Read Banggai YESAYA 59 Bible Online

YESAYA 59 - Banggai bible

YESAYA 59

¹Inai moanggene ko TEMENENO todudul malumbit kona salamatanano komuyu, kai todudul bongol sampe aki nandongoliiyo koalalomu.

²Sabab mukulokisan maka Yana aki ndongoliiyo doitempo musambeangan doiya-Na. Podosa-dosakai komo tealikene komuyu poalaas tukon Mian Bisa.

³Komuyu salah sabab komuyu kala-kala tukon mokubai kalakuan mosalah, sabab komuyu kubaiyo kotindakan mobabalat tukon mangakate.

⁴Komuyu ajukanggene kopo ulusan mau naakiyo kopo alasan tukon kopo bangulusan aki naadil. Komuyu kala-kala tukon balaanggene komo sia-sia; komuyu mokubai tetel sulano posilakayo komian bailonggon tukon lakukene kokulokisan.

⁵Kopotetel molokis babayo komatean pokakana kobinda moupason nggalauno. Kalu donggalaudoo pinasa, tobuatokai kobindano. Doteteloo akiyo kogunano doikoo, pokakana kotoik motinonun luwedoi lowa natelea!

⁷ Komuyu banggadudul momeenggon momokubai tetel molokis, tukon komuyu yase namosobit polaksanakanggene. Aki pomata-matakut komuyu akateyo komian moakiyo konasalah. Inaando kopo tausan, komuyu mongotinggal bakaas tukon silakaan.

⁸Aki pousahakanggene kopomeenggonan, tukon sasaibino kopo kokubai aki naadil. Aki namoloyos kopololoon, tukon komian mololoi dololoonoo aki naikon nasanaang.

⁹Dobangsadoo bantile doi Mian Bisa, “Diabudodoo kami toiyo bulaando Ikoo moaki musalamatanggami luwedoi mian molailaingganggami. Kami mototiili madialan, bai tongo kalipookan komo daano.

¹⁰Kami ngganggaam pokakana komian mopiit; doi nasuunan kooloyo kami takait pokakana doi pintangaan kopopook; doi mian motubo tanga-tangano kami pokakana komian momate.

¹¹Kami matakuto tukon susahmo; kami mounggolii kaadilan, bai akiyo; kami moinikene kokasalamatan, bai sia-sia.

¹²Tutuu badaangokai komai kulokisan motuuk doi-Koo; komai dosa-dosa kubaikami salah. Kami tutuu sadariyomo komai kulokisan, tukon kami toiyomo komai dosa-dosa.

¹³Kami akiyenggenemo tukon lawanemo ko TEMENENO, tukon aki mai yase molainge komai Mian Bisa. Kami lailainggenemo komian bailon tukon loloon mosalah; komai pikiran tapamo, tukon komai bantilan-bantilan kulus.

¹⁴Kohukum moadil sinaakono, tukon kokaadilan dinodoonggon. Kokajujuran pinandang entengo doi mian badaang salaano, tukon namoloyosan komian noano akimo napinalatikanggon.

¹⁵Akiyono komian mojujur, tukon indee komo dodoonggon doi kulokisan, yana susuungo komo teali mate doi kulokisan.” Ko TEMENENO kitayomo, tukon aki nasanaang baikon moakiyono koidan kokaadilan.

¹⁶ Yana masainding baikon moakiyono komo sumbot tukon akiyono komo belayo. Tobikon doiya Yana pakeyomo kona kuasa susuungo sulano nasalamatene tukon beena kamanaangan doi yanila.

¹⁷ Yana mapake kaadilan tukon kasalamatan salaku kalambi besi tukon songko baja. Yana tekate tuuno sulano naabalinggene kokaadaan tukon balese kona akiyan naadilan.

¹⁸Yana balese kona musuh-musuh pokokonoy konapo kokubai-kokubai. Tukon koidan kobangsa-bangsa doi togong-togong moodoon aki naluput luwedoi Nahukuman.

¹⁹Kona kuasa tukon Kona babasalan naikon sasaibino komian matakutene mau komo luwedoi tolopot polong doi talise. Yana naikon lubat pokakana kopaisu batango moeyaba mbombuul momakansang mokubaiyo babokolan.

²⁰ Ko TEMENENO bantile doi Naumat, “Yaku naikon lubat doi Yerusalem sulano kusalamatonggonmuyu sasaibino mobadodoloon luwedoi mudosa-dosa.

²¹Yaku mokubai perjanjian tukon komuyu. Daku kuasa tukon kuotunggul Yaku beekene doi komuyu polong sidutu-posidutukon. Otunggulkenekai doi mupau-pau sulanokai mau doi yanila namoola otunggulkene paisoboli kokaturunan diabudodoo polong sidutu-posidutukon.”