Read Banggai YEREMIA 21 Bible Online

YEREMIA 21 - Banggai bible

YEREMIA 21

¹Zedekia tomundo Yehuda sumboliyo yaku Imam Pasykur Milkia napau, tukon Imam Zefanya Maaseya napau. Yana sumboliyo yanila pelenggene doi yaku kakabinia,

² “Kabiyokai kopotudoikon luwedoi TEMENENO tuuk kita, sabab Nebukadnezar tomundo Babel tukon napasukan modaano molobosiyo ndakota. Banggokai TEMENENO naikon daanokene moinelanggon tuuk kita, tukon pakisayo Nebukadnezar natalike mudul konapasukan.”

³Maka TEMENENO basilingan doiyaku, maka yaku sumboliyo komian-mian mosinumbolii doo,

⁴popitoikene doi Zedekia baikon TEMENENO, Mian Bisa Israel, bantile bunonia, “Zedekia, Yaku naikon lungguiyo komu pasukan modaano molobosi lawane tomundo Babel tukon napasukan. Musuludadu nasandata-sandata naikon Kupotongikene doi kota tanga-tangano.

⁵Yaku susuunggu naikon lobosio komuyu tukon kokobukuan tukon nggimalan motutuuno.

⁶Modungoliyo kota nia naikon Kuakateo; mau banggapi maukai iyayon naikon mate sabab panakit mohebat.

⁷Ikoo tukon saibino mupagawe tukon mian-mian motongosobi luwe doi polobosian, malaalan tukon panakit, saibino naikon kusodiikene tomundo Nebukadnezar lakoyo tukon namusuh-musuh moyase akateo komuyu. Nebukadnezar naikon akatekomuyu saibino akiyo koampun tukon akiyo kopomamasikonan. Yaku, TEMENENO, lapamo basilingan.”

⁸Maka TEMENENO sumboliyo yaku bantile bunonia doi Namian, “Ndongoliyokai! Yaku, TEMENENO, mobeena doi komuyu meeng kolilikan: loloon mobosikene kotuboan, kai loloon mobosikene komatean.

⁹Samba komian modungol doi kota lalomo naikon mate sabab polobosian malalan kai panakit. Bai yanila sumbut tuuk mangaku kala doi Babel miano modaano molobosiyo kota nia, naikon lolos tukon aki namate.

¹⁰Yaku lapamo putusiyo tuuk momanase kota nia, tukon aki naseseange. Kota nia naikon sinalakanggon doi tomundo Babel; yana naikon suayo pokabuson tuuno. Yaku, TEMENENO, lapamo basilingan.”

¹¹TEMENENO sumboliyo yaku pelenggene teteba nia doi tomundo Yehuda nakaluargaa Daud nakaturunan: “Ndongoliyokai oila komo Yaku, TEMENENO, bantile usakanggene kai sulano kokaadilan nainampakonggon samba kooloyo. Sodiiyomokai komian mo pinipiik luwedoi mopipiike nakuasa. Kalu aki maka kokulokisan ikoo molakukene naikon kubaiyo Daku nggimalan daul buno aung moaki namoola pinosoi?”

¹³Lapa doiya TEMENENO bantil doi Yerusalem, “He Yerusalem! Mutobinggakonan lobian konakatandak luwedoi pepelakon-pepelakon moboilingikon. Ikoo buno bunggul batu motatandak doi padang molata, bai Yaku naikon lawane ikoo. Ikoo bantile baikon akiyo komeeng kai moola molobosiyo ikoo kai moduduwo mubenteng-benteng,

¹⁴bai Yaku naikon ukume ikoo sabab mukakabi. Mukamali naikon Kusuayo, tukon sasaibino kolobo doi moboilingiyo naikon tosua koidan. Yaku, TEMENENO, lapamo basilingan.”