana maparenta pokakana kotomundo. Yana maparentah doi Yerusalem, doi Bunggul Sion Bunggono, tukon okitakene Konababasalan doi sasaibino komo katuaiyo Konaumat.