Read Banggai BANGAITAN 36 Bible Online

BANGAITAN 36 - Banggai bible

BANGAITAN 36

¹Sasaibino kobonua tumbuno doi Gilead pulino lalomo, Makhir napau, doiyamo Manasye natumbu, Yusuf napau, ampakon mangadap doi Musa tukon katua-katua bailonggon.

² Yanila bantile, “Ko TEMENENO sumboliiyo komuyu moebese butadoo doi Israel miano tukon mangkabaian undi. Yana koidan sumboliiyo komuyu pobeena buta pusaka koutusonggami Zelafehat doi napau-pau boineno.

³Bai palaluu naninonook baikon kalu doi yaniladoo osowaano tukon mala-malane mo luwedoi benseno bailon, donapoo butadoo bineekono doi bensenodoo. Tukon doibundu buta motinantukono salaku mai wilayah naikon tokurango.

⁴Doi taun bangabalinggonan lalomo, doi tempo yanila sasaibino nabuat mo lapamo binalukon inabalinggon doi tumbuno tumbe, Zelafehadtoo napau-pau boineno nabuta naikon tataap teali yanila nalangkai-langkai koona, sampe komai benseno lapuso do nabutadoo.”

⁵Maka Musa pelenggene doi bangsa Israel naparenta nia mo luwedoi TEMENENO, “Oila komo binantil mo luwedoi Yusuf nakaturunan doiya bisa,

⁶tukon tobikon doiya ko TEMENENO bantile baikon Zelafehad napau-pau boineno bebas naosowaan tukon indee tolong konapo iniyas, asal napokakana konapoo benseno.

⁷Sasamba ko Israel miano nabuta pusaka naikon tataap tokooton doi nabenseno.

⁸Sasamba koboine mo pusakaiyo kobuta pusaka doi meeng kobangsa Israel benseno, sio naosowaan tukon mian mo luwedoi bensenodoo koidan. Tukon doibundu sasamba ko Israel miano naikon pusakaiyo kotumbunoila nabuta pusaka,

⁹sampe butadoo pusakadoo aki nabiyol-biyol luwedoi meeng kobenseno doi benseno bailon. Sasamba ko bangsa Israel benseno naikon tataap milikiyo konabuta pusaka susuungo.”

¹⁰Jadi pokokonoi tukon TEMENENO naparenta doi Musa, Zelafehat napau boineno molimadoo, doiyamo Mahla, Tirza, Hogla, Milka tukon Noa osowaan tukon mian-mian mo daano montolutus luwedoi tamano tambikon.

¹²Yanila osowaan tukon mian-mian moluwedoi puli-puli Manasye nabangsa benseno, Yusuf napau. Tukon doi bundu yanila nabuta pusaka tataap teali tamanoila nabangsa benseno koona.

¹³Doiyamo koaturan-aturan tukon katatapan-katatapan TEMENENO mo beekene doi bangsa Israel lolo doi Musa salataa kobangsa Israel daanoon doi Moab seanono doi Yordan Paisunobatango bibilo, loolani kokota Yerikho.