Read Banggai YEREMIA 36 Bible Online

YEREMIA 36 - Banggai bible

YEREMIA 36

¹ Doi taun kosanggapo sambunolapa Yoyakim Yosia napau teali tomundo Yehuda, TEMENENO bantil doi yaku,

²“Mangalamo meeng kokitab gulungo, tukon tulisemokai idoo saibino molapamo Kubantile doi komuyu tentang Israel tukon Yehuda, tukon saibino kobangsa kaliangano. Tulisemo saibino Dakubantilan tambuun doi tumbeno lunggon Yaku basilingan doi komuyu doi tempo Tomundo Yosia namaparentaan polong oloyo nia.

³Banggokai Yehuda miano naikon tade makabai lokis kalukai yanila molongol saibino kosilakaan kaliangano Yaku motuwonggikene doi yanila. Maka Yaku naikon ompunio yanila nalalim tukon nakulokisan.”

⁴Tobikon doiya yaku wange Barukh Nelia napau tukon popitoikene doi yana saibino ko TEMENENO napobontilkon doi yaku. Maka Barukh tulise saibino doi kitab moginulung doo.

⁵Lapa doiya yaku bekene parentah nia doi yana, “Yaku aki napinataikon koidan mousok doi TEMENENO Na Bonua.

⁶Tobikon doiya kalu kai lubat kooloyono mian napuasaan ikoo sio mutaus dombalaa, tukon basakene saibino molapamo kupopitoikene doi komuyu tukon lalo mobulungan sulano yanila saibino molongol TEMENENO nabinantil doi yaku. Kabaiyomo doiya doi tampat momolakene samba komian modaano doi TEMENENO Na Bonua moola ndongoliyo ikoo, tongusokon Yehuda miano molubat luwedoi yanila nakota-kota.

⁷Banggokai tobikon doiya yanila naikon sambeang doi TEMENENO, tukon babolii luwedoi yanila nakakabai-kakabai molokis. TEMENENO nggimal tuuno doi yanila tukon otokutio yanila.”

⁸Maka Barukh basakene TEMENENO nabantilan doi TEMENENO Na Bonua, bunomo kubitokanano doi yana.

⁹Doi bituwon kosiono taun koloimano Yoyakim tomundo Yehuda namaparentaan, korayat bapuasa tuuk malaat pomasikon luwedoi TEMENENO. Modungoliyo ko Yerusalem tukon mian daango molubat luwedoi Yehuda nakota-kota, saibino bapuasa.

¹⁰Maka Barukh basakene luwedoi kitab moginulung doo saibino kolobo molapamo kubantile, tukon saibino komian mondongoliyo. Mobinasa doo ilakukanggon doi TEMENENO Na Bonua lalomo doi Gemarya nakantor, Safan napau sekretaris negara. Kantor doo nakinokondongan doi kintal taikon doi bungguk, lolani kololoon mousok doi Tataapon Babasal Boolu doi TEMENENO Na Bonua.

¹¹Mikhaya Gemarya napau tukon Safan natumbu ndongoliyo Barukh mobasakene ko TEMENENO nabantilan luwedoi kitab moginulung doo.

¹²Maka yana taus doi kamali, doi kantor sekretaris pamarentah. Idoo saibino kosambu daanon barapat. Delaya Semaya napau, Elnatan Akhbor napau, Gemarya Safan napau, Zedekia Hananya napau, Elisama meeng kosekretaris, tukon sambu-sambu bailon modaano idoo.

¹³Mikhaya bontiikene doi yanila, saibino Barukh nabinaakon doi TEMENENO Na Bonua.

¹⁴Maka saibino kosambu doo bitekene Yehudi (doiyamo Netanya napau, Selemya natumbu tukon bayut Kusyi) doi Barukh tukon parentah tuuk lubat tukon mababa doi yanila kitab moginulung molapamo binasakon doo. Maka Barukh babayo kitab doo.

¹⁵“Mai osulang,” yanila bantil, “basakene kitab moginulung doo doi kami.” Barukh doo loingiyo.

¹⁶Sambuno lapa yana basayo, yanila pokitano tukon palasaan matakut maka bantil doi Barukh, “Kami sio nalapulkanggene langge nia doi tomundo.”

¹⁷Lapamo yanila masadai, “Soba popitoikene doi kami bulando kai ikoo motulise saibino nia. Oila kai Yeremia mopopitoikene doi komuyu?”

¹⁸“Bisa samba kobantilan mototulis dimbaa lapamo Yeremia popitoikene doi yaku, tukon yaku motulise tinta doi kitab moginulung nia,” Barukh timbiliyo,

¹⁹“Ikoo tukon Yeremia sio posapit. Inai sampe komian toiyo tampat musapitan doo,” yanila bantil.

²⁰Saibino kosambu doo mangabos kitab monginulung doo doi Elisama, nakombiang sekretaris doo, lapadoo taus doi tomundo tukon lapulkanggene, sekretaris saibino.

²¹Maka tomundo sumboliyo Yehuda taus tuuk mangala kitab monginulung doo. Sambuno lapa mangala luwedoi Elisama nakombiang, Yehudi basakenemo doi tomundo tukon doi saibino kosambu modaano kokondong potikunggon.

²²Tempodoo bituwon kosiono, tukon tomundo daanon moosulang doi napuulian tempo kumelon doi kamali salaano.

²³Bunomo Yehudi lapa mambaca tolu kabai sangkap komuka, tomundo patele sembeleng doo tukon meeng kopiso pauno tukon sakukene doi aung lalomo. Bunomokai kona lakukanano banggadul sampe saibino kitab monginulung doo kabus tobuka.

²⁴Maukai Elnatan, Delaya, tukon Gemarya kabiyo tuuno tukon sulano tomundo inai namosua kitab monginulung doo, mau yana aki naiyase ndongoliyo yanila. Mau tomundo maukai saibino kosambu mondongolio kitab antoko aki teali matakut kabai tudoikene kona minanasakon.

²⁶Tomundo tolongo palentayo kona malane, doiyamo Yerahmeel, polaing tukon Seraya Azriel napau tukon Selemya Abdeel napau, sulano lakoyo yaku tukon Barukh daku sekretaris. Bai TEMENENO sekeene kami.

²⁷Sambuno lapa Tomundo Yoyakim suayo kitab moginulungoo kupinopitoikon doi Barukh doo, TEMENENO sumboliyo

²⁸alayo kitab moilulunno bailon, tukon tulise saibino molapamo totulis doi kitab moginulung tumbeno doo.

²⁹TEMENENO sumboliyo yaku bantile bunonia tomundo, “Ikoo lapamo suayo kitab monginulung doo, tukon ikoo masadai doi Yeremia bulaando yanila tulise baikon tomundo Babel naikon lubat tukon manase tano nia tukon akateo komo ndungoliyo polaing kona iyayon-iyayon.

³⁰Sabab doiya Yaku, TEMENENO bantil doi komuyu, he Tomundo Yoyakim, baikon akiyo komeeng komian doo luwedoi mukaturunan naikon maparentah salaku Tomundo Daud nakaturunan. Mubajan naikon sinakukon doi tonggulung, kanakon pital doi oloyo tempono, tukon soiluk kumelon doi tempo popook.

³¹Ikoo, mukatulunan, tukon saibino komu sambu naikon Kuhukume sabab komuyu mokabaiyo kolaim-lalim. Yaku naikon lakukene lubatene doi komuyu saibino kosilakaan molapamo Kuotokutikene doi komuyu, sabab mau doo ikoo maukai modungoliyo ko Yerusalem tukon Yehuda aki napalaatikanggene Daku otokuti-otokutiano.”

³²Maka yaku mangala kitab boolu monginulung, tukon bekeene doi Barukh ku sekretaris. Maka yana tulise saibino daku pinopitoikon doiyana, doiyamo koitab moginulungoo tumbeno doo antoko sinungikon bubuula koteteba bailon mobuno doiya.