Read Banggai BANGAITAN 29 Bible Online

BANGAITAN 29 - Banggai bible

BANGAITAN 29

¹Doi tanggal komengo bituwon kopituno sio pomokubai pososuungan tuuk pobakaleda, tukon aki namoola polakukanggene kolimang momotoong. Doi oloyodoo kotorompet-torompet sio napinuuk.

²Pososubakene doi TEMENENO kososuba mosinua buno meeng kosapi langgilo momongula, meeng kodomba langgilo, tukon pitu kodomba napau langgilo konaumur meeng kotaun, suwe-suwele moakiyo konasesel. Dososubadoo koboono sanaanggene ko TEMENENO noano.

³Pososubakenemo koidan kososubakon mokinaan mo sio nadinaanokon, buno tarigu mosinambul zaitun lisisono: tolu kilogram tuuk doi sapi langgilo, lua kilogram tuuk doi domba langgilo,

⁴tukon meeng kokilogram tuuk doi meeng ko domba napau.

⁵Pososubakenemo koidan komeeng kombembe langgilo tuuk sosuba poompuni lalim. Tukon dokokubaidoo komuyu lakukenemo kobakolobokian bangapusan mian nalalim.

⁶Dososubakon-sosubakonoo bunopokakana posuungi doi sosuba mosinua mosinosubakon posinggat-singgat tukon nasosubakon mokinaan, doi tanggal komengo sasamba kobituwon. Koidan bunopokakana posuungi doi sosubakon mosinua doi oloyo-oloyo mobiasa mosinosubakon posinggat-singgat tukon sosubakon tukon sosuba naanggur paisuno. Dososubakonoo koboono sanaanggene ko TEMENENO noano.

⁷ Doi tanggal kosongulono bituwon kopituno komuyu sio pomakabai pososuungan tuuk pobakaleda. Doi oloyodoo komuyu sio popuasa tukon aki namoola pobalimang.

⁸Pososubakenemo doi TEMENENO kososubakon mosinua buno meeng kosapi momongula, meeng kodomba langgilo tukon pitu kodomba napau langgilo konaumur meeng kotaun, memeeng akiyo kona sesel. Dososubadoo boono sanaanggene ko TEMENENO noano.

⁹Pososubakenemo kososubakon mokinaan mosio podaanekene, buno tarigu mosinambul zaitun lisisono: tolu kilogram tuuk doi sapi langgilo, luwa kokilogram tuuk doi domba langgilo,

¹⁰tukon meeng kokilogram tuuk memeeng kodomba napau.

¹¹Pososubakenemo koidan komeeng kombembe langgilo tuuk doi bakolobokiyan nainampunian komian nalalim, sangalaasan kososubakon baampunian lalim tukon sosuba mo sinua doi oloyo-oloyo biasa polaing tukon sosubakon mokinaan tukon sosubakon naanggur paisuno mosinosubakon doi oloyodoo.

¹² Doi tanggal kosongulono lima bituwon kopituno komuyu sio pomakabai pososuungan tuuk pokaleda, tukon aki namoola polakukanggene kolimang momotoong. Pitu kooloyo kona kalumbit komuyu sio pomakabai lamean tuuk odotiiyano ko TEMENENO.

¹³Doi oloyo komeengo pososubakenemo doi TEMENENO kososubakon mosinua buno songulo tolu kosapi langgilo momongula, lua kodomba langgilo momongula, tukon songulo sangkap kodomba napau langgilo konaumur meeng kotaun, suwe-suwele mo akiyo kona sesel. Dososubadoo boono sanaanggene ko TEMENENO noano.

¹⁴Pososubakenemo koidan kososuba mokinaan mosio buno tarigu mosinambul zaitun lisisono: tolu kilogram tuuk doi memeeng kosapi langgilo, lua kokilogram tuuk doi memeeng kodomba langgilo,

¹⁵tukon meeng kokilogram tuuk sasamba kodomba napau. Posinggat-singgat tukon dososubakon mokinaanoo sio nasinosubakon koidan kososubakon anggur paisuno mo pinalaluukon.

¹⁶Sangalasaan doiya pososubakenemo koidan komeeng kombembe langgilo tuuk sosubakon doi baampunian lalim. Dososubadoo bunopokakana posuungi sosuba mosinua doi oloyo-oloyo mo biasa polaing tukon sosuba mokinaan tukon sosuba naanggur paisuno.

¹⁷Doi oloyo koluano pososubakenemo kosongulo lua kosapi langgilo momongula, lua kodomba langgilo, tukon songulo sangkap kodomba napau langgilo kona umur meeng kotaun, suwe-suwele moakiyo kona sesel.

¹⁸Pososubakenemo posinggat-singgat tukon doiya sasaibino kososubakon-sosubakon bailon pokakana komo pinalaluukon tuuk doi oloyo komeengo.

²⁰Doi oloyo kotoluno pososubakenemo kosongulo meeng kosapi langgilo momongula, lua kodomba langgilo, tukon songulo sangkap kodomba napau langgilo konaumur suwe-suwele meeng kotaun, suwe-suwele akiyo kona sesel.

²¹Pososubakenemo posinggat-singgat tukon doiya sasaibino kososubakon-sosubakon bailon pokakana komo pinalaluukon tuuk doi oloyo komeengo.

²³Doi oloyo kosanggapo pososubakenemo kosongulo kosapi langgilo momongula, lua kodomba langgilo, tukon songulo sangkap kodomba napau langgilo konaumur meeng kotaun, suwe-suwele moakiyo kona sesel.

²⁴Posinggat-singgat tukon doiya pososubakenemo koidan sasaibino kososubakon-sosubakon bailon pokakana komo pinalaluukon tuuk doi oloyo komeengo.

²⁶Doi oloyo kolimano pososubakenemo kosio kosapi langgilo momongula lua kodomba langgilo, tukon songulo sangkap kodomba napau langgilo konaumur suwe-suwele meeng kotaun, suwe-suwele moakiyo kona sesel.

²⁷Posinggat-singgat tukon doiya pososubakenemo koidan sasaibino kososubakon-sosubakon bailon pokakana komo pinalaluukon tuuk doi oloyo komeengo.

²⁹Doi oloyo konoomo pososubakenemo koalu kosapi langgilo momongula, lua kodomba langgilo, songulo sangkap kodomba napau langgilo konaumur meeng kotaun, suwe-suwele akiyo kona sesel.

³⁰Posinggat-singgat tukon doiya pososubakenemo koidan sasaibino kososubakon-sosubakon pokakana komo pinalaluukon doi oloyo komeengo.

³²Doi oloyo kopituno pososubakenemo kopitu kosapi langgilo momongula, lua kodomba langgilo, songulo sangkap kodomba pauno langgilo konaumur meeng kotaun, suwe-suwele akiyo kona sesel.

³³Posinggat-singgat tukon doiya pososubakenemo koidan sasaibino kososubakon-sosubakon bailon pokakana komo pinalaluukon tuuk doi oloyo komeengo.

³⁵Doi oloyo koaluno komuyu sio pomakabai pososuungan tuuk pobakaledaan tukon aki namoola polakukanggene kolimang momotoong.

³⁶Pososubakenemo doi TEMENENO kososubakon mosinua buno meeng kosapi langgilo momongula, meeng kodomba langgilo, tukon pitu kodomba napau langgilo konaumur meeng kotaun, suwe-suwele akiyo kona sesel. Sosubadoo koboono sanaanggene ko TEMENENO noano.

³⁷Posinggat-singgat tukon doiya pososubakenemo koidan sasaibino kososubakon-sosubakon bailon pokakana komo pinalaluukon doi oloyo komeengo.

³⁹Doiyamo koaturan-aturan tentang sosubakon mosinua, sosuba mokinaan, sosubakon anggur paisuno, tukon sosubakon podamean sio pososubakene doi TEMENENO doi mu lamean-lamean motinantukon. Dososubakon-sosubakonoo bunopokakana posuungi doi sosubakon-sosubakon komuyu mososubakene tuuk popebeal niat kai sosubakon mobiasa.

⁴⁰Musa pelenggene doi bangsa Israel sasaibino kolangge TEMENENO moparentakene doi yana.