Read Banggai YEREMIA 24 Bible Online

YEREMIA 24 - Banggai bible

YEREMIA 24

¹ Meeng kotempo sambuno lapa Yoyakhin. Yoyakim tomundo Yehuda namalane polaing saibino kosambu pamarentah Yehuda, saibino komo molole tukon saibino komopandoi balimang tomundo Babel Nebukadnezar oduke tukon binaba salaku tawanan luwedoi Yerusalem ko Babel, TEMENENO beena meeng kobatokitaan doiyaku. Yaku kitayo lua kalandang koantoko ara saono motobinggakon doi TEMENENO Na Bonua salaano.

²Kalandang tumbeno koantoko ala saono hasilo tumbeno, bainokai kalandang koluano koantoko ara saono moboan-boan tobikon aki moola kinaan.

³Maka TEMENENO bantil doi yaku, “Yeremia, oila ikoo mukinita?” Yaku timbiliyo, “Ara saono, TEMENENO. Mo monondok-monondok tuuno, tukon momobooan-booan tuuno tobikon aki namoola kinaan.”

⁴Maka TEMENENO bantil koidan,

⁵“Komian-mian molapamo Kusobiikene inakut doi Babel doo komuyu Kuanggene buno ara saono nia mo monondok-monondok sabab doiya Yaku, TEMENENO, Israel na Mian Bisa, naikon molakukene yanila tukon monondok.

⁶Yaku naikon dagaiyo yanila babayo yanila abali doi tano nia. Yaku naikon bangune, bolikon motantukanggene yanila; Yaku naikon masakakon, bolikon sabute yanila.

⁷Yaku naikon beena doi yanila namongiasan tuuk mangalati baikon naikon Yakumokai ko TEMENENO. Maka yanila naikon teali Kuumat, tukon Yaku teali yanila na Mian Bisa, sabab yanila naikon abali doi Yaku tukon sasaibino konoano.

⁸Bai Zedekia tomundo Yehuda, tukon saibino kosambu mololani tukon yana, tukon Yerusalem miano labino yanila saibino naikon Kulakukene buno biol doi Mesir, yanila saibino naikon Kulakukene buno ala saono moboang-boang nia, moakinamoola kinaan. Yaku, TEMENENO, lapamo basilingan.

⁹Yaku naikon silakayo yanila buno doiya kona dodoongo tobikon posapoon kobangsa doi posapoon kodunia teali matakut. Doi yaa tolong Kusalakanggene yanila, yanila naikon tinotulai, teali bahan motinawan tukon motinotulai. Yanila sambuno naikon pinake salaku totopi.

¹⁰Yaku naikon lubatene doi yanila polobosian, malalaan, tukon panakit mobiol-biol tobikon yanila saibino mata tukon akiyono mototinggal doi tano nia molapamo Kubeekene doi yanila tukon yanila nambumbu.”