Read Banggai MIKHA 3 Bible Online

MIKHA 3 - Banggai bible

MIKHA 3

¹Ndongoliyo, he komuyu katua-katua Israel! Siokai potoiyo oila komo adil,

²bai komuyu tolongo mosikitene komo monondok, tukon sanaanggene komo lokis. Daku bangsa komuyu kanite tubo-tubo, tukon komuyu bandinge kosailo luwedoi buku bukuno.

³Komuyu kaane daku bangsa. Kokulito komuyu bending bendinge tukon buku-bukuno komuyu manase. Komuyu pate-patele yanila buno masapal sail tuuk inusokon doi balanga lalomo.

⁴Naikon lubat kotempono komuyu wokon mangkabi tolong doi TEMENENO, bai Yana aki naiyase timbiliyo. Yana aki naikon nandongoliiyo koposambe-sambeang, sabab komuyu lakukenemo komolokis.

⁵Daku bangsa nabi-nabi tipuwo moramalkanggene komo monondok doi mian mobeena doi, bai musuwo tukon pandang entenge komian moaki namebee. Doi nabi-nabi mobunodoiya, TEMENENO bantile,

⁶“He nabi komutempo lolanimo kabus, komuoloyo kabimo sopok. Komuyu akimo naikon koidan pomalaat batokitaan mo okitakene Daku rencana-rencana. Komuyu akimo pomaramal oi-oila.”

⁷Mian-mian moparamal aki nabisa. Yanila saibino aki mo nainangga sabab ko Mian Bisa akimo natimbiliyo yanila.

⁸Bai kobutonggu nia kaliang ano, TEMENENO totuiyomo tukon Roh tukon Nakuasa. Yaku binee pangalatian tentang kaadilan, tukon koidan baranian tuuk okitakene doi Israel miano kolalim-lalim molapamo yanila lakukene.

⁹Ndongoliyo daku bantilan-bantilan nia, he komuyu katua Israel momosikitene kaadilan tukon mopasekene konakanaan.

¹⁰Komuyu bangune ko Yerusalem, Mian Bisa nakota, konadasar mangakatean tukon akiyo kokaadilan.

¹¹Mokatuaiyo-katuaiyo kota maparentah sulano namalaat doi sogok, imam-imam mongotuul TEMENENO naukum tuuk gaji, tukon nabi-nabi mangkabi otunggul luwedoi Mian Bisa sulano malaat doy maka napo bantile, “TEMENENO daanon doi kita tanga-tangano; kita aki naikon nakanakon sakisaawan.”

¹² Sabab dopokulokisanoo, ko Sion naikon binadung buno asi, ko Yerusalem naikon teali bekas namolomboan, tukon TEMENENO Na Bonua bunggulo naikon teali mosolot.