Read Banggai YEREMIA 43 Bible Online

YEREMIA 43 - Banggai bible

YEREMIA 43

¹TEMENENO bateteba, Mian Bisa Israel, siokai Kupelenggene doi rayat saibino.

²Maka Azarya Hosaya napau tukon Yohanan Kareah napau tukon saibino komian bailon mobabanggaal doo bantil doiyaku, “Ikoo kala-kala. Komai TEMENENO Mian Bisa aki nasumbolio ikoo mopantane kami tuuk taus dungol doi Mesir.

³Barukh Neria napau doiyamo asute ikoo tuuk molawane kami, sulano Babel miano nakuasaiyo kami tukon naakateo kabai akute kami doi Babel.”

⁴Mau Yohanan maukai saibino koletnan tukon rayat aki naiyase tulutiyo TEMENENO naparentah tuuk dungol doi Yehuda.

⁵ Yohanan tukon saibino koletnan doo mababah samba komian doi Mesir modaano doi Yehuda, koidan saibino komian molapamo abali luwedoi tano bailon yanila natampat sasabulan.

⁶Malane, boine, pau-pau, tukon tomundo naboi-boine Nebuzaradan mosalakanggene doi Gedalya naawasio, tongusokon yaku tukon Barukh, saibino binaba doi Mesir.

⁷Yanila lawane ko TEMENENO naparentah, tukon taus doi Mesir kona kodoon polong doi kota Tahpanhes.

⁸Imbali TEMENENO bantil doi yaku,

⁹“Alayomo kobatu-batu babasal, tukon tamene doi buta lalomo doi tataapon usokon salaano doi bonua pamarentah nabonua doi kota doo. Usahakene sulana Yehuda miano na kitayo ikoo molakukene langgendoo.

¹⁰Maka bantile doi yanila baikon Yaku, TEMENENO Mobabasal Konakuasa, Mian Bisa Israel, naikon lubatene Daku ata Nebukadnezar tomundo Babel, doi tampat doo. Tukon doi batu-batu doo bunggonu ikoo mosakakene doi butadoo lalomo, yana naikon kekendenge ko tampat osulangan tukon nasandung batomundoan.

¹¹Nebukadnezar naikon lubat tukon lungguiyo ko Mesir. Tukon miano daango molapamo tinaan tukon tuuk mate sabab panakit mobiol-biol. Yanila motinantukono tuuk moinakut salaku mian motinaan, tukon motinantukono tuuk mate doi polobosian lalomo naikon mate doi polobosian lalomo.

¹²Yaku naikon akaite koaung doi bonua nggalaanoko ilah-ilah Mesir, tukon tomundo Babel miano naikon mosua timbalang-timbalang bapilogotan doi bonua-bonua doo kabai akute doi natano. Buno meeng komian pagawe mobilisio kona pakean luwedoi kutu, bunomo koidan tomundo Babel naikon sapuwo bilisi ko Mesir maka luwedoi koidan tukon akiyomo ko mogangguwe.

¹³Sudong-sudong bapilogotan doi Heliopolis doi Mesir naikon minanaso, tukon bonua-bonua dewa Mesir naikon sinua kabus.”