Read Banggai YEHESKIEL 24 Bible Online

YEHESKIEL 24 - Banggai bible

YEHESKIEL 24

¹Doi tanggal songgulo, bituwon kosunggolono, taun kosiono lalomo luwedoi tempo komuyu nasinakukonan, TEMENENO bantil doiyaku,

² “He banggapi moakiyo kotakoso, sasatemo tanggal oloyo nia, sabab oloyo nia tomundo Babel tambun lobosio Yerusalem.

³Yaku, TEMENENO daanon meeng koandean sulano napinolonggon doi Kuumat moiyase banggabut: Kundange kopaisu doi pang lalomo maka abesemo doi aung bunggono.

⁴Useke dosail doi lalomo sail mo monondok tuuno kona mutu; sail bengeno tukon sail banano tukon buku-buku mobadaang kosango-sangolo.

⁵Pakeomo domba momalanak tukon momongola sailo sungiyo palasadian kayung posuano. Sodiiyomo nabukal tukon baokolan kopaisuno koluayo sail doo tukon buku-bukuno.”

⁶TEMENENO Moinakatandak Tuuno bantile, “Silakamo kota momonoh tukon pangakate doo! Kota doo buno balanga mobakalat moaki naperna ginosok. Sail modaano doi lalomo kinaluar doi pato-patolo sampe akiyono komeeng kai mo daano totinggal.

⁷Doi kota doo teali mangakatean, bai nasinosubakon sauno aki natokundang doi buta, bai doi buta motikas bunggono, tobikon naaki namoola tinambuni.

⁸Sauhdoo Kusodiikene idoo sulano namoola kinita tukon tuntute koposobolino.”

⁹TEMENENO Moinakatandak Tuuno bantile, “Silakamo kota momonoh tukon pangakate doo! Yaku susunggu naikon mosusune kokayung sulano nasinua.

¹⁰Sungiyo kokayungo! Pokipase koaungo! Kosailo pokoluwayo! Pokundange koboulono. Kobuku-bukuno posuayo!

¹¹Diabudodoo tobunan tambaga mokosong doo binggakenemo doi aung bunggono tukon sodiikenemo sampe memela kobalano. Sambuno lapa tosua kokarat tobunom doo naikon bilisiimo koidan mololoi paraturan agama.

¹²Bai aki saibino kona karat naikon lapus doi aung kaane.

¹³He Yerusalem, komu kubai-kubai mobajingan okoditiyomo kobutomu. Yaku lapamo sobayo mobilisiyo ikoo, bai akiyo kotakoso, sabab ikoo tataap madikit. Ikoo naikon aki nabiliisi koidan sampe Yaku lapase Daku nggimalan doikoo.

¹⁴Yaku TEMENENO Moinakatandak Tuuno molapamo basilingan. Lubato kotempono yaku namakabaian. Yaku naikon aki kutoliminggene mulalim tukon aki kai ompunio kabai seseeange ikoo. Ikoo naikon inukum sosuai komu palabuatan. Yaku TEMENENO Moinakatandak Tuuno lapamo basilingan.”

¹⁵TEMENENO bantil doi yaku,

¹⁶“He banggapi moakiyo kotakoso, tukon mosobit naikon Yaku alayo mian ikoo mokilakene tuuno. Bai ikoo aki namoola mandaung tukon kokiil, kabai sodiikene konatamu paisuno namesele.

¹⁷Inai sampe tolongol komu odi-odian. Inai moampakon akiyo potutupi olumu, kai akiyo koaimu pangalaso, buno mian mopoloong. Inai koidan ikoo tutupe kodudusomu, tukon inai makaan loti poloongan.”

¹⁸Doa-doa soono yaku basilingan doi bangsa doo tukon napopook daku boloki matemo. Modoakon yaku lakukene oila komo pinalentakon doi yaku.

¹⁹Korayat masadai, “Bulaando Tama mokubai bunonia? Oila koalatino tuuk doi komuyu?”

²⁰Maka yaku bantile doi yanila, “TEMENENO sumboliyo yaku

²¹pelenggene teteba nia doi komuyu: Komuyu babanggalkene TEMENENO Na Bonua namonggolan. Komuyu yase mokitayo tukon modutiyo, bai TEMENENO naikon kodikitio kona bonua. Tukon naanggota-anggota mukalualga modaano muda, mototinggal doi Yerusalem, naikon inakute doi polobosian lalomo.

²²Maka komuyu naikon lakukene buno daku lakukanano diabudodoo nia. Komuyu aki naikon potutupio kodudusomiu kai makaan roti poloongan.

²³Komuyu aki naikon ampakon aki kolumu tutupe kai aino pangalaso, aki mandaung kai kokiil. Komuyu naikon poloono tuuno, molisuk sabab mulalim-lalim; komuyu naikon bebek meeng komian doi bailonggon.

²⁴Maka yaku, Yeheskiel naikon teali sontoh doikoo; komuyu naikon lakukene bunomo dakulakukon diabudodoo nia. TEMENENO baikon bantil kalukai langge doo teali, komuyu naikon toiyo baikon Yanamo TEMENENO Moinakatandak Tuuno.”

²⁵TEMENENO bantil doi yaku, “Eh banggapi moakiyo kotakoso, naikon kualayo luwedoi yanila Daku Bonua momonggol doo, molapaamo teali binanggaakon tukon yanila nasanaangan, tukon yanila mokitayo tukon dutio konoano nasanaangan. Maka naikon kualayo koidan yanila napau-pau.

²⁶Doi oloyo Kulakukanano langge doo, meeng komian komo berhasil luput luwedoi nasilakaan doo naikon lubat, tukon peleengene bilita doo doikoo.

²⁷Doi oloyo doo koidan ikoo naikon malaat basilingan koidan tukon aki napanga. Maka ikoo naikon basilingan tukon mian doo. Bunomo doiya ikoo naikon teali palosaan tuuk doi yanila; maka yanila toiyomo baikon Yakumo ko TEMENENO.”