Read Banggai MANDAUNGAN 3 Bible Online

MANDAUNGAN 3 - Banggai bible

MANDAUNGAN 3

¹Yakumo komian molapamo lasayo kosakisaa sabab kanakono nggimalan Mian Bisa.

²Polokon modoon daku sinakukonan doi lipu mokalipokan tuuno.

³Yaku binobokii badaang lunggon akiyo komaasi posopokon kooloyo.

⁴Yana kabaiyo kobutonggu babasal kopakolo, tukon kubuku-buku moloto.

⁵Yana singgouliyo yaku tukon susah tukon sakisaa.

⁶Yaku pinakisaa dungol doi kali pokan lalomo buno mian momate doi lolukoo.

⁷Tukon poboi monggol binoboikon yaku, tobikon daku loloon kaluar akiyo.

⁸Yaku kilison makabi potulungi, bai Mian Bisa aki nayase ndongoliyo.

⁹Yana ala-alangiyo daku loloon tukon beton-beton batu.

¹⁰Buno asu lobo yana totiili, buno singa yana lawane yaku.

¹¹Lelenggene yaku sampe yaku lias luwedoi loloon, maka yaku bineding-bending tukon tininggalo.

¹²Yana binggakene Kona pana batango, tukon tealikene yaku kona sasaran napanah matano.

¹³Napanah matano tadul doi butongo popolonggon tataduk kopupulosonggu.

¹⁴Oloyo kinobuluson saibino komian kokumbite yaku, tukon tealikene lobo sindilan.

¹⁵Tolongo namosopotan komo Yana bekene doi yaku tuuk kinaan tukon kuininum.

¹⁶Dudusonggu Yana bolutikene kobuta kongolinggu Yana landukene doi batu sampe moloto.

¹⁷Malumbito Yaku akimo kulasayo konamondokon; yaku toliminggenemo bulandokai koparasaan mosanang.

¹⁸Yaku akimo kai daano kona binantilan, lapuso daku moinian doi TEMENENO.

¹⁹Pikikene kolausalan tukon daku kasusahan bunokai kaane ko lasum momosopot.

²⁰Banggadudul langgedoo kupikikene, tobikon konoanggu toodokon.

²¹Maunabunodoya daku moinian sumbot koidan, salataa yaku neneke langgenia:

²²TEMENENO Namaasih sidutu-posidutukon, Kona poseang akiyo Kona kabusan,

²³sidutu boolu samba kododoa bisa, TEMENENO satia tuuno!

²⁴TEMENENO tolongo doiya daku buat. Tobikon doya, yaku moini doi Yana.

²⁵TEMENENO monondok doi mian moini doi Yana, tukon doi mian mounggoliyo Yana.

²⁶Jadi, mondokkai kita motili tukon tanang sampe TEMENENO lubat beena tulung;

²⁷mondokkai kita balajar teali sabar doi tempo modaano tabokon.

²⁸Doi tempo TEMENENO nabenano pandalitaan, tadukai kita osulang basusunganggon tukon aki nabiok.

²⁹Sodiomo kita bapau-pau tukon salakanggene, sabab banggokai daanon komoinian.

³⁰Maukai natinapi tukon sinakisaa, tadukai saibinodoo kita talimayo.

³¹Sabab, TEMENENO aki naikon natolayo kita tuuk sidutu-posidutukon.

³²Lapa yana beena pandaritaan Yana kai mamasikene kita, sabab Yana tataap maasikene kita tukon maasih noakiyo kona pupusan.

³³Yana akimo tukon noa sanaang sodiikene kita mandarita tukon susah.

³⁴Kalu noanggita todokon doi tahanan lalomo,

³⁵kalu konda hak lapuso TEMENENO mobeekene,

³⁶sabab kokaadilan pinoibolikono, tantumo TEMENENO komotoiyo tukon palatikanggene.

³⁷Kalu TEMENENO aki napalaluwo kolobo, tantu banggapi aki laate makabai oi-oila tuuk doya.

³⁸Monondok tukon lokis inampakonggon tolongo kai TEMENENO naparenta.

³⁹Bulaando kai komian sio naokitakene konoa susah kalu yana inukum sabab nalalim-lalim?

⁴⁰Mondoko kita mo silidikio ndatuboan, tukon abali doi TEMENENO Mian Bisa doi surgaa. Maimo nda bukayo konoa nggita tukon sambeang,

⁴¹

⁴²“Kami baladosa tukon banggabuto doi Komiu, ode TEMENENO, tukon Ikoo aki mobeena pongompuni.

⁴³Kami Ikoo lelenggene tukon Ikoo akateo, Komu maasih tosokon doi Munggimalan lalomo.

⁴⁴Komu nggimalan buno bunom mobondolong tuuno tobikon komai sambe-sambeang aki moola tadul.

⁴⁵Kami Ikoo lapamo tealikene buno limbut doi mata posaapon kodunia.

⁴⁶Kami tinotulai saibino komai musuh tukon kinokumbit;

⁴⁷kami kanakon silakaan tukon namanasan, tukon tubo doi bahaya lalomo tukon matakut.

⁴⁸Komatanggu paisuno seselet buno paisu batango sabab daku bangsa manaso.

⁴⁹Yaku naikon kokiil aki tade,

⁵⁰sampe Ikoo, ode TEMENENO doi surgaa, palatikanggene kami.

⁵¹Noanggu teali susah kitayo koboiboine natuboan domai kota.

⁵²Buno tomisi, yaku linolonggon musuh moakiyo kosababpo misikitene yaku.

⁵³Doi bubung lalomo momotul yanila sakukene yaku tubo-tubo maka timbunio yaku tukon batu.

⁵⁴Paisu liba polong doi olunggu tukon yaku bapikil, — ‘Kabuso yaku salitano!’

⁵⁵Ode TEMENENO, yaku masadai doi-Koo, luwedoi dasal bubung moatean doo.

⁵⁶Yaku kabio tuuno inaimo motutupe kotolingai-Mu doi kukakabi sulano Ikoo tulungio yaku. Maka daku sambeang Ikoo lengele, tukon Ikoo lubat bakolanikon; Ikoo bantil, ‘Inai mbombokon.’

⁵⁷

⁵⁸Ikoo lubat usakanggene daku perkara, ode TEMENENO, dakuansaan lapamo Ikoo salamatene.

⁵⁹Ikoo kitayo kulokisan moilakukon doi yaku, musuh momisikitene yaku konatel lokis. Sabab doiya, ode TEMENENO, belayo daku perkara.

⁶⁰

⁶¹Ikoo, TEMENENO, lenggele yaku motinotulai; Ikoo toyo saibino yanila natetel.

⁶²Yanila salitayo yaku samba kooloyo. Tuuk silakakene yaku, yanila makabai tetel lokis.

⁶³Luwedoi dodoa polong doi popook, yaku teali bahan mokinokumbit.

⁶⁴Ukume yanila pokakana yanila napalabuatan, ode TEMENENO.

⁶⁵Batopikene yanila, tukon sodiikene yanila dungol doi noano napolooan.

⁶⁶Lelenggene tukon akabusemo yanila saibino polong yanila inakabus pokabusan doi dunia.”