Read Banggai YEHESKIEL 27 Bible Online

YEHESKIEL 27 - Banggai bible

YEHESKIEL 27

¹TEMENENO Moinakatandak Tuuno bantil doiyaku, “He banggapi moakiyo kotakoso, manyanyikenemo lagu bakibulan nia tuuk Tirus, kota doi pasisir mobadaang tukon sasaibino modungol doi pante: Tirus tukon tedes ikoo bantil, ‘Daku monondokan tutuu talakana!’

⁴Tuuk ikoo ndalangon bunokai bonua. Ikoo kinubai buno kapal monondok.

⁵Pasanggalo ikoo kayung alas doi Hermon Bunggulo mukadut sudongo kayung cemara luwedoi Libanon.

⁶Mudayung-dayung kinubai luwedoi batango-batango babasal doi Basan. Mudeek kinubai luwedoi kayung cemara, luwedoi togong Siprus konaluwean, kopobungaino gading moano koanggano.

⁷Kadut tukon palosan mutoiyano luwedoi lenan kinubai doi Mesir, tukon basujian lupano. Alus tuuno mutenda-tenda, toik luwedoi Siprus konawarna manampal.

⁸Mudayung luwedoi Sidon tukon Arwad. Komu anak buah susumu motoiyo tuuno kotobun-tobun.

⁹Tukang-tukang kayu mobalimang doi kapal daanon saibino komolole luwedoi Gebal. Luwedoi samba kotano lubat kokapal-kapal naikon adakanggene kopotamian dagang.

¹⁰Suludadu-suludadu luwedoi Persia, Lidia, tukon Libia usok teali musuludadu. Yanila iisene konatombide tukon yanila nasonggo baja doi betong-betong mukota. Yanila tombonio nalungguiyo komusuh-musuh tukon sungiyo kumutollongolan.

¹¹Suludadu-suludadu luwedoi Arwad nadagaiyo mubetong-betong; mumenara-menara mian-mian moluwedoi Gamad modagaiyo. Yanila natombide tongison doi mubetong posusun-susun. Yanilamo mosukupio komu monondokan.

¹²Ikoo mabalukon mubarang-barang binadaganggon molobi-lobiano doi Spanyol, tukon salaku ikoo talimayo kobealo perak, besii, tima moute tukon tima mopook.

¹³Ikoo mabalukon barang doi Yunani, doi Tubal tukon doi Mesekh, tukon salaku pobealo ikoo talimayo luwedoi yanila naata-ata tukon barang-barang luwedoi tambaga.

¹⁴Ikoo monggisobolikene mubarang-barang tukon kereta adalan, adalan moilokiti tukon bagal luwedoi Bet-Togarma.

¹⁵Modungoliyo ko Rodus badagangkai tukon ikoo tukon modungoliyo kolipu pasisir mongoli mubarang-barang binalukon tukon panggiso tukon kaju mopook.

¹⁶Saibino komo badagang luwedoi tano Siria mongoli mubarang-barang binalukon tukon mulangge-langge linaat mobadaang. Yanila bayale tukon batu mutiarano luwedoi zamrud, toik memela tuuno, toik mobinotik, toik lenan alus, batu koral mutiarano tukon batu memela delima.

¹⁷Yehuda tukon Israel paisoboli barang mubinalukon tukon gandum, dogot, zaitun lisosono tukon rampa-rampa.

¹⁸Modungoliyo ko Damaskus mongoli barang mubinalukon tukon muhasil-hasil tukon yana beale anggur luwedoi Helbon, domba bulono luwedoi Sahar, besi sinopu tukon rampa-rampa.

²⁰Modungoliyo ko Dedan beale mubarang-barang tukon toik-toik pangalas adalan tonggulungo.

²¹Arab mianno tukon mokuasaiyo Kedar butano mongoli mubarang-barang tukon domba napau, domba langgilo tukon mbembe. Sulano saibino kopadagang moluwe doi Syeba mongoli mubarang-barang tukon Raema makanggi permata-permata; mosoni tukon rampa-rampa monondok tuuno.

²³Kota-kota Haran, Kane, Eden, padagang-padagang moluwe doi Syeba, kota-kota Asyur tukon Kilmad, saibino kopadagang tukon ikoo.

²⁴Yanila balukene doi koo pakean monondok, toik memela, toik binotik, permadani-permadani morupa-rupa kona warna, tukon alos-alos momonggol.

²⁵Barang mubinalukon binaba tukon pinolainggon kapal dagang mopobosolii. Ikoo bunokai kapal mobabalat kona inalakit, kapal mopintosio kondalangon.

²⁶Saibino mobabose babayo ikoo doi tobun nabelakan. Ikoo kanakon mombul makasang mopul taikon doi tolopot.

²⁷Saibino mumuatan barang binadaganggon, saibino komobiasa doi tobun tukon muanggota, saibino komutukang kayu tukon mupadagang samba kosuludadu doi kapaldoo yanila saibino kabus molomos doi tempo ikoo keol.

²⁸Mobiasamo doi tobun wookon sabab matakut nakilisonan bulungan doi tobun bibi-bibilo.

²⁹Diabudodoo kapal doo tininggalo, saibino mobiasa doi tobun obulus doi buta tina.

³⁰Yanila kokiliyo komutuboan bebek tukon mandaung susah. Yanila tipase koambata doi oluno naikon matakut moalamio kotuboan bunodoiya.

³¹Sabab ikoo yanila oluno dinalulu, mapake toik karung moono kasusahan. Yanila kokil susah tukon mandaunggene komu tuboan.

³²Maka yanilamanyanyikene meeng kolagu bokibulan, ‘Tirus, inde komu potandingan? Tirus diabudoo ikoo doitobun ponga.

³³Meeng kotempo ikoo pintosio kondalangon koantoko polokitino inoono tuuno ikoo daanoke konapinalalu bangsa-bangsa; ikoo tealikene kotomundo-tomundo kuasa.

³⁴Diabudodo ikoo tanggalaupo, manas doitobun dumbokan. Sasaibino muanak buah tukon saibino kollokino, lopus polaing ikoo doi tobun tangano.’

³⁵Mian saibino modongol doi pante bibilo mbombokon molengele komunasib tomundo-tomundo yanila kai matakut tuuno; doi yanila duduso lokita mosedih.

³⁶Ikoo lapuso tuuk sidutu-posidutukon. Pedagang-pedagang posaapon kodunia teali nggabut sabab matakut naikon alamio nasib buno doiya.”