Read Banggai BANGAITAN 30 Bible Online

BANGAITAN 30 - Banggai bible

BANGAITAN 30

¹Musa beekene naiya aturan-aturan nia doi sasaibino kokatua-katua mokatuaiyo kobangsa Israel bense-benseno.

² Kalu komeeng komala-malane mobaniat kai mabantil dandi tukon batotopi doi TEMENENO, sampe yana boboiyo kobutongo doi meeng kodandi, yana sio nalakukanggene oilamo konadinandikon, tukon aki namoola akiyenggene konabantilan.

³Kalu baikon meeng kopau boine mo dungol doi tamano nabonua baniat doi TEMENENO, tukon boboiyo kobutongo doi meeng kodandi, tukon kotamano aki nakabalatan doi tempo nalongolano dolanggedoo, maka dopauboinedoo sio natapaatiyo sasaibino koniat tukon donadandidoo.

⁵Bai kalu doi tempo nalongolano dolanggedoo kotamano kabalatano, maka dopau boinedoo aki natoboboi doi niat tukon najanji. TEMENENO naikon ompuniyo yana, sabab kotamano patane yana.

⁶Kalu daano komeeng koboine mo akiyoon naosoowaan yana baniat kai boboikene kobutongo doi meeng kodandi, kai tukon pinotiimbongiikon loolukon kai tongo buno doiya tolong, maka yana toboboi mo doi naniatoo kai dandidoo. Kalu oloyo doi bundu yana osowaan, yana tataap tokooton doi naniat tukon donadandidoo, asal kona langkai aki nakabalatan doi tempo nandongoliiyano dolanggedoo.

⁸Bai kalu kona langkai doi tempo nandongoliiyano pantane yana, maka yana aki natokooton doi naniat tukon doi najanjidoo. TEMENENO naikon ompuniyo yana.

⁹Kalu daano komeeng kobalu kai boine molapamo binauntal yana baniat kai janji mo keete ko butongo, yana tokooton doi naniat kai donajanji tukon sio natapaatiyo.

¹⁰Kalu daano komeeng koboine molapamo osowaan mangkabai niat kai dandi mo keete kobutongo,

¹¹yana sio natapaatiyo sasaibino kona dinandikonoo, asal kona langkai aki nakabalatan doi tempo nandongoliiyano dolanggedoo.

¹²Bai kalu doi tempo nandongoliiyano dolanggedoo kona langkai pantame yana maka boinedoo akimo natokooton koidan doi naniat kai najanji. TEMENENO naikon ompuniyo yana, sabab nalangkai pantane.

¹³Langkai daano kona hal tuuk loingikene kai akiyonggene sasamba koniat kai dandi naboloki mokabaiyo.

¹⁴Bai kalu doi tempo ndongoliiyo dolanggedoo kona langkai aki nakabalatan, boinedoo sio natapaatiyo sasaibino kona niat kai najanji. Kona langkai setujuiyo doniatoo kai dodandidoo sabab yana aki nakabalatan doi tempo na longolano.

¹⁵Kalu oloyo doi bundu donalangkai batalkanggene koniat kai naboloki najanji maka doiya nalangkai komo sio natanggunge kobaluno na bangakiyonggon niat kai janji.

¹⁶Doiyamo koaturan-aturan TEMENENO mo beekene doi Musa tentang niat tukon dandi mo kinabai luwedoi meeng kopauboine mo dungol doi tamano nabonua, kai luwedoi meeng koboine moosowaano.