Read Banggai MIKHA 5 Bible Online

MIKHA 5 - Banggai bible

MIKHA 5

¹TEMENENO bantile, “He Betlehem Efrata, ikoo meeng kokota mopoipoisik doi Yehuda! Bai luwedoikoo naikon Kuotuboiyo komeeng komian balakuasa tuuk Israel kona asal usul luwedoi looluk.”

² Jadi, TEMENENO naikon sodiikene Konaumat namusuh-musuh kuasaiyo yanila sampe boinedoo motinan tukon suungu Yana. Lapa doiya komian-mian mosebangsa modaano doi masakukonan naikon pinomeenggon koidan tukon yanila nabangsa.

³Kalukai domobalakuasa doo lubat, Yana naikon parentayo Konaumat tukon babuku tukon kakuasaan luwedoi Mian Bisa susuungu. Naumat naikon tubo tukon aman, sabab saibino komian posaapon kodunia naikon akuiyo Konatalakanaan,

⁴tukon Yana naikon bekene kopaladamean. Kalukai suludadu Asyur lobosio konda tano tukon lutake konda palataanan, kita naikon salakanggene konda katua-katua mobukuan tuuno sulano nalobosio yanila. Konda katua-katua doo naikon kalayomo ko Asyur tukon sanjata nabukuanan, tukon salamatene kita luwedoi yanila limano.

⁶ Israel miano modaano kolabino naikon teali buno soilu momemel luwedoi TEMENENO tuuk badaang kobangsa tukon buno udan molubat doi lobo mosinakakon. Yanila naikon sosinggalang doi Mian Bisa, tukon bolikon doi banggapi.

⁷Israel miano modaanon modungol doi antara bangsa-bangsa naikon buno singa doi iyayon-iyayon tangano doi babono kai doi domba do tambuno tangano tukon tudo-tudongiyo tukon beni-benite; akiyo komo moola sodiiyo domba-domba doo.

⁸Israel naikon kalayomo kona musuh-musuh tukon manasemo yanila saibino.

⁹TEMENENO bantile, “Doi tempo doo Yaku naikon akabusemo saibino komuadalan tukon manasemo komu kereta-kereta polobosian.

¹⁰Kota-kota moano kobentengo doi mutano naikon Yaku manase, tukon mupalataanan saibino Kulubange.

¹¹Mujizat-mujizat naikon Kualapusemo saibino mutukang bonua Kusiikayo.

¹²Yaku naikon manase komu timbalang-timbalang tukon posokol-posokol beton babasal doi mukaramat; komuyu akimo naikon koidan sosubaiyo kobenda-benda limano susungo komokubaiyo.

¹³Posokol-posokol Dewi Asyera doi mutano naikon Kulomboyo, tukon mu kota-kota modaano kona benteng-benteng naikon Kumanase.

¹⁴Dakunggimalan lalomo motodudulo Yaku naikon balase saibino kobangsa nakulokisan moaki nataat doi Yaku.”