Read Banggai YEHESKIEL 42 Bible Online

YEHESKIEL 42 - Banggai bible

YEHESKIEL 42

¹Lapa doiya mala-malane doo babayo yaku doi kintalo tonggulungo tukon babayo yaku doibangunan bailon taikon doi lembet TEMENENO Na Bonua, aki namoddoon luwedoi bangunan babasal naikon doi oloyo sopokan TEMENENO Na Bonua doo.

²Bangunan doo kona kobulus lima kolono kometer tukon kobintingo luakolono lima kometer.

³Meeng koobos luwedoi bangunan doo sasalane gandalia kobintingo doo songulo kometer, baino obos bailon sasalane kosoan batu doi kintalo tonggulungo. Bangunan doo tolu kotingkato; samba kotingkat lobian konalisiano luwedoi tingkat doibilit lalomo.

⁴Doi nakombiang-kombiang salaano doo taikon doi lalom daano kololoon kobintingo lima kometer tukon nakobulus lima kolono kometer. Kotataapono-tataapono sasalane kolembet.

⁵Kombiang-kombiang doi tingkat bungkuk lobian madipot luwedoi kombiang-kombiang tingkat taikon doi bilit, sabab loloon doi kombiang-kombiang doi bungkuk salaano doo lobian masabelak luwedoi modaano taikon doi bilit.

⁶Kombiang-kombiang doo tolu kotingkato tukon aki natinumbak sudong-sudong buno doi gedung-gedung kintalo.

⁷Sembeleng doi tingkat bilit, konakobulus lua kolono lima kometer bunokai beton tolong, bainokai doi oboso molobian, koidan kokinobuluson lua kolono lima kometer binangun kombiang-kombiang. Doi tingkat motatandak tuuno daano kombiang-kombiang doi gedung doo nakobulus.

⁹Doi kombiang-kombiang doo taikon doi bilit doi tolopot bunduno bangunan nia, tukon doi beton tangano, daano komeeng kotataapon mo sasalane doi kintalo tonggulungo. Taikon doi lalong sembeleng luwedoi TEMENENO Na Bonua daano kobangunan mopokakana, kotobinggakonan aki namoddoon luwedoi bangunan oloyo sopok sembeleng.

¹¹Doi nakombiang-kombiang salaano daano komeeng kololoon mopokakana buno loloon doi lembet taikon. Kona ukulan pokakana kona bentuk pokakana tukon kotataapon-tataapono pokakana.

¹²Doi kombiang-kombiang taikon doi bilit doi loloong taikon, doiyamo doi tolopot bunduno doi betonouno, daano koidan meeng kotataapon.

¹³Mala-malane doo bantil doiyaku, “Lua bangunan doo moliyous. Idoo saibino ko imam mo moola mangadap doi TEMENENO nadaanoan, makaan sosubakon-sosubakon momoliyous tuuno, doiyamo: sosubakon gandum tukon sosubakon potolos lalim kai sosubakon posoboli rugi.

¹⁴Kalu saibino ko imam lapamo balimang doi TEMENENO Na Bonua, tukon yase taus doi kintalo tonggulungo, maka pakean kusus yanila mopakeo tempo meleleani kaledaan sio yanila tinggalemo doi kombiang-kombiang doo. Yanila sio namapake pakean bailon, lapa doiya sodokai yanila moola taus doi tampat rayat napotongian.”

¹⁵Sambuno lapa komala-malane doo ukure kobangunan TEMENENO Na Bonua taikon doi lalom, yana babayo yaku sumbut lolo doi tataapon babasal doi oloyo nasumbutan maka ukure taikon potikunggon TEMENENO Na Bonua.

¹⁶Tukon tokong pongukul yana ukule taikon doi oloyo nasumbutan bibilo: 250 kometer.

¹⁷Lapa doiya yana ukule naikon doi lembet bibilo taikon doi lalom bibilo, tukon taikon doi oloyo sopokan bibilo; samba kobibilo kona kobulus pokakana, doiyamo 250 kometer.

²⁰Jadi, lipu TEMENENO Na Bonua tongusokon meeng kobuta sangkap kopasuno koukulano 250 kometer doi samba kobibilo. Butadoo potikunggon beton tuuk pangatang lipu motuuk TEMENENO luwedoi lipu motuuk umum.