Read Banggai BANGAITAN 7 Bible Online

BANGAITAN 7 - Banggai bible

BANGAITAN 7

¹Doi tempo Musa lapamo ekekendenge ko TEMENENO Na Sandung, do Sandungoo tukon sasaibino kololongguno sinela tukon sinoutikon sasaibino tukon lisison bakolobokian. Bunomodoiya koidan konakinubaiyan doi balabaan tukon sasaibino kololongguno.

²Maka kokatua-katua Israel, doiyamo mokapalaiyo kobenseno mo ambakenggene kobangaitan limangano,

³mososubakon doi TEMENENO salaano noom koloda tukon songulo lua ko sapi: sasamba kokatua mebekon meeng koloda, tukon suwe-suwele meeng ko sapi. Sambuno lapa yanila sosubakene,

⁴TEMENENO bantile doi Musa,

⁵“Talimayomo kai domobineekonoo tuuk moangkute Daku Sandung; salaakanggenemo sasaibino doiya doi Lewi miano pokokonoi tukon konapoolimang.”

⁶Maka roda-roda tukon sapi-sapidoo Musa salaakanggene doi Lewi miano.

⁷Lua koloda tukon sangkap kosapi bineekon doi Gerson miano,

⁸sangkap koloda tukon alu kosapi doi Merari miano, pokokonoi tukon konapoolimang yanila mo lakukene Itamal mokatuaiyo, Imam Harun napau.

⁹Bai ko Kehat miano aki namatalima roda kai sapi mo luwedoi Musa, sabab kobarang-barang moliyous mo teali nainampakonggon, sio yanila na tanggunge.

¹⁰Saibino ko katua sio namababa sosubakon motuuk doi lamekanano kobalokian balabaan basaleano. Salataa yanila lapamo batotobo kobabayo konapobabealan sabeat doi balabaan salaano,

¹¹TEMENENO bantile doi Musa? “Bantilemo doi yanila baikon sasamba kooloyo kona kalumbit songulo lua kooloyo meeng komian doi antara do katua-katuadoo sio na mososubakon nasosubakon motuuk doi bakolobokian balabaan salaano.”

¹²Suwe-suwele babayo kona sosubakon longiyo nasinusunan nia: [OLOYO] — [BENSENO] — [KATUA-KATUA] Komeengo — Yehuda — Nahason Aminadap napau Koluano — Isakhar — Netaneel Zuar napau Kotoluno — Zebulon — Eliab Helon napau Kosangkapo — Ruben — Elizur Syedeur napau Kolimano — Simeon — Zurisyadai napau Konoomo — Gad — Elyasaf Rehuel napau Kopituno — Efraim — Elisama Amihud napau Koaluno — Manasye — Gamaliel Pedazur napau Kosiono — Benyamin — Abidan Gideoni napau Kosungulono — Dan — Ahiezer Amisyadai napau Kosongulono meeng — Asyer — Pagiel Okhran napau Kosongulono lua — Naftali — Ahira Enan napau Yanila nasosubakon suwe-suwele daanokai pokakana meeng kopinggan suasa konakotoong 1,5 kokilogram tukon meeng kosombe suasa konakotoong 800 gram, pokakana kotimbangan mo pinake doi TEMENENO Sandung. Looluakon dotampatoo inontoki moono tukon tarigu mo sinambul lisison sulano na teali sosubakon mo kinaan. Sangalaasan doiya me(...)

⁸⁴Sosubakon mobinaba luwedoi songulolua ko Katua motuuk doi balabaanoo baselaano sasaibino koaito: — songulo lua kopinggan suasa songulo lua kosombe suasa konakotoong sasaibino 27,6 kokilogram — songulo lua kopinggan mosoni konakotoong sasaibino 1,32 kokilogram momoono kamangian — songulo lua kosapi langgilo, songulo lua kodomba langgilo, tukon songulo lua kodomba napau mo meeng kotaun kona umur, posinggat-singgat tukon sosubakon mokinaan salaku posukupino motuuk doi sosubakon mosinua — songulo lua kombembe motuuk doi sosubakon potolos lalim luakolono sangkap ko sapi langgilo, noom kolono kodomba langgilo, noom kolono kombembe, tukon noom kolono kodomba napau kona umur meeng kotaun motuuk doi sosubakon podamean.

⁸⁹Sasamba luunggon Musa nausok doi TEMENENO Na Sandung lalomo sulano napobasalitai tukon TEMENENO, yana lengele ko TEMENENO alalo mo bantile doi yana luwedoi babo doi Peti Perjanjianoo potutupo doi antara lua koiyayon timbalango modaano kokapilo doi surgaa.