Read Banggai NAHUM 2 Bible Online

NAHUM 2 - Banggai bible

NAHUM 2

¹He Niniwe, ndongoliiyokai! Moiyase lusake ikoo lubato! Dagaiyomokai kobenteng-benteng palataanan! Dagaiyo kololoon! Basadiamokai polobosi. (

²Tutuu, TEMENENO naikon abalinggene ko Israel namonondokan, sulano teali buno loluk, akiyon namusuh-musuh nalampeke.)

³Musuh natombide memelah kona warna, tukon konapakakanaan buno sau. Musuh siapo tuuk molobosi. Bunokai, nakereta besi, aungo mangkilat. Saibino kona adalan osut-osut.

⁴Doi loloon, kokareta-kareta matailuk tukon mosobit. Doi lapangan, yanila pololonggon. Tokita buno dial mo kait babasal, pololonggon makansang buno didip.

⁵Saibino kosuludadu kapalamo inuang momaju; yanila tabelenti-belenti salataa molobosi. Yanila todudul sia motujuiyo kokota betoono, pakakas poduwokon kinokondong tukon mosobit.

⁶Kopaisu tataapono tobukamo, maka nggabutokai posaapon kokamali batomundoan!

⁷Tomundo boine yana linakomo, napeleani-peleani nggeleamon tukon mandaung, yanila bantil-bantil buno tomisi pauno, tukon pukul-pukule kooyopo sabab naposusaan.

⁸Rakyat Niniwe obulen sasabul, buno paisu sumbut luwedoi poolu motolubang. Daano kowokonan, “Tade, tade!” bai akiyo komoiyase abali.

⁹Lambasemokai saibino komosoni tukon nasuasa! Kobuat doi kota nia tutuu lobi-lobian!

¹⁰Niniwe lapamo manas, kiis tukon akiyono komiano. Konoano teali matabal sabab matakut. Tuulo teali miuk tukon mbombokon. Saibino komian duduso teali mbobol tuuno.

¹¹Inandomokai kota doo diabudodoo? Kota mobuno leeng tampat singa nadungolan? Tampat singa napau-pau nabinean kaan, tampat singa malaneno tukon molukono natujuan, tampat mo aman tuuk napau-pau?

¹²Loluk indaa singa sokowo kona musuh, tukon siasiake koboineno maka napau-pau. Yana konoiyo kona telea tukon donabinaibaisoo daanokai nasail linolonggon.

¹³“Yaku nia mumusuh,” TEMENENO Mobabasal Konakuasa bantile, “Mukareta-kareta naikon Kusuayo kabus. Musuludadu naikon mate doi polobosian lalomo, tukon Yaku naikon mangala saibino kolobo molapamo Ikoo alayo luwedoi mian bailon. Saibino komu bito-bito natuntutan-tuntunan akimo naikon naloingol koidan.”