Read Banggai YESAYA 39 Bible Online

YESAYA 39 - Banggai bible

YESAYA 39

¹Doiya kosinggato, kotomundo Babel, doiyamo Merodakh Baladan napau, salataa lengele baikon Tomundo Hizkia yana tangalino konasesel. Maka namosumbolii bito-bito sulano namababa surat tukon hadiah doi tomundo Hizkia.

²Hizkia sambute sasaibino dobito-bitodoo tukon sanaang konoano tukon yana tudoikene sasaibino konabuat, doiyamo mosoni tukon suasa, lamba-lamba tukon minyak rambut, tukon sasaibino kona suludadu napakakas paraangan. Akiyokai komeeng kolangge modaano doi kamali tukon doi posaapon konabatomundoan moaki natudoikene doi yaniladoo.

³Doi bundu nabi Yesaya mangadap doi Tomundo Hizkia tukon mansadai, “Luwedoi yaa domianoo? Oila konapo binantil?” Hizkia timbiliyo, “Yanila luwedoi Babel, tano moodoon.”

⁴“Oila konapo kinita doi kamali?” Yesaya napasadai koidan. Hizkia timbiliyo, “Sasaibino kololongguno, akiyo komeeng kobarang doi bangabosan buat modaano doi kamali moaki kutudoikene doi yanila.”

⁵Boobus koidan Yesaya bantile doi tomundo, “Ko TEMENENO Mobabasal Konakuasa bantile,

⁶‘Naikon nalaate kotempono sasaibino kobuat doi mukamali, tukon komu mbumbu molapamo pototongikene polong doi oloyo nia, naikon binaba doi Babel. Akiyokai komo totinggal.

⁷ Luwedoi mupau tumbu daano naikon komo inala tukon tinealikon pagawe doi kamali sulano naleleaniyo ko tomundo doi Babel.’ ”

⁸Tomundo Hizkia timbiliyo, “Monondok tuuno do TEMENENO doo nateteba ikoo mopelenggene doiyaku.” Yana timbiliyo buno doiya sabab yana pikikene: “Asal daku batomundoan natataap aman tukon aki nanggabut selama yaku daanoon motubo.”