Read Banggai ZAKHARIA 10 Bible Online

ZAKHARIA 10 - Banggai bible

ZAKHARIA 10

¹Kalu kai kotempo keas lubat, kabiyo kai koudan doi TEMENENO. Maka TEMENENO potongikene kobunom mokalipokan, tukon lebesenggene koudan babasal tobikon ko asi-asi teali manampal tukon monondok tuuk doi sasaibino komian.

² Komian-mian makabi otunggul doi talapu-talapu tukon saibino komo baramal, potimbi-timbilimo yanila laate daanon mokala-kala tukon akiyo kotakoso saibino. Daano komo jelaskanggene koolumon, bai yanila nakatarangan tolongo komuyu tapa, tukon hiburan kona binekon akiyo koalatino. Sabab doiya korayat poalas-alas buno domba. Yanila susah sebab akiyo kona katua.

³TEMENENO bantil, “Yaku nggimal tuuno doi mobalakuasa moparentayo Daku umat, tukon yanila naikon Yaku ukume. Bai modungoliyo Yehuda danoonkai kongguna, tukon Yaku, TEMENENO Mobabasal Konakuasa naikon pialayo yanila. Yanila naikon Kutealikene adalan polobosian mobukuan tuuk Yaku.

⁴Luwedoi antara yanila naikon Kulilike mobalakuasa mokatuaiyo tukon batalengakene naikon momaparentah Daku umat.”

⁵Modungoliyo Yehuda naikon manaang buno mopojuang-pojuang motudong-tudongiyo komusuh bunokai lapetak doi loloon. Yanila naikon berjuang sabab Yaku. TEMENENO tomboniyo yanila, tukon musuh napasukan momolokiti adalan naikon yanila lungguiyo saibino.

⁶“Modungoliyo Yehuda naikon Kukobukuanggene, umat Israel naikon Kusalamatene. Kubabayo yanila abali doi natano sabab Yaku seange doi yanila. Naikon Kulakukene yanila, buno bangsa moaki Kutoliminggene. Yakumokai yanila na TEMENENO Mian Bisa, saibino kosambeang naikon Kupalatikanggene koidan.

⁷Umat Israel naikon buno talenga mobukuan, buno mian momonginum anggur, yanila naikon tedes. Yanila nakatulunan luwedoi tempo ko tempo aki naikon toliminggene manaangan Kubinekon nia. Yanila naikon monondok konoano sabab Kukakabai tuuk yanila.

⁸Kuumat naikon Kuuange tukon Kupotongikene teali meeng. Yanila Kusodiikene tukon Kubaiyo badaang buno loluk.

⁹Maukai Kubeasene yanila doi bangsa-bangsa tangano, yanila naikon tataap neneke Yaku indaa. Yanila naikon salamat buno koidan napau-pau tukon naikon mule posinggat-singgat doi natano.

¹⁰Luwedoi Mesir tukon Asyur, yanila naikon Kumulekene. Doi natano susungo yanila naikon Kutampatkanggene. Kubabayo yanila doi Gilead tukon koidan Libanon, tobikon posaapon kotano moono tukon yanila.

¹¹Kalu yanila pintosio kotobun mosusa, Yaku TEMENENO naikon umbase kobokol-bokol; maka kopaisu Nil batango uuno motuul tuuno. Bangsa Asyur mo babanggaal naikon pinepende, tukon Mesir mobarani naikon lapus kona kakuasaan.

¹²Yaku naikon kobukuanggene Kuumat, yanila naikon taat tukon bakaleda doi Yaku. Yaku, TEMENENO, lapamo basilingan.”