Read Banggai AMOS 6 Bible Online

AMOS 6 - Banggai bible

AMOS 6

¹Silakamo komuyu motubo monondok doi Sion, tukon komuyu morasayo aman doi Samaria — komuyu he tua-tua masarakat bangsa Israel momutamakanggon, komuyu mobiasa korayat lubotiiyo sulano namakabi tulung!

²Tauso kitayo doi Kalne, maka ampakano banggadudul doi kota Hamat mobabasal, doibundu kota Gad doi Filistin. Musangkaano kota-kota doo lobian monondok luwedoi batomundoan Yehuda tukon Israel?

³Komuyu bilisii tuuno baikon kooloyo mokulokis daanon modoon, bai dopokokubai-kokubai tolongo kosobite kooloyo mokulokisoo nalubatan.

⁴Silakamo komuyu mo baubanggon doi koi bunggono momonondok tukon balamean makaan sapi sailo tukon domba momongula!

⁵Komuyu sanaang momakarang nyanyian, buno Daud nalinakukon, tukon komuyu maenggene kolagu-lagu tukon kecapi.

⁶Komuyu monginum anggur doi galas mobinotuni moono, tukon komuyu mapake likison babangi momonondok, bai konoamiyu aki nasusa ko Israel naminanasan.

⁷Tobikon doiya komuyumo naikon komoinakut tumbe-tumbeno doi masakukonan. Kalamean-lamean tukon kokaanan maka inuman naikon pupuso.

⁸Tukon tagaas TEMENENO Mian Bisa Mobabasal Konakuasa tukon Moinakatandak Tuuno lapamo beena napoingoti nia, “Yaku mosikitene naikon ko umat Israel nababanggaalan; Yaku aki kusanaanggene tukon yanila nakamali-kamali momonondok. Yanila nakota babasal tukon saibino modaano doi lalomodoo naikon Kusalakanggene doi musuh.”

⁹Kalu kai daano kosongulo komian mosapit doi meeng kobonua lalomo, yanila naikon mate koidan.

¹⁰Meeng koanggota kaluarga mobatugas uruse konapokuburan, naikon lubat babayo konasobat bajano mosuwal. Yana naikon masadai doi mian modaano taikon doi bonuadoo tonggulungo, “Oilakai daanon komotubu sangalaasan Ikoo?” Maka naikon longol kopatimbili, “Akiyono!” Doanggota keluargadoo motadine domayatoo yanila bantile, “Inaimo mobasilingan koidan! Kita aki ndamoola bantile ko TEMENENO sambuno.”

¹¹Kalu kai TEMENENO beena parentah, kobonua-bonua babasal popoisik naikon minanas.

¹²Moolakai koadalan obulen doi bunggul batu? Biasakai komian baroda doi tobun? Bai komuyu lapamo pasekene kokaadilan teali racun momangakate tukon mobisa teali komosala.

¹³Komuyu babanggaal sabab komuyu lapamo lungguiyo Lodebar. Komuyu koidan bantile, “Ikami sukupo komai bukuanan morebute ko Karnaim”.

¹⁴TEMENENO Moinakatandak Tuuno tukon Mobabasal Konakuasa susungo bantile, “Umat Israel, Yaku naikon kirime suludadu moluwedoi meeng kobangsa molulubaton sulano nalobosio komutano. Yanila naikon pipiike komuyu luwedoi loloon ko Hamat doi lembet polong doi lalom Araba Pepelakono.”