Read Banggai YESAYA 62 Bible Online

YESAYA 62 - Banggai bible

YESAYA 62

¹Luwedoi Yerusalem yaku naikon basalita, luwedoi Sion aki naikon kutongo dungol batingaakon, polong doi nasinalamatonan tukon kona kamanangan lalaangan pokakana koobor doi popook.

²Eh Yerusalem, kobangsa-bangsa kitoyomo komu kamanangan, kotomundo-tomundo mbalenge komu babasalan. Ikoo naikon binantil tukon sambu moboolu, tukon TEMENENO susuungo komo beena dosambudoo.

³Ikoo teali pokakana kosongko motambongan tuuno doi TEMENENO limano, songko batomundoan doi mu Mian Bisa limano.

⁴Bai bolikono koidan ‘Komo Tininggal’, komu tano bolikono koidan ‘Komo Kiis’. Ikoo naikon binantil, ‘Mian Bisa Mosayange’, tukon komu tano sinombuikon, ‘Komo Lapamo Banikah,’ sabab ko TEMENENO pokokonoy tukon ikoo, Yana pokakana kolangkai doi mutanodoo.

⁵Pokakana komeeng kopamuda motealikene boloki komeeng kopau boine mongula, buno doiyakai komo pasitakakon naikon tealikene boloki ikoo. Pokakana komeeng kobabaabu malane molaba mokitayo konaboloki, bunomo doiyakai ko Mian Bisa naseseangano ikoo.

⁶Ko Yerusalem sasanggalo mobinetoon yaku abese kopadagai; kooloyo popookokai bai yanila tolongo batingaakon, bai momeenggon yanila ingotiikene ko Mian Bisa naikon Kona perjanjian Yana mokubaiyomo.

⁷Aki napataikene Yana natongo dungol batingaakon kalu akiyoon nabangune ko Yerusalem, tukon natealikene tololongol doi posaapon kodunia.

⁸Ko TEMENENO lapamo berjanji tukon batotopi tukon nakuasa Yana laksanakanggenemo naikon: “Komu gandum akimo naikon kubeekene komu musuh; komu anggur komian molulubaton naikon akimo napo monginum komuyu molimange tukon pakadak tuuno.

⁹Bai komuyu mopototongikenemo kopohasil, komuyu kaane kopohasil tukon ponggaale ko TEMENENO; tukon komuyu momopupuy anggur saono, kopaisuno naikon komuyu inume doi Ku Bonua basaleano.”

¹⁰Ko Yerusalem tumbuno, potobuatokai pololoiyo kotataapon babasal, pamasadiakene loloon doi mian-mian momule. Pomokubaikai loloon mobabasal, posaakene kobatuno, kekendenge kosuludadu nabandera motuuk doi bangsa-bangsa.

¹¹ Ko TEMENENO beekene nateteba nia doi sasaibino kodunia pasuno, “Pobantilemokai doi Sion tumbuno, ‘Pokitayokai, ko TEMENENO pasalamat lubat! Komo loolainge Yana doiyamo mian molapamo Yana olupute.’ ”

¹²Yanila naikon sinombuikon: ‘Umat Momoliyous’. ‘Umat TEMENENO mosalamatenemo’. Ko Yerusalem naikon sinombuikon ‘Kota TEMENENO mooluliyo’, ‘Kota moaki koidan TEMENENO natinggale.’