Read Banggai YEHESKIEL 44 Bible Online

YEHESKIEL 44 - Banggai bible

YEHESKIEL 44

¹Lapa doiya mala-malane doo babayo yaku koidan doi tataapon babasal tonggulungo taikon doi tolopot lingkungan TEMENENO Na Bonua.

²Tataapon babasal nia sio tataap tinaapikon tukon aki namoola binuka. Akio komeeng komian kai moolah mongusoki, “sabab Yaku, TEMENENO Mian Bisa Israel, lapamo usok doi Ku Bonua loloiyo tataapon babasal nia. Jadi tataapon babasal nia sio tataap tinapikon.

³Bai naikon mobalakuasa maparentah moola taus doi tataapon babasal doo tuuk makaan kinaan molious doi Salaanggu. Yana sio nausok mololoi ruangan babasal tukon abali mololoi loloon doo koidan.”

⁴Lapa doiya mala-malane doo babayo yaku doi tataapon babasal taikon doi lembet moposalaan tukon TEMENENO Na Bonua. Yaku palaatikanggene, tukon yaku TEMENENO Na Bonua doo laango mototilan motalangio palosano TEMENENO nalubatan. Maka yaku balubanggon tukon sosuba,

⁵tukon TEMENENO bantil doi yaku, “He banggapi moakiyo kotakoso, palatikanggene kai mono-monondok oila komu kinita tukon komuilongol. Yaku naikon bontiikene doikoo saibino koparaturan tukon hukum tentang Ku Bonua nia. Sasatemokai mono-monondok inde-indee mopitaikon usok doi Ku Bonua tukon inde-inde komo lubat.

⁶Bantilemokai doi Israel miano moyase banggabut doo baikon Yaku, TEMENENO Moinakatandak Tuuno aki nayase koidan mosodiikene yanila mokubai lokis.

⁷Yanila lapamo kodikitio Daku Bonua, sabab daanon koinak tukon sauh sosubakon sinosubakon doi Yaku, yanila pataikene komian-mian molulubaton akiyon nasinunat usok doi lalomo, tukon moaki nataatiyo Yaku. Tukon yanila langgalemo Daku paladandian tukon yanila.

⁸Bolikon yanila susungo mokabaiyo koupacara moliyous doi Ku Bonua lalomo, baimokai mian-mian molulubaton yanila mosumboliyo balimang sulano nalakukene.

⁹Yaku, TEMENENO Moinakatandak Tuuno, popitoikene baikon mian molulubaton moaki nasinunat tukon mian moaki nataat doiya-Ku, aki naminolakon usuk doi Ku Bonua. Doiya teali koidan tuuk mian molulubaton modungol tataap doi bangsa Israel tanga-tangano.”

¹⁰TEMENENO bantil, “Yaku naikon hukume ko Lewi mianno mopolaing-laing tukon Israel mianno bailon, tinggalemo Yaku tukon sosubaiyo kopilogot.

¹¹Doi Ku Bonua lalomo, yanila tolongo moola leleaniyo yaku salaku mobalimang tukon padagai tataapon babasal. Yanila moola mokolot iyayon-iyayon tuuk sosubakon mosinua tukon mosinosubakon, tukon yanila sio natuuk sidutu leleaniyo ko umat.

¹²Bai sabab yanila lapamo lakukene upacara mososubakon doi pilogot tuuk bangsa Israel, tukon docaradoo tuwenge dobangsa doo doi lalim lalomo, maka Yaku TEMENENO Moinakatandak Tuuno, batotopi baikon yanila sio nainukum.

¹³Yanila aki namoola koidan meleleani Yaku salaku imam kabai mosinggil oila momolious doi Yaku, kabai mongusoki Tampat Mo Moliyous. Doiyamo koukuman tuuk kakabai-kakabai momadikit lapamo yanila lakukene.

¹⁴Diabudodoo yanila Kubeena limang sulano nalakukene kolimang mokasal mopalalu kinubai doi Ku Bonua.”

¹⁵TEMENENO Moinakatandak Tuuno bantil, “Doi tempodoo bangsa Israel tinggale Yaku, imam-imam Lewi luwedoi katulunan Zadok tataap satia meleleani Yaku doi Ku Bonua. Tobikon doiya yanilamo diabudodoo sio leleaniyo yaku tokon lubat doi Salaanggu sulano musosubakon inak tukon sauh luwedoi sosubakon-sosubakon.

¹⁶Tolongo yanila tolong momolah usok doi Ku Bonua leleaniyo Yaku doi Kubalabaang, tukon mokubaiyo kokaledaan doi Ku Bonua.

¹⁷ Doi tempo yanila mongusoki tataapon babasal mosasalane kobasalean lalomo, yanila sio namapake pakean lenan. Aki namoola yanila mapake pakean luwedoi wol kalu daano mobalimang doi basalen lalomo, kabai doi Ku Bonua lalomo.

¹⁸Sulano aki napintolon tukon lumboson yanila sio mapake saluan lenan akiyo kopokoot oako, tukon pokoot oluno luwedoi lenan.

¹⁹ Kalu yanila taus doi basalean tonggulungo, doiyaa ko umat napotongian, imam-imam doo sio liate yanila napakean dinas doi Kubonua kombiang-kombiangoo molious lalomo, maka mapake pakean bailon, sulano pakean biasadoo aki ko umat nasilaka.

²⁰ Sasaibino komian aki namoola yanila daluluwo kooluno kabai sodiiyomo konabuuk bulusan. Buuk doo sio napinatol palus mololoi atulan motinatapkanggon.

²¹ Yanila aki namoola monginum anggur kalu yase mousok doi basalean lalomo.

²² Saibino ko imam tolongo moola mokita boi-boine Israel modaano mongula kabai meeng ko imam baluno yanila aki namoola kilayo moluko mobinauntal.

²³ Saibino ko imam sio naotunggulikene doi ku umat sulano naposalahkene yaando komo inalaas daku umat tukon yaando komoaki, Yaando komo bilisii mololoi agama tukon yaando komomadikit.

²⁴Kalu sumbut koposalakonan palakala ukum, yanila sio naselesaikanggene mololoi tukon ko ukum-ukum. Yanila sio nalamekene kolamean-lamean agama, mololoi atulan-atulan tukon Kuukum-ukum tukon odotio kotadean salaku Ku umat naoloyo kusus.

²⁵ Meeng koimam aki namoola kodikitio kobutongo tukon singgile kobajan, kalukai tamano tinano bajano, napau, utuso mala-malane kabai utuso moluko moakiyon naosoan.

²⁶Lapamo yana bilisii koidan, yana sio namototiili pitu kooloyo koidan,

²⁷maka taus doi kubonua basaleano lalomo, tukon mososubakon sosubakon tuuk mobilisiio kobutongo sulano yana moola balimang koidan doi Ku Bonua. Yaku TEMENENO Moinakatandak Tuuno lapamo basilingan.

²⁸ Saibino komian matalima sambu imam doo salaku obos doi yanila luwedoi oila yaku bekene Israel naturun-temurun. Yanila aki namoola mangala oi-oila doi Israel: Yakumo yanila nabuat.

²⁹ Yanila sio tubo luwedoi mososubakonan gandum sosubakon moakienggene kolalim, tukon sosubakon posoboli rugi; tukon saibino kolobo molapamo inalas tuuk yaku, sio nabinekon doi yanila.

³⁰Saibino komian sio nabinee obos momonondok tuuno luwedoi saibino kohasil lupano tumbeno bapupuiyan, tukon luwedoi oila tolong mosinosubakon doiyaku. Samba lunggon kobangsa Israel nabonua-bonua.

³¹ Tomisi tukon iyayon-iyayon bailon momate susungo, kabai iyayon barani mosokuwo, saibino ko imam aki namola kaane.”