Read Banggai YEHESKIEL 48 Bible Online

YEHESKIEL 48 - Banggai bible

YEHESKIEL 48

¹Kallatano kobuta taikon doi lembet kokinobulusanno kotalise, tambun luwedoi Tobun Tanga tuduiyo kota Hetlon, loloon mousok ko Hamat, kota Hazal-Enan, polong doi pokallatannan antara kota Damsyik tukon kota Hamat. Bense-benseno motundunio suwe-suwele sio malaat meeng koobos luwedoi buta mobebelak luwedoi kallatan taikon talise motudoiyo kobalat polong doi Tobun Tanga kona ukulan buno naiya luwedoi lembet kolalong; Dan Asyer Naftali Manasye Efraim Ruben Yehuda

⁸Obosan koidan luwedoi buta doo sio nainalaasanggon sulano napinake tangalasan kona kobulus sio songulo lua sembeleng kokilometer luwedoi kallatan lembet polong doi lalom Kallatan-kallatan tolopot tukon talise sio napokakana kona kobulus tukon obos-oboso mobineekon doi Israel bense-benseno. TEMENENO Na Bonua naikon kinokondong doi sembeleng doo.

⁹Songobos luwedoi lipu doo inalasanggon tuuk TEMENENO, doiyamo meeng kobuta taikon doi tangano, nakobulus songulo lua sembeleng kolimeter tukon nakebelak songulo kokilometer.

¹⁰Taikon doi tanga buta doo naikon kinokondong, ko TEMENENO Na Bonua. Saibino ko imam sio namalat obos luwedoi lipudoo mo momoliyous. Yanila naobos 12.5 kilometer dari sisi tolopot kotolise, tukon 5 kilometer luwedoi sisi lembet ko lalom.

¹¹Lipu motangalasoo naikon teali imam-imam katulunan Zadok molole tukon aki nabuno Lewi mianno momeeng kobenseno tukon yanila, motulut mokubai lalim polaing tukon Israel mianno-mianno bailonggon.

¹²Tobikon doiya Zadok nakatuluan doo sio nabinekon buta moinalaas doi buta doo bibilo buta naikon mobineekon doi Lewi mianno. Tukon buta naikon mobineekon doi Lewi mianno. Tukon buta tangalas doo molious tuuno.

¹³Lewi miano-miano nabuta doo nakobulus songulo lua sembeleng kilometer luwedoi tolopot kotalise, tukon nakebelak lima kilometer luwedoi lembet ko lalom tukon natobinggakonan potimbang tukon saibino koimam nabuta.

¹⁴Songgotubo kai luwedoi butadoo yanila aki namoola balukene kabai yanila monggisobolikene; taikon momonondok tuuno luwedoi Israel aki namoola biniyol doi mian bailon limano, sabab buta doo lapamo inalaas tuuk TEMENENO tukon tealimo koona.

¹⁵Taikon doi lalom luwedoi buta inalaas, daano kolabino nakobolus songulo lua sembeleng kilometer, tukon kona kebelak lua sembeleng kilo meter. Obosanno doiya aki namolious tukon moola rayat napakeyo sulano tampat dungolan tukon tuuk limbut padang, tambikon doi tangaano sio nabinangun meeng kokota.

¹⁶Kota doo sio kona bentuk sangkap kopasuno, samba kobibilo kona ukulan lua sepelempat kilometer.

¹⁷Potikunggon posaapon kota doo sio daano kotanalapang mosuwe-suwele kona ukulan lima lunggon nalua sembeleng kilometer. Lua kotana lapang mobebelak sakat luakolono lima kometer.

¹⁸Doi tolopot sembeleng tukon doi talise kota doo daanon konatalapang mosuwe-suwele kona ukulan lima lunggon nalua sembeleng kilometer. Lua kotanalapang doo sio modungoliyo kota doo napakeyo buta palatanian.

¹⁹Mian-mian luwedoi sasaibino benseno momodungoliyo kota doo moola namalimang buta doo.

²⁰Jadi, posaapon lipu doo, tongusokon buta moinalas tukon buta tuuk kota, kona bentu sangkap kosapuno kona ukulan songulo lua sembeleng kilometer doi samba kobibilo.

²¹Buta taikon doi talise tukon doi tolopot luwedoi lipu moinalas sinadiakon tuuk TEMENENO Na Bonua, saibino koimam. Lewi mianno tukon kota doo, daanon tuuk mobalakuasa maparentah. Buta doo taikon doi tolopot bebelak polong doi kallatan taikon tolopot, tukon taikon doi talise polong doi Tobun Tanga, tukon tobinggakon doi antara Yehuda nabuta tukon Benyamin nabuta.

²³Buta doo taikon doi lalom luwedoi lipu moinalaas, daanon motuuk doi bense benseno bailon. Buta doo manas tambuno luwedoi kallatan tolopot natujuiyo doi talise polong doi Tobun Tanga, tukon inobos mololoi nasusunan nialuwedoi lembet kolalong: Benyamin Simeon Isakhar Zebulon Gad

²⁸Gad nabuta taikon doi lalom talaat kokallatan motambun luwedoi talise daya Tamar alo doi paisu matano Kades-Meriba, maka natujuiyo doi talise tobun kallatan Mesir nakobulus polong doi Tobun Tanga.

²⁹TEMENENO Moinakatandak Tuuno bantil, “Bunomokai buta doo sio nainobos-obos doi Israel bense-benseno.”

³⁰ Tataapon usokan doi kota Yerusalem saibino daano kosongulo lua. Kosanggapo kona betong suwe-suwele kona ukulan lua perempat kilometer, tukon daanon kotolu kotataapon. Samba-samba kotataapon sinumbuikon mololoi sambu doi meeng ko Israel benseno. Tataapon-tataapon taikon doi lembet sinumbuikon Ruben, Yehuda tukon Lewi; tataapon-tataapono taikon doi tolopot sinumbuikene Yusuf, Benyamin, tukon Dan; modaano taikon lalom beton talaat kosambu-sambu Simeon Isakhar tukon Zebulon; baimokai doi beton taikon talise binee sambu Gad, Asyer tukon Naftali.

³⁵Posaapon kobeton doo kona kobulus sio kokilometer. Tukon tambun nasaatia mian mosumbuikene kota doo: “TEMENENO DANOON IDOO!”