Read Banggai YEHESKIEL 41 Bible Online

YEHESKIEL 41 - Banggai bible

YEHESKIEL 41

¹Mala-malane doo babayo yaku doi kombiang tanga lalomo, mosinumbuikon Tampat Momoliyous. Yana ukure koliasan modombalaakon: kona kobulus tolu kometer,

²tukon kona kebelak lima kometer. Songgulo doi lua kona sisi nabondolongan lua kometer maka sembeleng. Maka yana ukure Tampat Momoliyous doo: kona kobulus 20 meter tukon kona kebelak songulo kometer.

³Lapa doya mongusoki kombiang lalomo. Yana ukure koliasan modombalaakon: kona kobulus meeng kometer kona kebelak tolu kometer, tukon songgulo doi sisino molua kona bondolongan tolu maka sembeleng kometer.

⁴Maka yana ukule kombiangoo koidan: kona ndondoong sanggap kopasuno, nakobulus tukon nakebelak suwe-suwele songulo kometer. Doibundu yana bantil doi yaku, “Naiyamo ko Tampat Momoliyous.”

⁵Sambuno lapa doiya mala-malane doo ukure kobeton doi lolomo doi TEMENENO Na Bonua kona bondolongan tolu kometer. Doi betongo potikunggon ko TEMENENO Na Bonua doo daanon kombiang-kombiang kona kebelak lua kometer.

⁶Kombiang-kombiangoo tolu kosusun tukon doi samba kosusuno daanon 30 kombiang. Beton doi tonggulung samba kotingkat manipi tuuno luwedoi beton tingkat doi bilit tobikon kombiang-kombiang doo moola napinosunikon kobeton TEMENENO Na Bonua.

⁷Luwedoi tonggulung, beton TEMENENO Na Bonua doo tokita pokakana kona bondolongan luwedoi bilit tokita pokakana polong doi bungguk. Beton doi tonggulung luwedoi TEMENENO Na Bonua, taikon doi tonggulung kombiang-kombianggo, daano kolua kotangga babasal tobikon komian moola liba luwedoi tingkat doi bilit doi tingkat koluano tukon kotoluno.

⁸Beton doi tonggulung kombiang-kombiang doo kona bondolongan lua sembeleng kometer. Bangunan doo kona tataapon sasalaane kokombiang-kokombiang TEMENENO Na Bonua taikon doi lembet tukon tataapon bailon mosasalaane kombiang-kombiang taikon doi lalom. Potikunggon ko TEMENENO Na Bonua daano kogandaliano kona kebelak lua sembeleng kometer; kona tobinggakonan tolu kometer luwedoi buta, tukon kinubai pokakana kona katandak tukon kombiang-kombiang pandasino doi TEMENENO Na Bonua. Doi gandalia antarano tukon bonua-bonua mopinake saibino koimam, daanon kobobo mobebelak songulo kometer, doi bakalingano bobo TEMENENO Na Bonua.

¹²Doi kintalo sembeleng taikon doi talise, daanon ko bangunan mobabasal kona kobulus 45 meter tukon nakebelak tolu kolono lima kometer baimokai bondolong kosangga-sanggolo lua maka sembeleng kometer.

¹³Mala-malane doo ukule ko TEMENENO Na Bonua kona kobulus 50 meter. Luwedoi TEMENENO Na Bonua tongulungo polong doi beton taikon tonggulung bangunan babasal doi talise kona antala koidan lima kolono kometer.

¹⁴Tabikon doi muka luwedoi TEMENENO Na Bonua mosasalaane ko tolopot tukon kokintalo doi bobo bakalingano, kona kebelak lima kolono kometer.

¹⁵Mala-malane doo koidan ukule kobangunan babasal mosasalaane kokintalo doi talise sembeleng: kona kebelak lima kolono kometer, tonggusokono kosanggal-sanggalo doi bobo doi bakalingano. Koruangan-ruangan doi TEMENENO Na Bonua gandaliano. Tampat Momoliyous, tukon Tampat Momoliyous Tuuno,

¹⁶binubungai tukon bingkai kayung: Luwedoi soaan polong doi dendela-dendela. Dendela-dendela doo moola natinutup tukon nalansel.

¹⁷Posaapon kosanggal taikon doi lalom binubungai tukon mobinotik-botik

¹⁸palem batango tukon kerup, meeng kopalem batango doi antara taikon samba kolua kerup,

¹⁹kerup doo lua kotambongo, meeng kobanggapi tambongo mo ko palem batango taikon doi bobo, tukon singa tambongo mosasalaane kopalem batango taikon doi bakalinga. Mobinotik-botik doo talaat doi sasaibino ko TEMENENO Na Bonua,

²⁰tambun luwedoi soan polong doi tataapon taikon doi bungguk.

²¹Tataapon nasudong-sudong luwedoi Tampat Momoliyous, ko tambongo sangkap kopanapatok. Doi tampat momolious salaano daano kolobo meeng nakinita buno balabang luwedoi kayung.

²²Kona katandak meeng kometer maka sembeleng tukon kona kebelak meeng kometer. Kopasu-pasuno kopangalaso tukon kosanggalo kinubai luwedoi kayung. Mala-malane doo bantil doi yaku, “Naiyamo komeda modaano doi TEMENENO Na Bonua Nadaanon saalano.”

²³Doi liasan bunduno mosasalaane ko Tampat Momoliyous daano komeeng kotataapon, buno mo doiya doi liasan bunduno mo sasalaane ko Tampat Momoliyous Tuuno.

²⁴Tataapon-tataapon doo daano kolua kotataapono motobuka doi tanga.

²⁵Tataapon-tataapon Tampat Momoliyous binubungai tukon mobinotik-botik palem batango tukon malaekat-malaekat, buno doi pasanggalo-pasanggalo. Doi naluang muka salaano doi tonggulungo taikon, daano kotirai luwedoi kayung.

²⁶Doi lua kosanggal bibilo daano kona lolombong, tukon pasanggalo binubungai tukon botik-botikan palem batango.