Read Banggai YUNUS 4 Bible Online

YUNUS 4 - Banggai bible

YUNUS 4

¹Yunus aki nasanaang tuuno tukon dolanggedoo; yana pololokon teali nggimal.

² Maka yana sambeang, “Oh TEMENENO, baanggokai aki nalapamo yaku bantile akiyoon kuluwedoi kubonua, baikon Ikoo kubaiyomo buno naiya? Doiyamo kona sabab yaku langsung dambasene kobutonggu doi Spanyol? Yaku toiyo baikon Ikoo Mian Bisa moseange tukon pomasikon, Ikoo sabar, monondok konoano, tukon biasa Ikoo boliiyo Komu rencana momongukum.

³ Diabudodoo, oh TEMENENO, sodiiyomo yaku mate tolong, sabab lobian komomonondok yaku mate luwedoi tuboan.”

⁴TEMENENO timbiliyo, “Ikoo akiyono komu alasan moteali nggimal bunodoiya.”

⁵Salataa lapa doiya yana tauso taikon tolopot doi kotadoo, maka naosulang idoo. Yana mokubai meeng kosandung tukon soop doi lalomo, tukon montotiili oila naikon komoteali doi kota Niniwe.

⁶Maka TEMENENO Mian Bisa otuboiyo komeeng katumbuhan molanda mobeena soopan doi Yunus maka narasayo sanaang. Tukon dotumbuhanoo kubaiyo Yunus sanaang tuuno.

⁷Bai modoakon doi tempo dowa-dowa ko Mian Bisa mokubai meeng konggala-nggala mopatoliyo dotumbuhanoo anggolo, tobikon teali moloyu.

⁸Sambuno lapa kooloyo sumbut, Mian Bisa lubatene komombuul moonas mopuul luwedoi tolopot. Yunus kabi napadut sabab kanakon oloyo panano momoanas tuuno doi oluno. Yana teali manasal tukon yase mate. Bantile, “Tadukai yaku mate tolong luwedoi tuboan!”

⁹Bai Mian Bisa bantile doi yana, “Ikoo aki napatut mosusa sebab dotumbuhanoo!” Yunus timbiliyo, “Bulaando moaki? Kona moolan yaku teali nggimal tuuno polong mate.”

¹⁰Maka TEMENENO bantil doiyana, “Natumbuhan nia tubo doi meeng kopopook lalomo tolong, tukon yana moloyu doi oloyo molubat; ikoo akikai muotuboiyo kai mupialayo. Maukai bunodoiya ikoo rasayo sedih sabab yana moloyu.

¹¹Bai Yaku susa tuuno mopikikene ko Niniwe, dokotadoo mobabasal. Sabab sangalaasan konaiyayon-iyayon moaki natangitoo, idoo talaat koidan lobian luwedoi sakat luakolono kololoon kopau moakiyoon namoola bedakene oila komonondok tukon oila komo kulokis.”