Read Banggai YEREMIA 27 Bible Online

YEREMIA 27 - Banggai bible

YEREMIA 27

¹ Aki namalumbit sambuno lapa Zedekia Yosia namalane teali tomundo Yehuda, TEMENENO sumboliyo yaku

²makabi alos-alos luwedoi kulit maka panga moluwe doi kayung, tukon pasang doi olunggu.

³Yana koidan sumboliyo yaku pelenggene Konateteba doi tomundo Edom, Moab, Amon, Tirus, tukon Sidon, tukon parantaran yanila nabobitokon-bobitokon molubato doi Yerusalem tuuk modutio Tomundo Zedekia.

⁴Yaku sio popitoikene doi yanila baikon TEMENENO Mobabasal Konakuasa, Mian Bisa Israel bantil,

⁵“Maka Kukuasa mobabasal tukon polaing Daku bukuanan Yaku lapamo tealikene kodunia tukon banggapi tukon saibino koiyayon, tukon Yaku moola beekene doi indee tolong Daku inias.

⁶Yakumo mosalakanggene saibino kobangsa nia doi Kuata nakuasa lalomo, Nebukadnezar, tomundo Babel. Tukon kai iyayon doo lapamo Kusalakanggene doi yana tuuk nakuasaiyo.

⁷Saibino kobangsa naikon teali kuata doi yana, doi namalane, tukon doi natumbo sampe lubat kotempono nanegara susungo tuwong. Doi tempodoo bangsa Babel naikon pototongimo doi bangsa-bangsa nabukuan tukon tomundo-tomundo mobabasal.

⁸Bangsa kabai batomundoan moaki naiyase taaluk doi Nebukadnezar naikon Kuukume tukon polobosian, malaalan, tukon panakit mobiol-biol sampe doi bundu bangsa doo taaluk doi yana.

⁹Inaimo ndongoliyo nabi-nabi kabai indemo koidan molalange komuyu taaluk doi tomundo Babel, maukai yanila mangakukenemo matalima otunggul luwedoi olumon, roh-roh halus, kabai tukon bukuanan moinelanggon.

¹⁰Yanila kokoliyo komuyu tobikon komuyu binaba modoon luwedoi polipu. Yaku naikon sikayo komuyu luwedoi mulipu tukon komuyu naikon silaka.

¹¹Bai bangsa moyase taaluk tukon moyase teali ata doi tomundo Babel naikon Kusodii kene donggol doi nabuta sinuungan susungo, tukon masakakon tanaman idoo. Yaku, TEMENENO, lapamo basilingan.”

¹²Doi Zedekia tomundo Yehuda, yaku Yeremia, pelenggene langge mopokakana. Yaku bantil, “Menyelamo doi tomundo Babel. Loingiyomo yanila tukon doi bangsa, sulano Tomundo salamat.

¹³TEMENENO lapamo bantil baikon bangsa moaki nataaluk doi tomundo Babel naikon mate doi polobosian, malalaan, kabai panakit mobiol-biol. Bulaando Tomundo tukon rayat yase mate cara bunodoiya?

¹⁴Inai mondongoliyo konabi-nabi mopantane ko Tomundo taaluk doi tomundo Babel, sabab yanila kokoliyo ko Tomundo.

¹⁵Yanila bantil baikon yanila basilingan atas TEMENENO sambuno, bai yanila bakakakala. TEMENENO susungo bantil naikon yana aki namobitokon yanila. Tobikon doya yana naikon poalasene tukon silakayomo ko Tomundo polaing konabi-nabi mokalakala doi Tomundo.”

¹⁶Doi bundu yaku popitoikene doi imam-imam tukon doi saibino rayat baikon TEMENENO bantil bunonia, “Inai mondongolio nabi-nabi mobantil baikon aki namalumbit koidan barang-barang doi Kubonua naikon binaba abali luwedoi Babel yanila kala.

¹⁷Inai mondongolio yanila! Serahkanggene doi tomundo Babel sulano komuyu salamat. Tuuk oila kota nia sio namanas?

¹⁸Kalu yanila mobisa nabi, tukon lapamo matalima teteba luwedoi Yaku, tantu yanila diabudodoo makabi doi Yaku, TEMENENO Mobabasal Konakuasa, sulano barang-barang modaano doi Kubonua tukon doi kamali tomundo doi Yerusalem aki nainangkat doi Babel.

¹⁹Sabab Yaku, TEMENENO Mobabasal Konakuasa, Mian Bisa Israel, lapamo putusiyo baikon saibino kobarangoo naikon binaba doi Babel, tukon tataapo indaa sampe Yaku babayo abali doi tampat nia. Yaku, TEMENENO, lapamo basilingan.” Barang-barang modaano doi TEMENENO Na Bonua doo doiyamo; sudong-sudong mangabosan paisu tambaga, kareta-kareta, tukon bubula kobarang baikon TEMENENO Na Bonua koona. Barang-barang doo aki natalaing binaba doi Babel, salataa Yoyakhin Yoyakim napau malane tomundo Yehuda maka katua-katua masarakat Yehuda tukon Yerusalem Tomundo Nebukadnezar akute ke Babel.