Read Banggai YESAYA 47 Bible Online

YESAYA 47 - Banggai bible

YESAYA 47

¹ Ko TEMENENO bantile, “Eh, Babel, obulusokai luwedoi mukursi batomundoan, tukon osulangokai doi ambata bunggono. Ikoo akimo mumonondok tukon maamis pokakana doi looluk.

²Gilingekai kotopuung tukon batu; tukon bukayokai komu kokudung, angkate komu kalambi sulano natokita kobitisomu, tukon pintosiiyomokai kopaisu-paisubatango.

³Komian naikon kitayo ikoo talalau, tukon ikoo naikon tinotulai tukon inakamaa. Yaku naikon balase daku abosan noa doikoo, tukon akiyokai komeeng komian Daku inoluput.”

⁴Ko Israel miano na Mian Bisa moliyous bebaskanggenemo kita, Kosambuno TEMENENO Mobabasal Konakuasa.

⁵Ko TEMENENO bantile doi Babel, “Inaimo popelek, tukon pousokokai doi kalipookan lalomo. Ikoo akimo naikon mubinantil, ‘Tomundo Boine doi batomundoan-batomundoan.’

⁶Looluk Yaku nggimoliiyo Daku umat, yanila akimo Kumanganggon Kumian. Tukon Yaku salakanggenemo yanila doikoo, tukon koidan aki museseange yanila, tukon komo motu-motuai tongo pipiike.

⁷Ikoo anggene naikon ikoo teali tomundo boine sidutu-posidutukon, tukon ikoo aki musadariyo kai pikikene konapupusan.

⁸ Tobikon doiya ndongolii Yakukai, doi komuyu moiyase lelenggene kokasanangan! Ikoo anggene komu tuboan aman, tukon akiyo komo buno ikoo. Ikoo pikikene aki naikon muteali balu, tukon komu katurunan naikon aki nasilaka.

⁹Bai tongo soisik kotempo, doi meeng kooloyo lalomo, dolanggedoo molua teali singgat-singgat. Maukai mumapake motoiyan tukon patanggal, komulangkai maka mupau binubut koidan.

¹⁰Ikoo rasaiyo aman doi mukulokisan lalomo, ikoo pikikene komu kokubai aki napinalatikanggon. Ikoo teali lokis luwedoi mupandoiyan tukon doi mupangatahuan, ikoo anggene akiyo komo buno ikoo.

¹¹Bai ikoo tinepak balaa, komu motoiyan aki namoola oluputon. Ikoo naikon linubotii balaa, tukon aki mumoola aline. Kosilakaan lubat tukon sosinggot, tukon aki musangka-sangkaiyo doi loolukonoo.

¹²Anggayomokai tolong tukon sasaibino komu patanggal tukon mumotoiyan motongo nggabuton salataa doi mupoipoisikan. Uga-ugaate doiya daano kogunan doikoo, sulano mutealikene potokuti mumusuh-musuh.

¹³Ikoo teali payah sabab nabadaangan kootunggul. Sumboliiyomokai kopatanggal-tanggal nalubat sulano nasalamatonggon; yanila molapamo solidikiyo sasaibino kotimbu pasuno tukon molapamo yanila pelajariyo kobituwon-bituwon pauno, tukon sasamba kobituwon boolu yanila tantukanggenemo oila komo teali munasib.

¹⁴Kitayokai, yanila pokakana kolabuwe kulito momosua; aki napo moola olupute kobutongoila! Dobilatoo aungo todudul moonas doi yanila, bolikon bilat momatalanas tuuk balalangan.

¹⁵Doiyamo kogunano sasaibino kotolotanggal doikoo motongo nggabuton salataa doi mupoipoisikan; suwe-suwele taus tinggale ikoo; akiyo komo lubat sulano natulungikon.”