Read Banggai YEHESKIEL 2 Bible Online

YEHESKIEL 2 - Banggai bible

YEHESKIEL 2

¹Kitayo doiya yaku tuwong tanggalaup doi buta. Maka kulangele kolalo mo bantile, “He banggapi moaki natubo posiditukon, kokondong. Yaku yase basilingan tukon ikoo.”

²Daanon kotempono lalodoo kulengele, usokoo Mian Bisa na Roh doi butongo lalomo, tukon konggoliyo yaku. Doi bundu kulengele koidan lalodoo mobantile,

³“He banggapi moaki natubo posidutukon, ikoo kubitokonggon doi Israel mianno momalontak lawane Yaku. Yanila doo pamarontak buno yanila koidan nambumbu.

⁴Yanila palalentel tukon aki naodotio Yaku. Ikoo Kubitekene doi yanila tuuk pelenggene oila mo Yaku, TEMENENO Mian Bisa Moinakatandak Tuuno bantikenemo doi yanila,

⁵kabai yase mondongolii kai aki; mopenting, yanila sio natoiyo baikon daanon konabii doi yanila tanga-tangano.

⁶Bai ikoo he banggapi moaki tubo posidutukon, inai matakut doi saibino momarontakoo, kai doi oila doo yanila mobantile. Yanila naikon lawane tukon totulaikon, tobikon uga-ugaat ikoo tubo doi antara kalajengking. Mau na buno doiya, inai matakut.

⁷Pelenggene saibino Daku teteba doi yanila, kabai yanila yase modongoli kai aki. Neneeke baikon yanila doo pamarontak-pamarontak.

⁸He banggapi moaki natubo posidutukon, ndongoliyo oila daku binotokon doi koo. Inai pomalaing koidan momarontak. Bukayomo kosuumu tukon kaane oila daku bineekon doi koo.”

⁹ Doibundu yaku kitayo kolimano mouluul doi yaku. Limano lalomo doo daanon kitab moilulun,

¹⁰motinulis doi lua kosisino. Maka yana bukayo moginulung doo tukon idoo totulis mandaungan, susaan tukon masakitan.