Read Banggai HOSEA 8 Bible Online

HOSEA 8 - Banggai bible

HOSEA 8

¹TEMENENO bantile, “Batenge kopalosan silakaan! Komusuh lobosiomo Daku tano pokakana kotomisi alai neosaku tomisi bailonggon! Daku umat lumbaiyomo Daku perjanjian tukon yanila, tukon lawanemo Daku otunggul.

²Maukai yanila bantile Yaku yanila na Mian Bisa, tukon bantile baikon yanila daano Kuumat motingonio Yaku,

³bai yanila aki naiyase matalima oila komonondok. Tobikon doiya yanila naikon napo musuh-musuh lelenggene.

⁴Daku umat mopili tomundo baiaki namasadai doi Yaku. Akiyoo kusetujuiyo bai yanila mongodudukan katua. Yanila mangala mosoni tukon suasa maka napoo mokubai pilogot timbalango koakibato yanila teali rusak.

⁵Yaku mosikitene kokota Samaria miano mososubaiyo kosapi mokinubai luwedoi mosoni. Yaku ngimal tuuno doi yanila. Sampe oila kotempono maka napo tade mosubaiyo kopilogot?

⁶Dosapidoo moluwedoi mosoni mosinosubai doi Samariadoo doiya komo kubaiyo tukang-tukang doi Israel! Doiya bolikon Mian Bisa, tobikon sio naminanas!

⁷Dakuumat motipas momboal maka yanila naikon bapupui sokoi! Konapo asi gandum aki nakuning, tandano akiyo kohasilo mokinubai tarigu sulano nakinaan. Bai kalu doasidoo kuning koidan, maka dogandumoo bangsa-bangsa bailon komo akabuse.

⁸Buno tobunan momapasa, bunolakon ko Israel akiono koalatino koidan tukon tealikenemo bangsa mobiasa buno bangsa-bangsa bailon.

⁹Buno kaladai mbosolo mobanggabut, bunomodoiya ko Israel mian-miano mololoiyo kona kamauan susuungo. Yanila moumbolio potombonii luwedoi Asyur, tukon mongoli posobatan bangsa-bangsa bailon.

¹⁰Mau nabunodoiya Yaku naikon pototongikene tukon ukume yanila. Aki namalumbit koidan yanila tomundo Asyur sakiisaiyo.

¹¹Polokon badaang kobalabaan Israel miano mobangune sulano nahapuse kolalim; pollokon badaang koidan kotampat motuuk napo mokubaian lalim!

¹²Badaang Daku otunggul tinulis doi yanila bai sasaibino doiya yanila tolayo sabab anggene akiyo kosangkutan tukon yanila.

¹³Yanila yase mososubakon sosubakon doi Yaku, tukon makaan dosailoo sosubakon, bai Yaku TEMENENO aki Kusanaang tukon dososubakon-sosubakonnoo. Diabudodoo Yaku naikon neneeke yanila lalim tukon kilime yanila abali doi Mesir!

¹⁴Israel mianno bangune kokamali-kamali, bai yanila toliminggene komo pasitakayo yanila. Yehuda mianno bangune kota-kota modaano kobenteng, bai Yaku naikon lebesenggene koaung sulano nasuayo kabus kokamali-kamali tukon konapo kota-kota.”