Read Banggai YESAYA 56 Bible Online

YESAYA 56 - Banggai bible

YESAYA 56

¹Ko TEMENENO bantilan doi Naumat, “Polakukenemokai oila komo adil tukon komo pokokonoy Daku hukum. Sabab naapa doiya koidan Yaku lubat mosalamatene komuyu tukon Daku kaadilan binuktikanggono.

²Yaku balakaatiyo komian motapaatiyo ko Oloyo Tadean tukon komo aki nakanggilitiyo dooloyodoo. Komian moaki nalakukene kokulokisan naikon Yaku lakukanggene tukon monondok.”

³Komian molulubaton mopomeenggon tukon ko TEMENENO Naumat aki namoola bantile, “Ko TEMENENO aki napataikanaku mososubaiyo Yana posinggat Kona umat.” Komian mosinunat aki namoola mobapikil “Baikon Yaku nia aki nateali TEMENENO Naumat, sabab akimo kumalaat katurunan.”

⁴Ko TEMENENO bantile doi yanila, “Kalu komuyu odotiiyo kooloyo Tadean, kalu komuyu setia doi Kuperjanjian tukon komuyu lakukene oila komo kubaiyo sanaang Konoanggu,

⁵maka kosambumu sidutu ninonook doi Ku Bonua lalomo tukon doi Kubangsa-bangsa bailonggon. Kalu daano konda pau tadukai moakiyo kondapau mala-malaneno tukon boineno. Yaku beenggomuyu sambu moposidutukon moaki naikon natinoliminggon.”

⁶Ko TEMENENO bantile doi mian molulubaton komo usoko tukon motangaito TEMENENO Naumat, moseseange ko TEMENENO tukon mosetia doiya-Na, moodotiiyo kooloyo Tadean tukon komo setia doi Naperjanjian,

⁷ “Yaku babayo komuyu doi Sion doi Kubunggul bunggul momoliyous, tukon doi Ku Bonua kaledaan Yaku beenggomuyu laba-labaan. Kopo susuba-sosuba komuyu mososubakene doi Kubalabaan Yaku naikon talimayo. Daku Bonua naikon sinombuikon bonua sambeangan tuuk doi sasaibino kobangsa.”

⁸Bunomo naiyokai ko TEMENENO Moinakatandak Tuuno nabantilano moantekene ko Israel miano mule luwedoi napo sinakukonan, “Yaku naikon babayo komian bailonggon sulano napo meenggon tukon yanila motakumpulo.”

⁹Ko TEMENENO sumboliiyo kobangsa-bangsa molulubaton sulano napo lubat pokakana koiyayon mobarani nasokuwo Konaumat.

¹⁰Ko Temeneno nabantilano, “Daku bangsa-bangsa katuano yanila mian-mian mopiit! Aki napomotoy oioila. Yanila tongo pokakana koasu moponga moaki natodung, bai tongo moolo konalimang tukon moni-monii. Sanaang tuuno konapo mooloan!

¹¹Yanila pokakana koasu momodoko moakiyo kona bobosulan. Dokatua-katuadoo aki napo mangalati. Suwe-suwele mokubai kokubai oilamo kona iniyas tukon mounggolii kauntungan susuungo.

¹²Domian-mianoo motonggolonguwon bantile, ‘Maimo nda monginum anggur tukon sio nda biay! Namodoa lobian kona monondokan tukon doi oloyo nia!’ ”