Read Banggai YEREMIA 16 Bible Online

YEREMIA 16 - Banggai bible

YEREMIA 16

¹TEMENENO basilingan koidan doi yaku, bantile,

²“Inai moosoan tukon malaat pau naitampatia.

³Naikon Kubantile doi komuyu oila naikon komo teali tukon pau-pau doo mosinung dimbaa, tukon tamano tinano.

⁴Yanila naikon kanakon panakit mobabayo mate, tukon yanila naikon mate doi polobosian lalomo kai mate malaal. Akio komeeng komuan kai naikon mokokilio kai mokibule yanila. Yanila bajan naikon sosabulo buno pupuk doi buta, tukon tomisi kaane maka iyayon mobarani.

⁵Inaikai motaus doi mian nabonua mo daano berduka, Yeremia. Inai mo balasusah tuuk indekai. Yaku akimo naikon balakatio Dakuumat doi namonondokan, tukon akimokai motudoikene naikon komaasi kai koseangono doi yanila.

⁶Mian mokaasa tukon mian motalais niatano nia naikon mate akiyono komotadine yanila. Akiyo komeeng komian naikon mo sakisayo kobutongo kai dalluwo kooluno salaku polosan tongo yanila napoloonan.

⁷Akiyonokai komo yase mokabayo kona salamatan tuuk mohibule komian modaano mopoloong. Akiyonokai komo turut berduka tukon mian molapus kotamonokai tinano.

⁸Inai mousok doi mian nabonua modaano balamean. Inai mokaan monginum tukon yanila.

⁹ NDongolio oila komo Yaku, TEMENENO Mobabasal Konakuasa Mian Bisa Israel, naikon mobantikonggonoo. Lalu mosanaang tukon monondok maka basoananno lameanno naikon saibino Kuatadeo. Langge doo naikon mian-mian motubo nailonunia mosakisiiyo.

¹⁰Kalukai ikoo pelenggene saibino nia doiyaku, banggokai yanila naikon masadai bulaando Yaku yase ukume yanila tuuno. Yanila naikon masadai oila kona salah tukon yanila lalim terhadap doi Yaku na TEMENENO Mian Bisa.

¹¹Popitoikene doi yanila baikon Yaku bantile bunonia, ‘Mumbumbu tinggalemo Yaku sulano nasosuba tukon bakaleda doi ilah-ilah bailon. Yanila aki namopusinggon Yaku tukon yase taat doi Kuparaturan-paraturan.

¹²Bai komuyu kubayo komo lobian lokis koidan. Komuyu palalente tuuno tukon tolongo loloiyo komuyu namongiasan susungo molokis. Komuyu aki poyase taat doi Yaku.

¹³Tobikon doiya, komuyu naikon Kusikayo luwedoi tano nia tukon Kusakukene doi meeng kotano mosodo mumalaat tukon tuuk doi mumbumbu. Imbali komuyu naikon bakaleda oloyo popook doi pilogot-pilogot bailon tukon akimo kai Yaku moseange doi komuyu.’ ”

¹⁴TEMENENO bantile, “Naikon lubat kotempono komian akimo koidan nabatotopikene Yaku, Mian Bisa motubo, mobabayo ko Israel miano sumbut luwedoi Mesir,

¹⁵baimokai tongo Yaku Mian Bisa motubo, mobabayo koumat Israel sumbut luwedoi meeng kotano taikon doilembet tukon luwedoi sasaibino kotano bailon doi yaando yanila lapamo Kupoalasene. Yanila naikon Kubabayo abali doi yanila tano sinungan, tano molapamo Kubeekene doi yanila nambumbu.”

¹⁶TEMENENO bantile, “Yaku kabi Kumonguang badaang peleani sulano namalako namian-mian nia. Lapa doiya Yaku naikon monguang badaang kotoloasu tuuk asuwe yanila doi samba kobunggukon tukon bunggul, tukon doileng-leng bunggul batu.

¹⁷Yaku kitayo yanila nailakukon saibino. Akiyokai komotosookon doi Yaku; yanila doo nalalim-lalim lapamo Kukitayo.

¹⁸Lalim tukon kulokisan naikon Kubalase yanila tukon ukuman lua lunggon kolipato, sabab yanila lapamo kubayo lokis Daku tano tukon badaang kopilogot. Pilogot-pilogot doo akiyo konaansang buno bajan.”

¹⁹TEMENENO, ikoomo kai komo lindungiyo tukon mobeena bukuanan doi yaku; ikoo tulungiyo doi tempo kukasulitanan. Bangsa-bangsa luwedoi lipu bunduno naikon lubat doi komuyu tukon bantil, “Komai mbumbu tolongo mototoili pilogot moaki nabisa mopokakana idan akiyo kotakoso.

²⁰Laatekei kobanggapi mokubai pilogot susuungo? Tantu aki! Yana mokubayo doo tantu bolikon Mian Bisa.”

²¹“Tobikon doiya,” TEMENENO bantile, “akinabiasa Yaku kubaiyo kobangsa-bangsa molasakene kokakuasaan tukon bukuanan sulano natuuk sidutu posidutukon yanila naikon toiyo baikon Yakumo ko TEMENENO.”