Read Banggai BANGAITAN 2 Bible Online

BANGAITAN 2 - Banggai bible

BANGAITAN 2

¹Ko TEMENENO bantile doi Musa tukon Harun:

²“Doi tempo ko Israel miano nakokondongano kobasandungan, sasamba komian sio nabasandung doi potikunggon konabandera pomeenggonan tukon napuli susuungo. Sasaibino kobasandungan sio nakinokondong doi potikunggon Daku Sandung, bai adukon dodoon soisik luwedoi yana.”

³Taalikon doi tolopot, kosuludadu mosoop doi Yehuda nabandera pomeenggonan sio nabasandung mololoi napasukan tukon nakatua suwe-suwele doi nasinusunan nia lalomo: [BENSENO] — [KATUA] — [KOMIAN AITO] Yehuda — Nahason Aminadab napau — 74.600 Iskahar — Nataneel Zuar napau — 54.400 Zebulon — Eliab Helon napau — 57.400 Sasaibino: — 186.400 Yehuda nasuludadu sio nalengget loolukon.

¹⁰Taalikon doi lalom, kosuludadu mosoop doi Ruben nabandera pomeenggon suukano, sio nabasandung mololoi pasukan tukon nakatua suwe-suwele doi susunan nia lalomo: [BENSENO] — [KATUA] — [KOMIAN AITO] Ruben — Elizur Syedeur napau — 46.500 Simeon — Selumiel Zurisyadai napau — 59.300 Gad — Elyasaf Rehuel napau — 45.650 Sasaibino: — 151.450 Ruben nasuludadu komo nalengget salaku koluano.

¹⁷Sambuno lapa doiya, doi tanga-tanga sasaibino kosuludadu Israel, Lewi nabenseno ambakon tukon tanggunge ko TEMENENO Na Sandung. Pokakana yanila basandung, bunomo koidan yanila ambakon, suwe-suwele doi natampat pokakana konapo bande-bandera.

¹⁸Doi taalikon kolembet, kosuludadu mosoop doi Efraim nabandera pomenggonan adeno sio nabasandung mololoi pasukan tukon katua suwe-suwele doi susunan nia lalomo: [BENSENO] — [KATUA] — [KOMIAN AITO] Efraim — Elisama Amihud napau — 40.500 Manasye — Gamaliel Padazur napau — 32.200 Benyamin — Abidan Gideoni napau — 35.400 Sasaibino: — 108.100 Efraim nasuludadu sio naambakon doi Lewi nabenseno tonggulungo.

²⁵Doi taalikon kolembet, ko suludadu mosoop doi Dan nabandera pomeenggonan adeno sio nabasandung mololoi pasukan tukon nakatua suwe-suwele doi susunan nia lalomo: [BENSENO] — [KATUA] — [KOMIAN AITO] Dan — Ahiezer Amisyadai napau — 62.700 Asyer — Pagiel Okhran napau — 41.500 Naftali — Ahira Enan napau — 53.400 Sasaibino: — 157.600 Dan nasuludadu komo lengget doi bundu.

³²Ko Israel miano aito mo totulis doi pomenggonan-pomenggonan lalomo mololoi napasukan suwe-suwele, doiyamo 603.550 komian.

³³Pokakana ko TEMENENO na pinarentakon doi Musa. Ko Lewi miano aki natinulis pososinggat tukon ko Israel miano bailonggon.

³⁴Ko Israel miano lakukene sasaibino ko TEMENENO napinarentakon doi Musa. Suwe-suwele kosandung doi potikunggon kona bandera kona susungo, tukon lengget mololoi napuli tukon nakaluargaa.