Read Banggai YEHESKIEL 7 Bible Online

YEHESKIEL 7 - Banggai bible

YEHESKIEL 7

¹TEMENENO basilingan doi yaku,

²“He banggapi moakiyo kotakoso, Yaku, TEMENENO Moinakatandak Tuuno, tukon bantile naia doi tano Israel: Naiamo napupusan kosalitano posaapon nalipu nia!”

³TEMENENO bantil, “He Israel, diabudodoo komunopusian lubato. Ikoo naikon lasakanggene Kunggimalan. Kuadiliyo Ikoo pokonoi tukon mukokubai mo minisikiton.

⁴Yaku aki naikon seseange kai beena ampun doikoo. Yaku naikon ukume ikoo pokonoi tukon sasaibino komo minosikiton molapamo ikoo kubaiyo. Maka ikoo toiyomokai baikon Yakumokai ko TEMENENO.”

⁵Naiamokai komo binantil TEMENENO Moinakatandak Tuuno doi bangsa Israel, “Silakaan tolongo silakaan mo silakaiyo komuyu.

⁶Diabudodoo kabuso sasaibino. Naiamokai komudumbakan. Akiyono komoinian koidan tuuk ikoo.

⁷Saibino kabuso tuuk doikoo doi bangsa modungol doi tano nia. Diabudodoo akiyono koidan kolamean-lamean balabang-balabang doi bunggukon, modaano tolongokai nggabutan tolong.

⁸Aki namalumbit koidan komuyu naikon lasakanggene Kunggimalan tuuno. Kuadiliyo komuyu pokonoi tukon mukakabai. Naikon Kubalase doikoo saibino mukakabai molokis.

⁹Yaku akiyo kopomasikonan kai beena ampun doikoo. Yaku naikon ukume komuyu pokonoi tukon samba komo minosikiton komuyu molapamo kubaiyo. Maka komuyu toiyomokai baikon Yakumokai ko TEMENENO tukon Yakumokai mo ukume komuyu.”

¹⁰Oloyo silakaan tuuk bangsa Israel lubato. Komotikasan sasabukono. Kobabanggalan latemo kona dumbakan.

¹¹Konggimalan lalaso badaang tuuno kokulokisan. Saibino kokaasan, nabadaangan yanila tukon nakasanangan naikon kabus akiyo konabakaas.

¹²Kotempono mosobit lubat, oloyono lolanimo! Momongoli tukon momabalukon aki namalaat untung oi-oila, sabab Mian Bisa nahukuman naikon kanakon saibino komian.

¹³Akiyo kopadagang naikon mosampat malaat koidan oila molapamo binalukon, sabab Mian Bisa nanggimalan indee komo kanakon. Mian mokulokis aki nasalamat.

¹⁴Trompet bulungan tukon saibino komian basa-basadia, Bai akiyo komeeng komian kai motaus doi polobosian lalomo, sabab Mian Bisa nggimal kanakon saibino komian.

¹⁵Doi loloon-loloon kota daano kopolobosian, doi bonua-bonua daano kopanakit mobiol-biol tukon malaalan. Indee kai modaano doi kota tonggulungo naikon mate doi polobosian lalomo; tukon modungol doi kota naikon teali silaka panakit tukon malalaan.

¹⁶Soobos naikon lolos tukon dambasene kobutongo doi bunggukon. Idoo yanila naikon buno tomisi-tomisi pauno mosiniika luwedoi pepelakon-pepelakon; saibino naikon sakisaa sabab yanila nalalim-lalim.

¹⁷Samba komian naikon teali miuk kolimano tukon unggot kobutongo.

¹⁸Yanila naikon mapake karung toiko tukon saibino kobutongo naikon mbombokon. Yanila oluno naikon dinallu tukon yanila inokimaa.

¹⁹Mosoni tukon salaka yanila naikon sakukene doi loloon buno limbut, sabab doi TEMENENO naoloyo tobuatenemo Kona nggimalan, mosoni tukon salaka doo aki namoola salamatene yanila, tolongo lapa yanila inusokon doi lalim-lalomo. Yanila aki namoola gunakanggene tuuk nabiaikanano namomotan kai tuuk yanila mototuiyo kotiano.

²⁰Looluk yanila sanang naikon yanila namutiala mo monondok, bai sabab yanila napakeano tuuk mokubai pilogot-pilogot mo minatakuton, TEMENENO kubaiyo yanila nabuat doo teali meeng kolobo mominatakuton.

²¹TEMENENO bantil doi bangsa Israel, “Yaku naikon sodiikene komian-mian mo lulubaton molampeke komuyu. Mian molokis-lokis naikon lampase komubuat tukon kodikitio.

²²Yaku aki naikon motombonii kalu Ku Bonua minanas tukon parampok-parampok mokodikitio.

²³Posaapon kotano teali nggabut; doi yayaa daano komo mangakate tukon ponggimakonan.

²⁴Bangsa-bangsa komo todudul nggimolon tuuno naikon Kulubatene tuuk modungoliyo mu bonua-bonua. Mutalenga-talenga mo barani tuuno naikon mbombokon kalukai bangsa-bangsa doo Kusodiikene momanase tampat-tampat mukaledaan.

²⁵Yanila kanakon susaan tukon manasakene, maka unggoliyo kopaladamean, bai yanila aki naposunggene.

²⁶Kosilakaan tukon bilita mokulokis naikon lubat sidutu-posidutukon. Komuyu naikon kabiyo sulano saibino konabii yase molamale, bai yanila aki namoola. Koidan saibino ko imam akiyo konainabos oi-oila tuuk inotunggulikon doi mian tukon saibino kokatua kabuso kona otinau.

²⁷Tomundo naikon mandaung, Tomundo namalane manasal tukon rayat naikon mbombokon matakut. Yaku naikon ukume komuyu pokonoi tukon saibino mukakabai tukon ukume komian bailon. Maka toiyomokai komuyu baikon Yakumokai ko TEMENENO.”