Read Banggai BASAMBUAN 9 Bible Online

BASAMBUAN 9 - Banggai bible

BASAMBUAN 9

¹Salataa meeng kooloyo konalapaan dobakolobokian panahbisanoo, doi oloyo koaluno, Musa uangemo Harun tukon napau-pau tukon sasaibino ko Israel miano nakatua.

²Musa bantile doi Harun, “Mangalamo meeng kosaapi langgilo mongula tukon meeng kodomba langgilo loolua sio naakiyo konasesel. Sosubakene doiyayonoo molua doi TEMENENO, saapi langgilo tuuk sosubakon potolos lalim, tukon domba langgilo tuuk sosubakon mosinua.

³Maka sumboliiyo ko Israel miano namososubakon meeng kombembe langgilo teali sosubakon potolos lalim tukon meeng kosaapi napau tukon meeng kodomba napau mosuwe-suwele konaumur meeng kotaun tukon akiyo konasesel doiya tuuk sosubakon mosinua.

⁴Sumboliiyo yanila namososubakon koidan meeng kosaapi langgilo tukon meeng kombembe langgilo motuuk doi sosubakon podamean. Sasaibino doiya sio napo sosubakene doi TEMENENO polaing-laing tukon sosubakon kinaan moinobosi lisison, sabab doi oloyo nia TEMENENO lubat doi yanila.”

⁵Sasaibino Musa natinetebakon yanila babayo doi Sandungoo salaano, tukon sasaibino komian pototongi idoo tuuk mobakaleda doi TEMENENO.

⁶Maka Musa bantile, “TEMENENO sumboliiyo komuyu lakukene naiya sulano pomoola kitayo ko TEMENENO laango nadaanoan.”

⁷ Lapadoiya yana bantile doi Harun, “Tauso doi balabaanoo tukon sadiayomo kososubakon potolos lalim tukon sosubakon mosinua, sulano komu lalim tukon mian nalalim TEMENENO natelese. Lakukenemo doiya buno ko TEMENENO napinalentahkon.”

⁸Maka Harun tauso doi balabaanoo tukon tembele dosaapidoo langgilo naikon mosinosubakon teali pongompuni nalalim susuungo.

⁹Harun napau-pau babayo doiyayonoo sauno doi Harun, tukon yana semeke kolimano saono doi saudoo lalomo, tukon solitikene doi balabaano pasuno tandu-tanduko mosangkap. Sambuno lapa doiya dosaudoo labino yana kundongiikene doi balabaanoo uuno.

¹⁰Inak, sasallono tukon obos momonondok tuuno luwedoi iyayonoo sinua doi balabaanoo bunggono, buno TEMENENO napinalentahkon doi Musa.

¹¹Bai kosailo tukon iyayonoo kulito sinua doi sandungoo tonggulungo.

¹²Doibundu Harun metembel iyayon teali sosubakon mosinua tuuk butongo susuungo. Harun napau-pau pelenggene doiyayonoo sauno doi yana, maka yana kundongiikene doi balabaanoo lisuko mosangkap.

¹³Sambuno lapadoiya yanila salakanggene doi yana doiyayonoo oluno tukon sail-sailo bailon, tukon yana suayomo doi balabaan bunggono.

¹⁴Doibundu kombongo tukon doiyayonoo banano yana kinumosi tukon nasinua teali sosubakon mosinua doi balabaan bunggono.

¹⁵Sambuno lapa doiya yana sosubakene kombembe tuuk sosubakon potolos mian nalalim. Dombembedoo yana tembelemo tukon sosubakene buno doi sosubakon motuuk doi potolos nalalim susuungo.

¹⁶Koikoidan yana mangalamo iyayon motuuk sosubakon mosinua, tukon nasosubakene mololoi paraturan.

¹⁷Sambuno lapa doiya yana sinosubakono kososubakon mokinaan, yana mangala tarigu soongguman maka nasuayo doi balabaan bunggono. Doiya daanokai posuungi doi sosubakon mosinua doi meeng kooloyo mobiasa.

¹⁸ Maka yana keletemo koidan ko meeng kosaapi langgilo tukon meeng kodomba langgilo teali sosubakon podamean doi Israel miano. Harun napau-pau pelenggene doiyayonoo sauno doi yana, maka yana kundongiikene doi balabaanoo lisuko mosangkap.

¹⁹Kosail momominak moluwe doi saapi tukon mbembedoo yanila abese

²⁰doi iyayonoo eopo molua bunggono, maka Harun suayomo doi balabaanoo bunggono.

²¹Doiyayonoo eopo tukon banano bakalinga yana sosubakenemo salaku sosubakon potudoikon tuuk TEMENENO. Doiya daanokai sasaibino koimam naobos, bunomo Musa napinalentahkon.

²² Sambuno lapa yana mososubakene sasaibino dososubakonoo, Harun tidekene kolimano doi Israel miano oluno bunggono tukon balakaatiyo yanila, nabulus.

²³Doibundu Musa tukon Harun usok doi TEMENENO Na Sandung lalomo. Lapa doiya yanila tobuato tukon balakaatiyomo ko Israel miano. Maka sasaibino ko Israel miano kitayo ko TEMENENO laango nadaanoan.

²⁴Sosinggot TEMENENO obulusene koaung mosuayo kabus kososubakon mosinua tukon kosail-sailo momominak doi balabaanoo bunggono. Salataa Israel miano kitayo, yanila nggele-nggeleamon maka yanila banggituul mososuba.