Read Banggai BANGAITAN 34 Bible Online

BANGAITAN 34 - Banggai bible

BANGAITAN 34

¹TEMENENO beekene doi Musa

²naparentah-parentah nia tuuk doi bangsa Israel, “Naapadoiya koidan komuyu usoko doi lipu Kanaan, lipu yaku mo beekenemo doi komuyu salaku buta pusaka. Naiyamo domulipudoo batas-bataso.

³Doi lalom, kobatasodoo tambuuno luwedoi Zin padang lalomo manisikiyo ko Edom. Doi Tolopot dobatasoo tambuuno luwedoi Tobun Mate bunduno taambikon doi lalom,

⁴babelok doi lalom loloiyo ko Loloon Akrabim tukon banggadudul doi Zin polong doi Kades-Barnea doi lalom. Luwe idoo babelokon taalikon tobun doi oloyo nasopokan polong doi Hazar-Adar, tukon banggadudul doi Azmon.

⁵Idoo babelok doi pepelako doi napokalalatanan ko Mesir tukon kona pupusan doi Tobun Tanga.

⁶Tobun Tanga bunopokakana nabatas komulipu doi talise sembeleng.

⁷Doi lembet, dobatasoo tambuuno doi Tobun Tanga polong doi Bunggul Hor,

⁸tukon luwe idoo doi Loloon Hamat, maka banggadudul doi Zedad

⁹tukon doi Zifron tukon konapupusan doi Hazar-Enam.

¹⁰Doi tolopot, dobatasoo tambuuno luwedoi Hazar-Enan doi Sefam.

¹¹Luwe idoo obulus doi Ribla doi tolopot Ain sembeleng, maka banggadudulo doi bunggul-bunggulo doi tolopot tambikon doi Danau Galilea,

¹²maka doi lalom popupuson ko Yordan Paisunobatango polong doi Tobun Mate. Doiyamo komulipu loingiyo konabatas-batas doi napotikunggonan.”

¹³ Musa bantile doi bangsa Israel, “Doiyamo kobuta naikon komuyu mo talimayo tukon makabai undi, buta mo menurut TEMENENO naparenta sio nainobosikon doi sembeleng ko bangsa Israel benseno.

¹⁴Ruben nabense-benseno tukon Gad tukon kosoobos moluwe doi Manasye nabenseno yanila lapamo talimayo konapoo obos, tukon butadoo kai lapamo inobosikon doi yanila nakaluargaa-kaluargaa.

¹⁵Yanila nabuta pusakadoo doi tolopot sembeleng ko Yordan Paisunobatango, doi naloolanian kokota Yerikho.”

¹⁶TEMENENO bantile doi Musa,

¹⁷“Komo sio naebese butadoo doi antara komuyu doiyamo Imam Eleazar, tukon Yosua Nun napau.

¹⁸Motudemo koidan meeng kokatua moluwedoi sasamba kobenseno sulano natomboniiyo Eleazar tukon Yosua moebese butadoo.”

¹⁹Ko sambuno domian-mianoo doiyamo: [BENSENO] — [KATUANO] Yuda — Kaleb Yefune napau Simeon — Samuel Amihud napau Benyamin — Elidad Kislon napau Dan — Buki Yogli napau Manasye — Haniel Efod napau Efraim — Kemuel Siftan napau Zebulon — Elisafan Parnah napau Iskhar — Paltiel Azan napau Asyer — Ahihud Selomi napau Naftali — Pedael Amihud napau

²⁹Doiyamo komian-mian TEMENENO moparentayo sulano naebese kobuta pusaka doi bangsa Israel doi lipu Kanaan.