Read Banggai YUNUS 3 Bible Online

YUNUS 3 - Banggai bible

YUNUS 3

¹Tuuk koluano lunggon TEMENENO basilingan doi Yunus.

²Nabantilan, “Tausokai doi Niniwe dokotadoo mobabasal, tukon pelenggenekai doi narayat, koteteba Yaku beekene doi-Koo.”

³Maka Yunus taatio ko TEMENENO tukon taus doi Niniwe, meeng kokota mobabasal tuuno; tobikon pinalalakukon sio natolu kooloyo tuuk mopintosiyo.

⁴ Yunus usokiyo dokotadoo tukon lapa ampakon posopokon kooloyo, yana tambuno mongotunggul, konabantilano, “Sangkap kolo kooloyo koidan, Niniwe naikon minanaso!”

⁵Ko Niniwe miano maanggamo do Mian Bisa doo nateteba. Saibino korayat putusemo sulano napobapuasa, tukon saibino komian, mau mobabasal maukai mopopoisik, mapake toik karung tuuk motudoikene baikon yanila sesaliyo konapo nalalim-lalim.

⁶Salataa tomundo Niniwe ndongoliiyo dobilita doo, yana sosinggot loboson luwe doi nakadela batomundoan. Yana bukayomo konajubah batomundoan tukon mapakemo toik karung, maka osulango yana doi abu bunggono.

⁷Yana koidan longolikenemo kona pinopitoikon nia, “Parentah nia kinubai doi Niniwe luwedoi tomundo nakaputusan tukon sasaibino ko menteri, saibino komian, sapi, domba tukon iyayon bailonggon mopiniala, pinantan mokaan tukon monginum.

⁸Kobanggapi tukon iyayon sio namapake toik karung. Bunokai palosan saibino komian napenyesalan tukon sio nasambeang tutuu doi Mian Bisa. Yanila sio naboliiyo konapo ndondoong molokis tukon nakakabai mo mono lalim.

⁹Tadubaanggon ko Mian Bisa naikon boliiyo Kona tetel tukon aki nanggimal koidan sampe kita aki teali silaka!”

¹⁰Mian Bisa kitayo yanila nakakabai; Yana kitayo baikon yanila lapamo tinggale kona kakabai molokis. Maka Yana boliyo Kona kaputusan tukon akimo teali ukume yanila.