Read Banggai ZAKHARIA 12 Bible Online

ZAKHARIA 12 - Banggai bible

ZAKHARIA 12

¹Naiyamokai TEMENENO nateteba kaliangano doi Israel. TEMENENO bukayo kotimbu, pasitakayo kodunia tukon beena tuboan doi banggapi, bantile,

²“Yaku naikon kubaiyo ko Yerusalem buno beker koantoko anggur; tano-tano napokolanian naikon namonginumtukon tombing-tombing buno mian momalanggu. Kalukai Yerusalem kinepung, dotano Yehuda modaano dungol, naikon kinepung koidan.

³Bai kalukai oloyodoo lubat, Yaku naikon kubaiyo ko Yerusalem buno batu mobabalat: bangsa nandokai mosobayo na bingkate naikon malaat silakaan. Saibino kobangsa doi dunia naikon pogabung tuuk molobosi Yerusalem.

⁴Doi oloyo doo saibino koadalan Kukubaiyo pusing tukon kopolo-polokitimo Kutealikene tindo, modungoliyo ko Yehuda naikon Kudagaiyo, bai sasaibino kona musuh naadalan Kukubaiyo piit.

⁵Maka pulih-pulih Yehuda naikon bantil doi noano lalomo, ‘TEMENENO Mobabasal Konakuasa mobeena bukuanan doi Naumat modunggol doi Yerusalem.’

⁶Doi oloyodoo pulih-pulih Yehuda naikon Kutealikene buno aung doi kayung mosinoa nainatambunan lalomokai dodial mokait doi bilit berkas-berkas gandum; yanila naikon molopuwo kobangsa-bangsa potikunggon. Bai modungoliyo ko Yerusalem naikon tataap dungol doi kota lalomo tukon aman.

⁷Yaku, TEMENENO, naikon tumbe-tumbeno beena kamanangan doi suludadu Yehuda, sulano pongodotii katulunan Daud talimayo tukon modungoliyo ko Yerusalem aki nalobian kona pongodotii modungoliyo Yehuda bailonggon talimayo.

⁸Doi oloyodoo Yaku naikon osoope modungoliyo ko Yerusalem, tukon momiuk tuuno doi antara yanila naikon teali pokakana nabukuanan Daud. Yanila naikon katulunan Daud bimbinge buno Kumalaekat, tadukai buno Yaku susunggu.

⁹Doi oloyo doo Yaku naikon lopuwo samba kobangsa mosobayo lobosiyo ko Yerusalem.

¹⁰ Lapa doiya Daud nakatulunan tukon modungoliyo ko Yerusalem Kubeena noa moyase seseange tukon yase sambeang. Yanila naikon mbalenge yana mo lapamo yanila tebeke tukon mandaunggene buno mian mandaunggene pau momeeng namatean. Yanila naikon mandaung tukon poloon, buno mian molapamo konapau langgongo.

¹¹Doi oloyo doo naikon daano komandaungan mo hebat doi Yerusalem, buno mandaungan tuuk Hadad-Rimon doi Pepelako Megido.

¹²Maka samba kopulih doi tanodoo naikon mandaung susuungo; pulih Daud nakaturunan, pulih Natan nakaturunan, pulih Lewi nakaturunan, pulih Simei nakaturunan tukon saibino kopulih bailonggon. Samba kopulih naikon mandaung susuungo, tukon mian-mian malane luwedoi saibino koboine.”