Read Banggai YEREMIA 20 Bible Online

YEREMIA 20 - Banggai bible

YEREMIA 20

¹Imam Pasyhur Imer napau daano kapala padadagai TEMENENO Na Bonua. Salataa yana ndongolio yaku popitoikene saibino langge doo,

²yana mampalentakene sulano yaku inumbas tukon pinanga doi Benyamin Natataapon Babasal, tataapon taikon doi bungguk doi TEMENENO Na Bonua.

³Dodooa koidan lapamo Pasyhur sodiiyomo yaku luwedoi napinangan, yaku bantil doi yana, “Sambu naikon TEMENENO mobeekene doi ikoo bolikon Pasyhur, bai ‘Teror doiyaa-yaa’.

⁴TEMENENO susungo bantil, ‘Ikoo naikon Kutealikene teror tuuk butomu susungo tukon tuuk tula-tulamu. Ikoo naikon kitayo musuh akateyo yanila. Saibino Yehuda miano naikon Kusodiikene tomundo Babel nakuasaiyo; songobos luwedoi yanila naikon inakut salaku tawanan doi Babel tukon labino naikon inakate.

⁵Yanila namusuh naikon Kusodiikene koidan lambase tukonokute doi Babel saibino kokota nakinasakon nia, tukon saibino konabuat, tukon tomundo-tomundo Yehuda nabarang-barang pusaka.

⁶Tukon ikoo, Pasyhur, polaing saibino mukaluargaa koidan naiko ilako tukon inakut doi Babel. Indaa ikoo naikon mate tukon kinibulo, tukonokai sasaibino kotulamu mo lapamo mondongolii mukala-kalaan.’ ”

⁷TEMENENO, Ikoo budukio yaku tukon yaku lapamo tobuduki. Ikoo bukuan tuuno luwedoi yaku tukon lapamo tundukanggene yaku. Yaku tinotulai samba mian, tinotulai luwedoi dodopolong kinobian.

⁸Samba lunggon yaku basilingan, yaku sio wookon kokobukuan, “Tolonggimalan! Silakaan!” TEMENENO, yaku inakamaa tukon tinotulai samba kotempo, sabab pelenggene Muteteba.

⁹Bai kalu doi noanggu lalomo yaku bantile, “Sodiiyomo TEMENENO kutoliminggene tolong, yaku akimo koidan yase mobasilinganggene Kosambuno,” maka Muteteba bunokai aung balano doi noano kobalano doi noano pupulosono. Lapamo kusobayo, bai akiyo daku kuasa.

¹⁰Tolongol komian mopokisei doi yaa-yaa, “Komatakutan pasinggabut! Mai lapure yana doi mo balakuasa!” Tukon saibino daku sobat tuuno mototiliyo daku otuwongan. Yanila bantile, “Banggokai tukon bunuduki, yana moola ndalungguiyo, sulano ndalatekai balase nggimalan doiyana.”

¹¹Bai Ikoo, oh TEMENENO, taikon doi yaku; Ikoo bukuan tuuno koidan barani. Yanila momololonggon tukon pipike yaku naikon otuwong tukon akimo na nggala. Yanila naikon mamaa posidutukon, saibino yanila nalencana gagalo. Pototulai yanila doo naikon inonook sidutu.

¹²Bai, oh TEMENENO Mobabasal Konakuasa, tukon adil Ikoo udio kobanggapi; yanila noano tukon napikiran Ikoo toiyo. Tobikon doya poloasenemo yaku kitayo Ikoo balase komusuh nakulokisan sabab doi Koo kusalakanggene daku perkara.

¹³Mananikenemo tuuk TEMENENO tukon nggalemo Yana, sabab Yana osobiyo komian motopipiik luwedoi mian lokis nakuasa.

¹⁴ Kanakono balaa kuoloyo sinungan! Sodiyomo kai natinotulai daku tempo sinungan doi timanggu.

¹⁵Kanakono balaa koidan mobabayo koberita mokubayo kotamanggu tedes tuuno, salataa pinonpitoikon doi yana, “Ikoo malaat meeng komalane!”

¹⁶Sodiyomo kai mobabayo berita doo pokakana kota-kota TEMENENO momanase akiyo koseang. Sodiyomo kai yana molongoli kilisonan masakitan doi tempo dodoa soono, tukon kilison polobosian doi nasuunan koloyo.

¹⁷Sabab yana aki naakateo yaku salataa yaku daano doi kutoniananggonan lalomo, sulano yaku tataap tiniananggon doi timanggu tukon nakodutan teali tuuk yaku salaku kuburan.

¹⁸Bulaando yaku sio nasinuung? Tolongokai tuuk susaan tukon kasukalan? Tukon sulano kutuboan alokon tolongokai doi mamaa lalomo?