Read Banggai YEREMIA 26 Bible Online

YEREMIA 26 - Banggai bible

YEREMIA 26

¹ Sambuno lapa Yoyakim Yosia namalane teali tomundo Yehuda,

²TEMENENO mosobit bantil doi yaku, “Tauso kokondong doi Kubonua kintalo tukon basilingano doi modungoliyo ko Yehuda molubat kaleda idoo. Pelenggene doi yanila saibino komo yaku maparentahkene doi komuyu tuuk binontikon doi yanila. Inai mombengiyo mau soisik.

³Banggokai bangsa doo yase ndongoliyo, maka tade makabai lokis, tobikon Yaku selenge Daku niat tuuk mosilakaiyo yanila pokonoi tukon yanila nakakabai molokis.”

⁴TEMENENO sumbolio yaku bantile bunonia doi yanila, “Yaku, TEMENENO, lapamo maparentakene sulano komuyu taat doi Yaku tukon ampakokene kohukum-hukum molapamo Kubeekonggomiu.

⁵Komuyu sio koidan ndongolio oila Daku ata-ata nabinantil, saibino konabi posidutukon Yaku bitekene doi komuyu. Bai komuyu aki poyase ndongolio yanila.

⁶ Kalu komuyu tataap palalentel, bonua kaledaan nia naikon Kubaiyo buno doi Silo, tobikon saibino kobangsa doi dunia nia pakeo kota Yerusalem sambuno nia salaku pokutuk.”

⁷Saibino daku binantil doi TEMENENO doo Na Bonua saibino koimam, saibino konabi, tukon rayat dongolio.

⁸Sambuno yaku lapamo salasaikanggene mosobit popitoikene saibino TEMENENO Nateteba bunomo Napinarentakon, yanila lakayo yaku tukon wookon, “Ikoo sio mumate!

⁹Barani tuuno ikoo bantile atas TEMENENO sambuno baikon ko Na Bonua nia naikon teali buno Silo, tukon baikon kota nia naikon minanas tukon teali tampat moaki nadinungoli koidan.” Maka yaku tinokuni mian badaang.

¹⁰Salataa sambu-sambu pamarenta Yudea lengele oila molapamo teali, yanila moso-mosobit sumbut luwedoi tomundo nakamali maka taus doi TEMENENO Na Bonua, tukon osulang doi Tataapon Boolu Mobabasal.

¹¹Saibino koimam tukon nabii-nabii bantil doi sambu-sambu doo tukon doi rayat, “Mian nia patut nainukum mate sabab yana lapamo kaluale bantilan-bantilan motantaange nadakota nia. Komuyu susungo molongolo.”

¹²Maka yaku bantil, “TEMENENO kai mosumboliyo yaku pelenggene teteba motantange TEMENENO Na Bonua tukon nakota nia bunomo poilongol.

¹³Tobikon doiya boliyomo mucara tuboan tukon mukakabai-kakabai; taatiomo mu TEMENENO Mian Bisa, sulano Yana naselenge Konaniat tuuk mosilakaiyo komuyu.

¹⁴Butonggu kaliangano bisadaano doi mukuasa lalomo tuuk lakukene oila tolong loloiyo mumongiasaan.

¹⁵Bai neneke, kalu komuyu kateyaku, komuyu tukon modungoliyo kota nia naikon tanggunge kasalaan atas mangakatean telhadap mian moakiyo kona salah. Sabab, TEMENENO mo mobitekene yaku tuuk beena poingotiido doi komuyu.”

¹⁶Maka saibino kosambu pamarentah tukon rayat bantil doi imam-imam tukon nabi-nabi doo, “Mian Bisa nia basilingan atas nda TEMENENO Mian Bisa sambuno; aki napatut inukum mate.”

¹⁷Lapa doiya bubula doi antara saibino kokatua bangsa lubat doi muka tukon basilingan doi mian daango mopototongi doo,

¹⁸ “Salataa Hizkia teali tomundo Yehuda, Nabi Mikha luwedoi Moresyet pelenggene doi rayat bantilan nia luwedoi TEMENENO Mobabasal Konakuasa, ‘Sion naikon pinasol buno asi, Yerusalem naikon teali natalatambunan konamalomboan, tukon TEMENENO Na Bonua bungguko naikon teali bonggulang.’

¹⁹Bai Tomundo Hizkia tukon Yehuda miano aki naakateo Mikha. Hizkia matakutene ko TEMENENO tukon kabio nasineseang. Maka TEMENENO talike abali Konaniat tuuk mosilakaiyo yanila. Tukon diabudodoo kabikai kita nia lubatene kosilakaan mobabasal doi butonggita.”

²⁰Idano koidan meeng komian bailon basilingan motantunge kota tukon bangsa nia atas TEMENENO sambuno, buno kuilakukon. Mian doo kosambuno Uria, Semaya napau luwedoi Kiryat-Yearim.

²¹Salataa Tomundo Yoyakim polaing suludadu kapa-kapalo tukon saibino kosambu pamarentah dongolio Uria tomundo balausaha akateyo yana: Bai Uria lengele hal doo Uria teali matakut tukon dampas doi Mesir.

²²Bai Tomundo Yoyakim sumboliyo Elnatan Akhbor polaing-laing bubula komian bailon motaus doi Mesir tukon alayo taus doi Mesir tukon alayo Uria.

²³Maka yanila babayo yana abali doi Tomundo Yoyakim. Doibundu tomundo sumboliyo moakako yana tukon namajaan sinakukon doi bakibulan umum.

²⁴Tetapi diabudodoo berkat potombom Ahikam Safan napau, yaku Yeremia aki nasinalakanggon doi rayat tuuk moinakate.