Read Banggai YEREMIA 22 Bible Online

YEREMIA 22 - Banggai bible

YEREMIA 22

¹TEMENENO sumboliyo yaku taus doi tomundo Yehuda nakamali, Daud nakatulunan, tuuk mopelenggene TEMENENO nateteba doi tomundo, tukon doi sasaibino kona pagawe, tukon modungoliyo ko Yerusalem. Naiyamokai bantilan-bantilan TEMENENO doi yanila,

³“Lakukenemokai kokaadilan tukon moloyos konoamiu. Sodiiyomokai komian mopinipiik luwedoi nakakuasaan mopipike komian. Inaimokai mopipiike mokubai lokis doi mian molulubaton, pau tuboon kai balu. Inaimokai mangakate mian moakiyo konasalah doi lipu nia.

⁴Kalu komuyu tutuu ampakonkene Kuparentah-parentah doo, maka tomundo momaparentah buno Daud naikon mongusoki kamali nia tataapon-tataapono. Yanila polaing saibino kopagawe luwedoi yanila rayat naikon molokiti kereta tukon adalan.

⁵ Bai kalu komuyu aki taatio Kuparentah-parentah, maka Yaku batotopi baikon kamali nia naikon teali bakaas. Yaku, TEMENENO lapamo basilingan.

⁶Tuuk Yaku tomundo Yehuda nakamali monondok tuuno, buno buta Gilead kona monondokan tukon bunggul-bunggul Libanon; bai tampat doo naikon Kutealikene buno padang lalomo moakiyo komian modungliyo.

⁷Naikon Kukapatuwo komian tuuk momanase. Yanila naikon mababa olowang tukon lubongiyo koposo-posokolo momonondok mokinubai luwedoi kawalu Libanon. Maka yanila naikon lambitene doi aung lalomo.

⁸Lapa doiya badaang komian mo lulubaton naikon alo idoo tukon masadai doi meeng tukon bailonggon bulaando Yaku, TEMENENO, lapamo tindokiyo buno doiya doi kota monondokoo.

⁹Maka komian naikon montimbili baikon saibino doo teali sabab komuyu lapamo akiyenggene muperjanjian tukon Yaku, mu Mian Bisa, tukon lapamo sosubaiyo tukon bakaleda doi ilah-ilah bailon.”

¹⁰Yehuda miano inaimokai nabaladuka tuuk Tomundo Yosia namatean. Pokokiiliyo tolong Yoahas namalane sabab yana lapamo binaba taus tukon akimo naikon naabali. Buta sauhno natokundangan akimo naikon nakinitayo koidan.

¹¹ Tentang Yoahas, Yosia namalane, mo teali tomundo Yehuda soboliyo kotamano, TEMENENO bantil bunonia, “Yana tauso luwe nimba, tukon akimo naikon naabali.

¹²Yana naikon mate doi masakukonan, tukon akimo naikon nakitayo natanonia koidan.”

¹³Silakamokai komian mobangune kona bonua tukon aki naadil, tukon mokebelake tukon akiyo kona jujulan. Silakamokai yana mo sumboliyo komian mobalimang akiyo kotambono.

¹⁴Silakamokai koidan mian mobantile, “Naikon kukekendengekai kamali mobabasal tukon kombiang-kombiang mobebelak taikon doi bungkuk,” maka doi kamalidoo kinubai kodendela tukon bingkaino luwedoi kau walu Libanon, tukon sineet memela.

¹⁵Ndongoliyokai, he Tomundo Yoyakim! Kalu ikoo bangune kamali tukon kauwalu Libanon momonondok tuuno, oilanokai doiya kona tutuuan baikon ikoo tomundo molobian monondok luwedoi tomundo-tomundo bailon? Soba neneeke naikon tamamu: Yana lasakanggene kotuboan mosanaang tukon daano kohasilo doi sasaibino kona usaha lalomo, sabab yana sidutu moloyos tukon jujur tukon adiliyo komian motalalais napalakala tukon adil. Bisa sio nabunokai doiya komian motingoniyo ko TEMENENO natindakan.

¹⁷Bai ikoo, Yoyakim, posala. Ikoo sio mounggolio mukauntungan. Ikoo mangakate mian moakiyo kona salah, tukon pipiike komu rayat tukon nggimal.

¹⁸ Tobikon doiya baikon Yoyakim tomundo Yehuda, Yosia namalane, TEMENENO bantile bunonia, “Kona matean aki naikon nakinokiili; akiyono naikon komo bantile, ‘Oh, tulanggu, oh.’ Akiyono komosusah konoano kai nggeleamon, ‘Kasian tuan!’

¹⁹Yoyakim naikon tinolak tukon linambiton sumbut doi Yerusalem tataapono babasal, buno mian nailakukanggon terhadap kaladai bunuto.”

²⁰TEMENENO bantil, “He modungoliyo ko Yerusalem, tausokai doi Libanon tukon doi Basan, tukon wokoon kai indaa. Kilisonkai doi Moab bunggulo sabab saibino mupomeenggonan linungguimo.

²¹Yaku lapamo basilingan doi komuyu salataa mudondoong monondok, bai aki komuyu yase mondongoliyo. Bisa bunodoiya mukakabai luwe loluk polong dia budodoo; komuyu aki poyase taat doi Yaku.

²²Tobikon doiya saibino mokatua: komuyu naikon akiyono buno pinul mombul. Mupemeenggon-pomeenggonan naikon inakut bunokai tawanan, tukon mukota tinotulai tukon inakamaa sabab sasaibino mukulokisan.

²³Komuyu dungol tukon aman binoilingi posokol-posokol kau walu batango Libanon, bai kalukai komuyu konakon masakitan, komuyu naikon mandalita buno boine modaano mosuung.”

²⁴ TEMENENO bantil doi Tomundo Yoyakhin Yoyakim tomundo Yehuda namalane, “Tolongo, Yaku, Mian Bisa motubo, Yaku bantile tutuu baikon maukai ikoo tuuk Yaku buno sousolut moi nusokan doi limanggu bakalingano, naikon ikoo Kukaluare

²⁵tukon Kusalakaanggene doi mian-mian ikoo matakutene tukon moyase akatekon. Ikoo naikon Kusalakanggene doi tomundo Babel Nebukadnezar, polaing kona suludadu.

²⁶Ikoo tukon tinamu naikon Kusuluke tukon Kusakukene doi tano mobolikon buta sauhmu natokundangan, tukon indaa komuyu naikon mate.

²⁷Komuyu naikon lindukene tuuno tano nia, bai komuyu akimo poabali.”

²⁸Yaku Yeremia bantile, “Oilakai Tomundo Yoyakhin tealimo buno tobunang mapasa mosinakukon tukon akimo nainias naikon koidan? Doiyamokai kosababpo yana tukon napau-pau siniika tukon sinakukon doi tano modoon tuuk yanila?”

²⁹Wah daku tano, ndongolio oila TEMENENO nabantil,

³⁰“Mianno lapamo tinantukon tuuk nalapus koidan napau-pau tukon sidutu gagal doi natuboan lalomo. Luwedoi nakaturunan akiyono naikon kohasilo kona maparentaan doi Yehuda salaku Tomundo Daud nakatulunan. Yaku, TEMENENO lapamo basilingan.”