Read Banggai BASAMBUAN 15 Bible Online

BASAMBUAN 15 - Banggai bible

BASAMBUAN 15

¹TEMENENO beekene doi Musa tukon Harun naaturan-aturan nia

²tuuk doi Israel miano. Kalukai daano komeeng komala-malane motobuat kona mani sabab namomootan, domianoo lokis,

³mau motobuat maukai motataan.

⁴Domianoo naosulangan kai namooloan tealimo lokis.

⁵Indee komiano komo singgile komian motobuatene konamani kai natampat moolowan, kai osulongiiyo kona tampat, kai domianoo nabatupekonan, sio nakumosiyo konapakean tukon mansau, tukon yana lokis posopokon kooloyo.

⁹Kopombosii kai oila tolong domianoo nainosulongii teali lokis.

¹⁰Indee komiano komo singgile komeeng kolobo mo lapamo domianoo osulongiiyo teali lokis posopokon kooloyo. Memeeng komian mobingkate dolanggedoo sio nabusoiyo konapakean tukon masau, tukon yana lokis polong sopok kooloyo.

¹¹Kalu daano komian motobuatene konamani tukon aki nakumosiyo kolimano loolukon singgile komian bailon, maka mian mosininggiloo sio nabusoiyo konapakean tukon masau, tukon yana lokis polong sopok kooloyo.

¹²Balanga buta domianoo mosinggile sio napinasa tukon pakakas natinaani sio nakinumosi.

¹³Kalu domianoo tangalino, yana sio namototiili pitu kooloyo koidan. Lapadoiya yana sio nabusoiyo konapakean tukon masau, doi paisu matano, maka yana bilisiimo.

¹⁴Doi oloyo koaluno yana sio namababa lua kotomisi lapatiing mongula kai tomisi sapatau mongula doi TEMENENO Na Sandung tataapono salaano maka nasalakanggene doi imam.

¹⁵Imam sio nasosubakene dotimisodoo mo meeng tuuk sosubakon potolos lalim, tukon domo meengo koidan tuuk doi sosubakon mosinua. Tukon buno doiya imam adakanggene koupacara pokoliyous domianoo doi TEMENENO salaano.

¹⁶Kalukai meeng komala-malane tobuatene konamani, yana sio namasau bai tataap lokis posopokon kooloyo,

¹⁷Oilano kolobono moluwe toik kai kulit mokanakon domanidoo sio nakinumosi dolobodoo lokis polong sopok kooloyo.

¹⁸Lapa ponikai, mau mala-malane maukai boine sio namasau, bai yanila tataap lokis polong sopok kooloyo.

¹⁹Meeng koboine modaano bolokon, lokis pitu kooloyo konakalumbit. Indee komiano komo singgile yana teali lokis polong sopok kooloyo.

²⁰Oila tolong boinedoo modaano bolokon nainosulongii kai nakinooloi teali lokis.

²¹Indee komiano komo singgile boinedoo natampat mooloan kai naosulangan, sio nabusoiyo konapakean tukon masau, tukon yana lokis polong sopok kooloyo.

²⁴Kalukai meeng komala-malane ponikai tukon boine modaano bolokon, domala-malanedoo koidan teali lokis pitu kooloyo konakalumbit, tukon samba kotampat yana mokooloiyo koidan teali lokis.

²⁵Kalukai meeng koboine tokundang kosauno selama bubula kooloyo bai akiyoon nalaate kona bolokonan, kai kosauno aki natade doi nalapaan kona bolokonan, yana lokis selama kosauhno buno doi tempo nabolokonan.

²⁶Tampat nakinooloi kai nainosulongii selama doi tempodoo teali lokis.

²⁷Indee komian komo singgile dotampatoo teali lokis. Yana sio nabusoiyo konapakean tukon masau, tukon lokis polong sopok kooloyo.

²⁸Sambuno lapa tokundang kosauno, boinedoo sio natotiili selama pitu kooloyo koidan. Sodo lapa doiya yana bilisii.

²⁹Doi oloyo koaluno yana sio namababa lua kotomisi lapatiing mongula kai sapatau mongula doi imam doi TEMENENO Na Sandung tataapono salaano.

³⁰Tomisi meengo sio nasinosubakon tuuk sosubakon potolos lalim, tukon komeeng koidan tuuk sosubakon mosinua. Tukon nakinubaiyan mobuno doiya imam adakanggene koupacara pokoliyous boinedoo doi TEMENENO salaano.

³¹TEMENENO sumboliiyo Musa naingotiikene ko Israel miano sulano napalaatikanggene oila kotempono konapai kulokisan tukon oila kotempono moaki nalokis, sulano yanila aki nakulokisene ko TEMENENO Na Sandung modaano doi napobasandungan tanga-tangano. Kalu yanila kulokisanggene do Sandungoo, yanila mate.

³²Bunomokai doiya koaturan-aturan kaliangano komala-malane motobuatene konamani sabab masakit konamaa kai kaluale konamani,

³³tentang boine modaano bolokon, tukon tentang mala-malane moponikai tukon boine modaano bolokon.